نیویارک (جیوڈیسک) این جی ٹی ہالی ووڈ کی نئی ڈرامہ فلم” ٹویلو ائیر اے سلیو “کا پہلا ٹریلر آن لائن ریلیز کر دیا گیا ہے ۔حقیقی واقعات اور حالاتِ زندگی پرمبنی اس فلم کی کہانی Solomon Northup نامی ایک ایسے افریقی امریکی سیاہ فام شخص کی سوانح حیات سے منسلک ہے جسے 1841 میں امریکی شہر واشنگٹن سے اغوا کر کے ایک غلام کی حیثیت سے فروخت کر دیا گیا تھا۔
سیاہ فام شخص Solomon نے اپنی زندگی کے 12 سال انتہائی کسمپرسی کی حالت میں گزارے اور اغوا سے غلامی اور غلامی سے آزادی تک کے سفر کے گھومتی اس فلم کو اسٹیو میکیوئن نے ڈائریکٹ کیا ہے جس کے مرکزی کردار میں Chiwetel Ejiofor سرِ فہرست ہیں ۔20 ملین ڈالر کی لاگت سے تیار کی جانیوالی یہ فلم رواں سال 18 اکتوبر کو سنیما گھروں میں نمائش کیلئے پیش کر دی جائے گی۔
سمر سیزن میں ننھے منے بچوں کے کارٹونز نے ہالی ووڈ کی دنیا پر قبضہ کرلیا
پریانکا چوپڑا آنے والی فلم میں باکسر کا کردار کریں گی
