گجرات کی خبریں 15.7.2013
Posted on July 16, 2013 By Geo Urdu گجرات
الحاج چوہدری ابرار اصغر جوڑا کی چھٹی برسی آج ہو گی
گجرات (جی پی آئی) الحاج چوہدری ابرار اصغر جوڑا کی چھٹی برسی آج ہو گی ،سٹیزن فرنٹ ضلع گجرات کے صدر چوہدری علی ابرار جوڑا کے والد محترم سابق ناظم الحاج چوہدری ابرار اصغر جوڑا کی چھٹی برسی آج 16جولائی 2013بروز منگل بعد نماز عصر 6بجے ان کی رہائش گاہ علی پورہ روڈ گجرات میں ہو گی، تلاوت و نعت کے بعد ممتاز مذہبی سکالر حضرت علامہ مولانا پیر صاحبزادہ محمد ظہیر الدین معظمی نظامی ناظم قمر العلوم گجرات خصوصی خطاب فرمائیں گئے، خطاب کے بعد 7بجے ختم شریف پڑھا جائیگا اور انشاء اللہ سات بج کر دس منٹ پر خصوصی دعا ہو گی اور روضہ افطار کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز عالم دین حضرت علامہ پروفیسر محمد نصر اللہ ہر سال کی طرح امسال بھی رمضان المبارک کی پر نور ساعتوں میں مرکزی جامع مسجد عید گاہ جی ٹی روڈ گجرات میں نماز تاویح میں قرآن پاک سنا رہے ہیں
گجرات (جی پی آئی)ممتاز عالم دین حضرت علامہ پروفیسر محمد نصر اللہ ہر سال کی طرح امسال بھی رمضان المبارک کی پر نور ساعتوں میں مرکزی جامع مسجد عید گاہ جی ٹی روڈ گجرات میں نماز تاویح میں قرآن پاک سنا رہے ہیں اور نماز تراویح میں پڑھے گئے سپاروں کا اردو میں خلاصہ بھی بیان کرتے ہیں ، جنہیں سننے کیلئے سینکڑوں فرزندانِ اسلام روزانہ مرکزی جامع مسجد عید گاہ جی ٹی روڈ گجرات میں آ کر اپنے قلوب کو قرآنی تعلیمات سے منور کرتے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
APFUTUکے زیر اہتمام عالمی لیبر کانفرنس ستمبر میں منعقدکروائی جائے گی
گجرات (جی پی آئی) APFUTUکے زیر اہتمام عالمی لیبر کانفرنس ستمبر میں منعقد
کروائی جائے گی، تفصیلات کے مطابق محنت کش مزدوروں کے حقوق کیلئے کام کرنے والی ملک گیر تنظیم آل پاکستان فیڈریشن آف یونائیٹڈ ٹریڈ یونینز کے زیر اہتمام ماہ ستمبر 2013میں عالمی لیبر کانفرنس منعقد کروائی جائے گی، لیبر کانفرنس میں برازیل، ویت نام، انڈیا، سائوتھ افریقہ، سائیپرس اور یونان سے لیبر یونینز کے نمائندے خصوصی شرکت کرینگے، جس میں لیبر قوانین کا جائزہ لیا جائیگا، اور ILOکو سفارشات تیار کر کے پیش کی جائینگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میاں عبدالرشید پگانوالہ کی وفات کا سن کر گہرا صدمہ ہوا ہے
گجرات (جی پی آئی) انجمن بہبودی مریضاں عزیز بھٹی شہید ہسپتال کی خاتون راہنما نگہت اقبال قریشی نے اپنے ایک تعزیتی بیان میں کہا ہے کہ میاں عبدالرشید پگانوالہ کی وفات کا سن کر گہرا صدمہ ہوا ہے ، وہ خدا ترس اور درد دل رکھنے والے انسان تھے ، ان کی فلاحی خدمات کو ہمیشہ یاد رکھا جائیگا ، میاں عبدالرشید پگانوالہ نے اپنی تمام زندگی سیاسی اور سماجی خدمات کیلئے وقف کر رکھی تھی ، اور دکھی انسانیت کی خدمت کو اپنا شعار بنائے رکھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس تھانہ سول لائن کے علاقہ سے دو موٹر سائیکل چوری
