کراچی (جیوڈیسک) کے علاقے کورنگی نمبر 1 میں دو گروپوں کے درمیان فائرنگ کے تبادلے میں ایک شخص جاں بحق اور ایک زخمی ہو گیا، واقعے کے بعد علاقے میں تاحال کشیدگی برقرار ہے۔ کراچی کا علاقہ کورنگی نمبر ایک اچانک اس وقت میدان جنگ کے مناظر پیش کرنے لگا جب دو گروہوں کے درمیا ن نجی تنازعے پر اچانک مسلح تصادم کا آغاز ہوا۔ علاقہ گولیوں کی آوازوں سے گونجتا رہا۔ واقعے کے بعد مشتعل افراد سڑکوں پر آگئے اور پولیس موبائل اور گاڑیوں پر پتھرا شروع کر دیا۔
جبکہ پولیس موبائل کو آگ لگانے کی کوشش بھی کی گئی۔ امن و امان کی صورتحال پر قابو پانے کے لئے پولیس کی مزید نفری علاقے میں پہنچ گئی لیکن صورتحال قابو میں نہ آسکی اور رینجرز کی نفری کو بھی طلب کر لیا گیا۔
تین گھنٹے سے ذائد دورانئے تک علاقے میں فائرنگ کا سلسلہ جاری رہا۔ مشتعل افراد سڑکوں پر موجود رہے اور اس دوران مشتعل افراد نے ایک مکان اور ریتی کے تھلے کو آگ بھی لگا دی۔ علاقے میں صورتحال بدستور کشیدہ ہے اور پولیس اور رینجرز کی بھاری نفری علاقے میں تعینات ہے۔
نندی پور پاور پراجیکٹ کی تعمیری لاگت میں اضافے کی تحقیقات کا حکم
لاہور : دریائے راوی میں کشتی الٹ گئی، 4 افراد ڈوب گئے، 2 کو بچا لیا گیا
