پیرمحل کی خبریں 15.07.2013
Posted on July 16, 2013 By Geo Urdu سٹی نیوز
پیرمحل معروف قانون چوہدری مصطفےٰ رمدے ایڈوکیٹ کو قائم المقام ایڈوکیٹ جنرل پنجاب بننے پر مبارک باد پیش کی گئی
پیرمحل (نامہ نگار) پیرمحل معروف قانون چوہدری مصطفےٰ رمدے ایڈوکیٹ کو قائم المقام ایڈوکیٹ جنرل پنجاب بننے پر مبارک باد پیش کی گئی تفصیل کے مطابق مسلم لیگ(ن) پیرمحل سٹی کے عہدیداروں جن میں چوہدری خالد سردار،چوہدری سلطان احمد، میاں اسد حفیظ، چوہدری امان اللہ، چوہدری عبدالغفار، اسر ار احمد پھلوری، مشتا ق احمد سعیدی، محمد جمیل، آصف جاوید ،محمد خرم شہزاد چوہدری عمران خرم کی طرف سے چوہدری مصطفےٰ رمدے ایڈوکیٹ کو قائم المقام ایڈوکیٹ جنرل پنجاب بننے پر مبارک باد پیش کرتے نیک خواہشات کا اظہار کیا گیا، یاررہے کہ چوہدری مصطفےٰ رمدے کا تعلق علاقہ پیرمحل سے ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل اور گردو نواح میں آوارہ کتے شہریوں کے لئے وبال جان بن گئے ہیں
پیرمحل (نامہ نگار) پیرمحل اور گر دو نواح میں آ وارہ کتے شہریوں کے لئے وبال جان بن گئے ہیں کا ٹنے سے کئی زخمی۔ کتوں سے نجات حاصل کرنے کے لئے ٹی ایم اے اور محکمہ صحت مہم چلائے۔ تفصیلات کے مطابق پیرمحل شہر اور گردو نواح میں آوارہ کتوں کی بھر مار سے شہری پریشان ہیں خصوصا بچوں اور خواتین کا نکلنا مسئلہ بنا ہوا ہے ۔ہسپتا ل میں کتے کے کا ٹنے کی ویکسئین بھی دستیا ب نہیں ۔گوشت اور مرغیوں کی دوکانوں پر رات کے وقت درجنوں کتوں کا راج ہوتا ہے۔ وہ پھٹوں پر ہڈیاں چبانے اور لڑتے نظر آتے ہیں اور صبح انہی پھٹوں پر شہریوں کو گوشت فروخت کیا جاتا ہے عوامی حلقوں نے اعلیٰ حکام سے مطالبہ کیا ہے کہ خصوصی مہم چلا کر عوام کو اس مصیبت سے نجات دلائے جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ صیام میں شیطان کو پابند سلاسل کر دیا جاتا ہے
پیرمحل (نامہ نگار) ماہ صیام میں شیطان کو پابند سلاسل کر دیا جاتا ہے تاکہ امت محمد صلی اللہ علیہ وآلہ وسلم کی روحانی تربیت ہو سکے ان خیالات کا اظہار ممتاز مذہبی سکالر مفتی محمد وسیم سیالوی نے پیرمحل میں اپنے خصوصی خطاب میں کیا انہوں نے کہا کہ ماہ صیام بے شمار برکتوں اور رحمتوں کا حامل ہے بنی نوع انسان کی رہنمائی کیلئے خالق کائنات نے اپنی آخری کتاب اس ماہ مقدس میں اتاری روزے جو اپنے اندر بے شمار اجر لیے ہوئے ہوتے ہیں اس ماہ میں رکھنے کی توفیق اللہ تعالیٰ نے امت محمد ۖ کو عطا کی اس مقدس ماہ میں لیلة القدر جیسی عظیم رات بھی عطا فرمائی ہزار ماہ سے افضل ہے نیکی کا کام کرنے کیلئے اس ماہ میں آسانیاں پیدا کی جاتی ہیں بلکہ ثواب بھی ستر گناہ بڑھا دیا جاتا ہے یہ ماہ ہر لحاظ سے روحانی اجتماعی اصلاح اور تربیت کا ماہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ ہائی وے کی غفلت یا لاپرواہی بائی پاس بھسی روڈ پراشارات نصب نہ ہونے کے باعث آئے روز حادثات معمول بن گئے
پیرمحل (نامہ نگار) محکمہ ہائی وے کی غفلت یا لاپرواہی بائی پاس بھسی روڈ پراشارات
نصب نہ ہونے کے باعث آئے روز حادثات معمول بن گئے شہریوں نے اپنی مدد آپ کے تحت سپیڈ بریکر بنوائے مگر اشارے نہ ہونے کے باعث مسافروں کو سخت مسائل کا سامنا تفصیل کے مطابق محکمہ ہائی وے کی غفلت کے باعث بھسی روڈ بائی پاس آئے روز حادثات کے باعث خونی چوک بن چکاہے جس کی بڑی وجہ بائی پاس کے دونوں اطراف اشارات کا نہ ہونا ہے حالانکہ لاکھوں روپے بل ڈال کر محکمہ ہائی وے اندرون خانہ فنڈ ہڑپ کرچکا ہے کیونکہ بائی پاس کی تعمیر میں ان اشارات کی تنصیب کے بغیر محکمہ کسی صورت میں اپنی نگرانی میں نہیں لے سکتا تھا جبکہ بائی پاس کو اپنی تحویل میں لیے ایک سال سے زائد کا عرصہ گذر چکا ہے بائی پاس کی دیکھ بھال کے لیے افسران اپنے دفاتر سے نکلنا گوار انہیں کرتے جس وجہ سے بائی پاس کے ساتھ ارد گرد پانچ پانچ فٹ گڑھے پڑچکے ہیں جبکہ بیلدا ربرائے نام کاروائی کرکے چلے جاتے ہیں جس سے بائی پاس کی حالت دن بدن خستہ ہورہی ہے سماجی، فلاحی حلقوں نے وزیر اعلی ٰ پنجاب میاں شہبازشریف ڈی سی اوٹوبہ ٹیک سنگھ سے درخواست کی کہ فی الفور پیرمحل بھسی روڈپر اشارات کی تنصیب کروائی جائے تاکہ آئے روز حادثات میں ضائع ہونے والی قیمتی جانوں کو بچایا جاسکے۔
