ممبئی (جیوڈیسک) ریانکا نے 2000 میں مس ورلڈ کا خطاب اپنے نام کیا۔ رواں سال گلوکاری کے میدان میں بھی قدم جمانے شروع کئے۔ سابقہ مس ورلڈ اور بالی ووڈ کی صفِ اول کی اداکارہ پریانکا چوپڑا نے اپنی 31ویں سالگرہ منائی۔ 18 جولائی 1982 کو بھارتی ریاست جھاڑکھنڈ کے شہر جمشید پور میں پیدا ہونے والی پریانکا نے 2000 میں مس ورلڈ کا خطاب اپنے نام کیا جس کے بعد انہوں نے اپنے فلمی کیرئیر کا آغاز 2002 میں ایک تامل فلم سے کیا۔
پریانکا کی بالی ووڈ میں پہلی کامیاب فلم ”انداز” ثابت ہوئی جس پر ان کو بہترین نئی اداکارہ کے ایوارڈ سے بھی نوازا گیا۔ اس کے بعد پریانکا نے اعتراض، بلف ماسٹر، کرش، ڈان، سلامِ عشق، دوستانہ، فیشن، کمینے اور ڈان ٹو جیسی کامیاب فلموں میں بہترین اداکاری کا مظاہرہ کرکے کئی ایوارڈز اپنے نام کیے۔
پریانکا کی دو فلموں اگنی پتھ اور برفی نے جہاں باکس آفس پر تہلکہ مچایا وہیں ان کی فلم “تیری میری کہانی” کچھ خاطر خواہ کامیابی حاصل نہیں کرسکی۔ پریانکا کی آنے والی فلموں میں ہریتک روشن کیساتھ کرش تھری، ارجن کپور اور رنویر سنگھ کیساتھ غنڈے، رام چرن کیساتھ فلم زنجیر کا ریمیک اور بھارتی باکسر میری کوم کی بائیوپک شامل ہیں۔
جن سے شائقین کی بہت سی توقعات وابستہ ہیں۔ رواں سال پریانکا چوپڑا نے گلوکاری کے میدان میں بھی قدم جمانے شروع کیے اور جہاں ان کے پہلے ہی گانے نے میوزک چارٹس پر تہلکہ مچا دیا وہیں دوسرا گانا ایکوزٹک کچھ خاطر خواہ مقبولیت نہ حاسل کرسکا۔
سورج پنچولی فلم ہیرو کے ریمیک میں کاسٹ
پاکستان کے نام ور اداکار ندیم کی 72 ویں سال گرہ