گجرات (جی پی آئی) پولیس تھانہ سول لائن کے علاقہ سے دو موٹر سائیکل چوری، تفصیلات کے مطابق پولیس تھانہ سول لائن گجرات کے علاقہ رحمن شہید روڈ پر واقع لائف سٹائل جم کے باہر کھڑی مسلم لیگ ن کے راہنما شعیب اصغر بٹ آف غلہ منڈی ریلوے روڈ کی ہنڈا 125نامعلوم چور لے اڑے، جبکہ محلہ امین آباد سے نامعلوم چور گجرات پریس کلب کے سیکرٹری لائبریری حافظ ظہیر عباس سندھو کی ہنڈا CD70ان کی رہائشگاہ کے باہر سے لے اڑے ، پولیس مصروف تفتیش ہے ، جبکہ موٹر سائیکل چوری کی وارداتوں کے مقدمات ابھی تک درج نہیں ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق ایم پی اے میاں عبدالرشید پگانوالہ مرحوم کا ختم قل آج دن 9بجے غریب پورہ روڈ پر واقعہ الجنت میرج ہال میں پڑھا جائیگا
گجرات (جی پی آئی) سابق ایم پی اے میاں عبدالرشید پگانوالہ مرحوم کا ختم قل آج دن 9بجے غریب پورہ روڈ پر واقعہ الجنت میرج ہال میں پڑھا جائیگا ، دوست احباب سے شرکت کی استدعا کی جاتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
UOGکے ثمر کیمپ 2012کو ایک سال گزر جانے کے باوجود ثمر کیمپ میں حصہ لینے والے طلباء و طالبات کو یونیورسٹی کی جانب سے ابھی تک کسی بھی قسم کے ڈپلومہ ، سرٹیفکیٹ وغیرہ جاری نہیں کیے
گجرات (جی پی آئی) UOGکے ثمر کیمپ 2012کو ایک سال گزر جانے کے باوجود ثمر کیمپ میں حصہ لینے والے طلباء و طالبات کو یونیورسٹی کی جانب سے ابھی تک کسی بھی قسم کے ڈپلومہ، سرٹیفکیٹ وغیرہ جاری نہیں کیے جا سکے، جبکہ دوسری جانب UOGمیں ثمر کیمپ 2013کیلئے داخلہ جات جاری ہیں ، اور اس بار گزشتہ سال کی نسبت فیسیوں میں بھی اضافہ کیا گیا ہے، امتحانات سے فارغ طلباء و طالبات کا کہنا ہے کہ UOGانتظامیہ سستے اور معیاری کورسز متعارف کروائیں، جس سے عام طالب علم مستفید ہو سکے، اور یونیورسٹی اس بات کی پابند ہو کہ ثمر کیمپ کے اختتام پر ہی طلباء و طالبات کو کورسز کے سرٹیفکیٹ اور ڈپلومہ جات جاری کریں تا کہ طلباء و طالبات مزید ایک سال تک ذلیل و خوار نہ ہوں، اور ثمر کیمپ کے دوران کیے گئے کورسز کے سرٹیفکیٹ کے ساتھ اپنے مستقبل کا لائحہ عمل مرتب کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عوام کے تعاون سے جرائم پیشہ افراد کے خلاف سخت کاروائی عمل میں لائی جا رہی ہے
گجرات (جی پی آئی) ڈسٹرکٹ پولیس آفیسر سید علی ناصر رضوی نے میڈیا سے بات چیت کرتے ہوئے کہا ہے کہ عوام کے تعاون سے جرائم پیشہ افراد کے خلاف سخت کاروائی عمل میں لائی جا رہی ہے، گجرات پولیس نے بین الاقوامی موٹر سائیکل چوروں کا گروہ گرفتار کر لیا ہے، جبکہ مزید تین گروہ کے خلاف کاروائی عمل میں لائی جا رہی ہے ، جس میں گجرات پولیس جلد ہی کامیابی حاصل کر لے گی ، گجرات پولیس نے موٹر سائیکل چوری کر کے افغانستان اور ملک کے دیگر علاقوں میں لے جا کر فروخت کرنے والے گروہ کو گرفتار کر لیا ہے، جن میں محلہ کالو پورہ کے رہائشی ذوالفقار، قیصر، عامر، ظہیر عباس جبکہ ضلع بھکھر کے ساجد حسین، محمد یاسین، وہاڑی کے کاشف نوید، جلالپور جٹاں کے عمر صادق کو گرفتار کر کے ان کے قبضہ سے 6عدد چوری شدہ موٹر سائیکل، 9لاکھ روپے، 6عدد موبائل برآمد کر لیے گئے ہیں، سی آئی اے سٹاف کے انچارج فراست حسین چٹھہ کی سربراہی میں