مدین (جیوڈیسک) سوات کے علاقے مد ین پک اپ گہرے کھائی میں جاگری چار افراد جاں بحق متعد زخمی، تین زخمیوں کو مدین سول ہسپتال منتقل کر دیا گیا بعض کی حالت تشویشناک بتائی جاتی ہے۔ تفصیلات کے مطابق سوات کے دورافتادہ پہاڑی علاقہ مدین بشیگرام میں پک اپ گاڑی نمبر psmo 227 بشیگرام سے مدین آرہی تھی کہ گاڑی ڈرائیورسے بے قابو ہوکر چار سو فٹ بلندی سے گہرے کھائی میں جا گری۔
جس کے نتیجہ میں چارافراد عالم شیر ولد اخترے، عبدالکریم ولد تاج نور، حضرت علی ولد محیب گل اور شاہ زمان ولد بہرہ مند موقع پر جاں بحق ہوگئے جبکہ متعد افراد حادثے میں زخمی ہو گئے ہیں۔
تین زخمیوں ولی خان ولد حضرت علی ،عبد الرشید ولد اختر گل اور احسان اللہ ولد شاہ زمان مدین سول ہسپتال منتقل کر دیا گیا مقامی ایم پی اے جعفر شاہ موقع پر پہنچ گئے اور ہسپتال انتظامیہ کو زخمی افراد کے بہتر علاج معالجے کی ہدایات جاری کر دی۔
حیدرآباد: دو غیر ملکی طالبعلم اغوا، ایک مغوی تشدد کے بعد رہا
سی پی ایل سی اور اے وی سی سی کی مشترکہ کارروائی، 3 سالہ بچی بازیاب
