گجرات کی خبریں 21.7.2013
Posted on July 22, 2013 By Geo Urdu گجرات
جب پاکستان میں کوئی بم دھماکہ یا کوئی واقعہ ہوتا ہے تو ہمارے سیاسی و سماجی و مذہبی حلقے دہشت گردی کے خلاف بیان بازی کرتے ہیں
گجرات ( جی پی آئی )ممتاز مذہبی شخصیت سید رضوان علی شاہ چیئرمین تحصیل پولیس کمیٹی گجرات چیمبر آف کامرس اینڈ انڈسٹری اور جنرل سیکرٹری انجمن تاجران سرکلر روڈ گجرات نے کہا ہے کہ جب پاکستان میں کوئی بم دھماکہ یا کوئی واقعہ ہوتا ہے تو ہمارے سیاسی و سماجی و مذہبی حلقے دہشت گردی کے خلاف بیان بازی کرتے ہیں، احتجاج کرتے ہیں، لیکن میں آج امت مسلمہ کے راہنمائوں سے سوال کرتا ہوں کہ دمشق میں محسن اسلام جنابِ حضرت زینب علیہ اسلام کے مزار پر حملہ ہوا، جو کہ بہت بڑا دہشت گردی ہے، یہ وہ ہستی ہیں، جنہوں نے اسلام کیلئے کام کیا، کربلا میں بھی اس کے خاندان کے ساتھ ظلم ہوا، اور آج دمشق میں بھی ان کے مزار پر بم گرائے جا رہے ہیں، حکومت پاکستان کو چاہیے کہ وہ اس سلسلہ میں سفارتی سطح پر ایکشن لیں اور اس کے خلاف احتجاج کریں تا کہ عالم اسلام کو تحفظ مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکیم پیرزادہ جاگیردار گل نواز جٹ رندھاوا ہوتی لاہوتی علمدار المعروف مخدوم باوا سائیں اللہ ہو سرکار لاہور کے روحانی دورہ کے بعد گجرات پہنچ گئے
گجرات ( جی پی آئی )حکیم پیرزادہ جاگیردار گل نواز جٹ رندھاوا ہوتی لاہوتی علمدار المعروف مخدوم باوا سائیں اللہ ہو سرکار لاہور کے روحانی دورہ کے بعد گجرات پہنچ گئے، انہوں نے حضرت سیدہ رقیہ کبریٰ بنت حضرت علی علیہ السلام المعروف بی بی پاک دامناں کے مزار پر حاضری دی ساری رات دربار شریف پر عبادت کی، ملک کی سلامتی و ترقی کیلئے دعائیں کیں، ممتاز روحانی شخصیت و ثناء خوانِ رسول الحاج عرفان حیدری اور گدی نشین پیر افضال احمد بھٹی نے ان کی میزبانی کے فرائض سرانجام دیے، بعد ازاں وہ سنگیوں کے ہمراہ حضرت داتا گنج بخش علی ہجویری کے مزار پر پہنچے اور چوبیس گھنٹے عبادت میں گزارے، ملک کی ترقی و سلامتی کیلئے دعائیں کیں، روحانی فیض حاصل کیا اور تبرکات لینے کے بعد گجرات واپس پہنچے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنجاہ میں لین دین کے تنازعہ پر مسلح افراد نے فائرنگ کر کے 50 سالہ شخص کو قتل کر دیا
گجرات ( جی پی آئی ) کنجاہ میں لین دین کے تنازعہ پر مسلح افراد نے فائرنگ کر کے 50 سالہ شخص کو قتل کر دیا تھانہ کنجاہ کے علاقہ موضع ٹبی گنڈا سنگھ میں لین دین کے تنازعہ پر ملزمان عبدالغفار اور عبدالستار نے فائرنگ کر کے 50 سالہ شخص محمد یونس کو قتل کر دیا اور فرار ہو گئے پولیس نے مقتول کی نعش کو پوسٹ مارٹم کے بعد ورثاء کے حوالے کر دیا اور مقتول کے بھائی محمد یوسف کی رپورٹ پر ملزمان کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں جائیداد کے تنازعہ پر فائرنگ کر کے دو افراد کو شدید زخمی کر دیا گیا
