اسلامی جمعیت طلبہ رمضان المبارک کے بعد وفاقی وزارت تعلیم کو اپنی سفارشات پیش کرے گی : لاہور میں خطاب

Posted on July 18, 2013 By Tahir Webmaster لاہور

لاہور : اسلامی جمعیت طلبہ پاکستان کے ناظم اعلیٰ محمد زبیر صفدر نے کہا ہے کہ یکساں نظام تعلیم اور نصاب ملکی واحدانیت اور سالمیت کے لئے ناگزیر ہے حکومت پنجاب کی جانب سے جاری کی گئی پالیسی کا خیر مقدم کرتے ہیں۔ان خیالات کا اظہار انہوں نے ذمہ داران کے اجلاس سے خطاب کرتے ہوئے کیا انہوں نے مزید کہا کہ اسلامی جمعیت طلبہ نے ہر دور میں یکساں نظام اور نصاب تعلیم کے لئے جد وجہد کی ہے۔

ایک زبان ، ایک نظام اور ایک نصاب پاکستان کی سالمیت اور ترقی کا ضامن ہے۔ اس کے نفاذ کے بغیر معاشرہ تقسیم در تقسیم ہوتا چلا جاتا ہے۔ ناظم اعلیٰ کا مزید کہنا تھا کہ اسلامی جمعیت طلبہ رمضان المبارک کے بعد وفاقی وزارت تعلیم کو اس حوالے سے اپنی سفارشات بھی پیش کرے گی۔

جس میں یکساں نظام اور نصاب تعلیم کے لئے تجاویز اور عمل درآمد کے لئے لائحہ عمل دیا جائے گا۔ ملک کو ترقی کی راہ پر گامزن کرنے اور اس میں مساوی معاشرے کی تشکیل کے لئے نظام تعلیم کو یکساں کرنا وقت کی اہم ضرورت ہے۔

by Tahir Webmaster

Nasir Mehmood - Chief Editor at GeoURDU.com

لاہور : شوہر نے گھریلو جھگڑے میں فائرنگ کر کے بیوی کو ہلاک کر دیا پنجاب میں سی این جی سیکٹر کو آج بھی گیس کی سپلائی بند