پولیس کی چھاپہ مار پارٹی نے گروہ کی گرفتاری کیلئے مختلف جگہوں پر چھاپے مارے اور چوری شدہ موٹر سائیکل تک خریدے تا کہ گروہ کا نیٹ ورک توڑا جا سکے ملزمان نے گجرات، لاہور، فیصل آباد، راولپنڈی، سرگودھا، بھکھر، ڈیرہ اسماعیل خان میں بھی وارداتوں کا انکشاف کیا ہے ، ڈی پی او نے کہا کہ عوام جرائم پیشہ افراد پر کڑی نظر رکھیں اور پولیس کے ساتھ تعاون کریں، تا کہ جرائم پیشہ افراد کے خلاف بروقت کاروائی عمل میں لائی جا سکے اور اپنے ارد گرد کے ماحول پر بھی نظر رکھی جائے، مشکوک افراد کی پولیس کو نشاندہی کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات نے تاجروں کے خلاف کریک ڈائون کرتے ہوئے 82دوکانداروں پر بھاری جرمانے عائد کئے گئے
گجرات(جی پی آئی)ڈی سی او آصف بلال لودھی کی ہدایت پرماہ رمضان المبارک کے دوران گراں فروشی اور مصنوعی مہنگائی کرنے اور ریٹ لسٹیں آویزاں نہ کرنے والے تاجروں کے خلاف کریک ڈائون کرتے ہوئے 82دوکانداروں پر بھاری جرمانے عائد کئے گئے ہیں جبکہ 10کے خلاف مقدمات درج کر وا کر انہیں جیل بھجوا دیا گیا ہے۔پنجاب حکومت کی ہدایات کے مطابق ضلع بھر میں انتظامی و ریونیو افسران سمیت 22پر ائس مجسٹریٹ مقرر کئے گئے ہیں جنہوں نے ضلع بھر کے تمام علاقوں میں مارکیٹوں اور بازاروں میں اچانک کاروائی کرتے ہوئے مجموعی طور پر 630دوکانداروں اور تاجروں کو چیک کیا ۔ اس دوران 82تاجر و دوکاندار ریٹ لسٹیں آویزاں نہ کرنے اور طے شدہ نرخوں سے زائد ریٹس وصول کرنے کے مرتکب پائے گئے جن پر مجموعی طور پر 86200روپے جرمانہ عائد کیا گیا جبکہ سنگین خلاف ورزیوں کے مرتکب 10دوکانداروں و تاجروں کے خلاف مختلف تھانوں میں مقدمات درج کر وا کر انہیں جیل بھجوادیا گیا۔ دریں اثناء ڈی سی او آصف بلال لودھی نے واضع کیا ہے کہ مصنوعی مہنگائی اور گراں فروشی میں ملوث عناصر کے خلاف ہر گز کوئی رعایت نہیں ہوگی۔ انہوں نے پر ائس مجسٹریٹس کو ہدایت کی کہ وہ عوام النا س کو مقررہ نرخوں پر اشیائے خورد و نوش کی فراہمی اور مصنوعی مہنگائی سے محفوظ رکھنے کے لئے مزید متحرک ہو جائیں اور گراں فروشوں کے خلاف قانون کے مطابق سخت ایکشن لیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلا ل لودھی نے رمضان بازاروں میں خریداروں بڑی تعداد میں آمد انکی کامیابی کا ثبوت ہے
گجرات(جی پی آئی)ڈی سی او آصف بلا ل لودھی نے رمضان بازاروں میں خریداروں بڑی تعداد میں آمد انکی کامیابی کا ثبوت ہے، ہول سیل ڈیلرز کی مدد سے لگائے جانے والے سٹالز پر عوام کو مختلف اشیا ء پر فی کلو گرام 10روپے تک ریلیف فراہم کیا جا رہا ہے۔ ان خیالات کا اظہار انہوں نے جلالپور، منگوال، شادیوال، کوٹلہ ارب علی خان ، کھاریاں ، لالہ موسی ، سرائے عالمگیر میں رمضان بازاروں کے دورے کے موقع پر کیا۔ ڈی سی او آصف بلا ل لودھی نے کہا کہ صوبائی حکومت بیس کلو گرام آٹے کے تھیلے پر رمضان بازار میں 100روپے جبکہ اوپن مارکیٹ میں 60روپے کی سبسڈی دے رہی ہے جبکہ وفاقی حکومت کے رمضان پیکج کے تحت یوٹیلٹی سٹورز کی آئیٹمز چینی، گھی پر سبسڈی دی جارہی ہے۔ انہوں نے بتایا کہ ضلع گجرات کے رمضان بازاروں میں سستے آٹے کے سٹالز کے ساتھ یوٹیلٹی سٹالز بھی لگائے گئے ہیں جبکہ بڑے ڈیلرز کی مدد سے پھلوں، گرین چینل کے ذریعے سبزیوں پر رعایت دی جا رہی ہے۔ ڈی سی او نے بتایا کہ رمضان بازار میں چکن، مٹن اور بیف بھی بازار سے رعایت فروخت کیا جارہا ہے۔ ڈی سی او نے کہا کہ خصوصا رمضان بازاروں میں اور باالعموم ضلع بھر میں اوزان کی چیکنگ پر بھی خصوصی توجہ دی جارہی ہے تاکہ کو ئی بھی فرد صارف کے مفادات کو نقصان نہ پہنچا سکے۔اس موقع پر انہوں نے تمام سٹالز کا معائنہ بھی کیا اور بعض سٹال ہولڈرز کے باٹ چیک کرنے کے ساتھ محکمہ لیبر کے عملہ سے اسکی ویری فیکیشن بھی کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DPOگجرات سید علی ناصر رضوی کی ہدائیت پر گجرات پولیس کا منشیات فروشوں کے خلاف کریک ڈائون
گجرات (جی پی آئی)DPOگجرات سید علی ناصر رضوی کی ہدائیت پر گجرات پولیس کا منشیات فروشوں کے خلاف کریک ڈائون ،1.185کلوگرام چرس ،230گرام ہیروئن معہ 3250روپے وٹک ،1عدد رائفل 244بور معہ 135ضرب روند اور 1عدد پسٹل 30بور برآمد کر کے الگ الگ ملزمان کے خلاف مقدمات درج کرلئے ۔تھانہ سٹی لالہ موسیٰ پولیس نے مخبر خاص کی اطلاع پر ملزم محمد اقبال ولد محمد صدیق قوم ملک سکنہ کباڑی بازار کھاریاں سے 1185گرام چرس برآمد کر کے مقدمہ درج کرلیا ۔تھانہ صدر جلالپور جٹاں پولیس نے موضع لکھنوال ریڈ کر کے 2منشیات فروشوں کو رنگے ہا تھوں گرفتار کر کے ہیروئن اور رقم وٹک برآمد کر کے ملزمان کے خلاف الگ الگ مقدمات درج کر لئے (١) ملزم افتخار احمد ولد بشیر احمد قوم جٹ سکنہ لکھنوال کلاں سے 110گرام ہیروئن معہ 1700روپے وٹک (٢) بلال احمد ولد محمد نواز قوم وڑائچ سکنہ لکھنوال کلاں سے 120گرام ہیروئن معہ 1550روپے وٹک تھانہ گلیانہ پولیس نے مخبر کی اطلاع پر مقدمہ قتل کے ملزم رضوان علی ولد محمد بشیر قوم ماچھی سکنہ اجنالہ کو گرفتار کرکے ملزم کے قبضہ سے پسٹل 30بور برآمد کرلیا ۔تھانہ بولانی پولیس نے دوران گشت ملزم ضیا ء ولد صفدر حسین قوم اعوان سکنہ ناندہ سے رائفل 244بور معہ135ضرب روند برآمد کرکے مقدمہ درج کرلیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان سنی تحریک کے وفد کیDPOگجرات سے خصوصی ملاقات
گجرات (جی پی آئی) پاکستان سنی تحریک گجرات کے ایک خصوصی وفد نے گزشتہ روزپیر سید مبشر شاہ ضلعی صدر پاکستان سنی تحریک گجرات کی زیر صدارت ڈی پی او گجرات سید علی ناصر رضوی سے خصوصی ملاقات کی ۔ڈی پی او نے سنی تحریک کے وفد کو اس بات کی یقین دہانی کرائی کہ سید وقار حسین شاہ کے قتل کی کیس کو اپنی زیر نگرانی پایہ تکمیل تک پہنچائیں گے ۔ اور ان کے قاتلوں کو کیفر کردار تک پہنچا کر دم لیں گے ، عوام اہل سنت میں پائے جانے والے عدم تحفظ اور ناانصانی کی کی تشویش کو خاتمہ کریں گے ۔ انصاف کی فراہمی اولین ترجیح ہے ۔ وفد میں علامہ ایاز اختر نعیمی سٹی صدر سنی تریک گجرات ، قاری محسن رضاممبر رابطہ کمیٹی سنی تحریک گجرات ، حافظ مظہر اقبال چشتی صدر یونٹ قدرت آباد ، ناظم کھوکھرممبر رابطہ کمیٹی سنی تحریک گجرات، سلیمان فاروق ، شہباز بٹ صدر سنی تحریک لالہ موسیٰ ،افتخارچشتی وغیرہ شامل تھے۔