گجرات ( جی پی آئی ) گجرات میں جائیداد کے تنازعہ پر فائرنگ کر کے دو افراد کو شدید زخمی کر دیا گیا گذشتہ روز جی ٹی ایس چوک کے قریب واقع ایک پیٹرول پمپ کے مالک چوہدری صفدر جو کہ اپنے دوست وقار کے ہمراہ اپنے پیٹرول پمپ پر موجود تھے کہ جائیداد کے تنازعہ پر ملزم سدھیر سکنہ محلہ جنڈی نے اندھا دھند فائرنگ کر کے چوہدری صفدر اور وقار کو شدید زخمی کر دیا اور فرار ہو گیا پولیس تھانہ اے ڈویژن گجرات نے زخمی صفدر کے بھائی یاسر کی رپورٹ پر ملزم کے خلاف مقدمہ درج کر لیا ہے زخمیوں کو طبی امداد کیلئے عزیز بھٹی شہید ہسپتال گجرات داخل کرا دیا گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے برساتی نالہ میں طغیانی سے متعدد دیہات زیر آب آ گئے
گجرات ( جی پی آئی ) گجرات کے برساتی نالہ میں طغیانی سے متعدد دیہات زیر آب آ گئے برساتی نالہ ایلسی کا بند ٹوٹنے سے پانی نواحی دیہاتوں گلانوالہ معین الدین پور اور دیگر درجنوں دیہاتوں میں داخل ہو گیا جس سے دیہاتوں میں کھڑی دھان کی فصل مکمل طور پر تباہ ہونے کے ساتھ پانی لوگوں کے گھروں میں داخل ہو گیا جس سے اہل دیہات کو شدید مشکلات کا سامنا کرنا پڑ رہا ہے جبکہ لوگ خود اوراپنا قیمتی گھریلو سامان محفوظ جگہ پر منتقل کر رہے ہیں نالہ ایلسی کا بند ٹوٹنے کی اطلاع پر اے ڈی سی جی سمیر احمد سید اور ضلعی انتظامیہ کے دیگر افسران موقع پر پہنچ گئے اور نالہ ایلسی کے ٹوٹنے والے بند کی فوری طور پر مرمت کرا دی جس سے پانی دیہاتوں میں جانے سے رک گیا اے ڈی سی جی سمیر احمد سید نے بتایا کہ نالہ کا بند ٹوٹا ضرور ہے اور اس کی مرمت بھی فوری طور پر کر دی گئی ہے مگر نالہ کا پانی کسی بھی دیہات میں نہیں گیا اور نہ ہی فصلیں تباہ ہوئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
متر سانجھ پنجاب کا ہنگامی اجلاس تنظیم کے صدر افتخار وڑائچ کالروی کی صدارت میں منعقد ہوا
گجرات (جی پی آئی ) متر سانجھ پنجاب کا ہنگامی اجلاس تنظیم کے صدر افتخار وڑائچ کالروی کی صدارت میں منعقد ہوا سلیمان علی چودھری ناصر وڑائچ آف ہریہ والا احسان مجتبیٰ اور آصف نواز ساہی نے خصوصی شرکت فرمائی افتخار وڑائچ کالروی نے حاضرین سے خطاب کرتے ہوئے کہا کہ ہم ملک شام کے دارالحکومت دمشق میں حضرت زینب کے مزار کے صحن میں بم دھماکوں کی بھرپور مذمت کرتے ہیں انہوں نے کہا کہ حضرت زینب رسول اللہ کی نواسی ہیں بانیان اسلام کے مزارات کی بے حرمتی در اصل اہل اسلام کے جذبات سے کھیلنے کے مترادف ہے ہم اس واقعے سے بہت زیادہ سوگوار اور دل گرفتہ ہیں۔
