گجرات کی خبریں 22.7.2013
Posted on July 23, 2013 By Geo Urdu گجرات
گجرات میں 65 سالہ نامعلوم شخص کو قتل کرنے کے بعد نعش کھیتوں میں پھینک دی گئی
گجرات (جی پی آئی ) گجرات میں 65 سالہ نامعلوم شخص کو قتل کرنے کے بعد نعش کھیتوں میں پھینک دی گئی تھانہ رحمانیہ کے گائوں جلیانی میں نامعلوم مسلح افراد نے فائرنگ کر کے 65 سالہ نامعلوم شخص کو فائرنگ کر کے قتل کر کے نعش کھیتوں میں پھینک کر فرار ہو گئے پولیس نے نعش پوسٹمارٹم کیلئے عزیز بھٹی ہسپتال منتقل کر دی ہے اور نامعلوم ملزمان کے خلاف مقدمہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے نواحی گائوں میں گھریلو حالات سے تنگ آ کر ایک شخص نے زہریلی گولیاں کھا کر خود کشی کر لی
گجرات (جی پی آئی ) گجرات کے نواحی گائوں میں گھریلو حالات سے تنگ آ کر ایک شخص نے زہریلی گولیاں کھا کر خود کشی کر لی گذشتہ روز گائوں بھاگووال میں جاوید اقبال نے گھریلو حالات سے دلبرداشتہ ہو کر زہریلی گولیاں کھا کر خود کشی کر لی پولیس نے ضروری کارروائی کے بعد نعش ورثاء کے حوالے کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او گجرات آصف بلال لودھی نے کہا ہے کہ گذشتہ روز برساتی نالہ ایلسی میں سیلابی پانی سے پڑنے والے 50 فٹ گہرے شگاف کو محکمہ انہار نے پر کر دیا ہے
گجرات (جی پی آئی ) ڈی سی او گجرات آصف بلال لودھی نے کہا ہے کہ گذشتہ روز برساتی نالہ ایلسی میں سیلابی پانی سے پڑنے والے 50 فٹ گہرے شگاف کو محکمہ انہار نے پر کر دیا ہے انہوں نے کہا کہ شگاف سے فصلوں کو نقصان پہنچا ہے لیکن سیلابی پانی سے کوئی گائوں متاثر نہیں ہوا انہوں نے کہا کہ مون سون موسم میں ضلعی انتظامیہ دریائے چناب برساتی ندی نالوں پر مکمل نگاہ رکھے ہوئے ہے اور کسی بھی ہنگامی صورتحال سے نمٹنے کیلئے تیار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امام سٹوڈنٹس آرگنائزیشن اور اہل تشیع گجرات کے زیر اہتمام گذشتہ روز شام میں بی بی زینب کے روضہ پر حملہ کے خلاف احتجاجی مظاہرہ کیا
گجرات (جی پی آئی ) امام سٹوڈنٹس آرگنائزیشن اور اہل تشیع گجرات کے زیر اہتمام گذشتہ روز شام میں بی بی زینب کے روضہ پر حملہ کے خلاف احتجاجی مظاہرہ کیا احتجاجی مظاہرہ امام بارگاہ حسینیہ ٹرسٹ سرکلر روڈ سے شروع ہوا اور چوک نوابصاحب تمبل چوک فیصل گیٹ فوارہ چوک جی ٹی ایس چوک ریلوے روڈ پر اختتام پذیر ہوا مظاہرین نے خطاب کرتے ہوئے کہا کہ دشمن قوتیں اسلام کے خلاف اکٹھی ہو چکی ہیں بی بی زینب کے مزار پر حملہ کی شدید مذمت کرتے ہیں مظاہرین نے احتجاجی کتبے اٹھا رکھے تھے اور حملہ آوروں کے خلاف زبردست نعرے بازی کر رہے تھے یونیورسٹی آف گجرات کے طلباء و طالبات نے بھی بی بی زینب کے روضہ پر حملہ کے خلاف احتجاجی مظاہرہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم کرسچن فیڈریشن کے زیر اہتمام موضع ہیل میں 24 جولائی کو افطار ڈنر کا اہتمام کیا گیا ہے
گجرات (جی پی آئی ) مسلم کرسچن فیڈریشن کے زیر اہتمام موضع ہیل میں 24 جولائی کو افطار ڈنر کا اہتمام کیا گیا ہے جس میں تمام مذاہب اور مکاتب فکر کے رہنما خصوصی شرکت کریں گے جبکہ ممتاز دانشور سکالر بین الاقوامی تربیت کار ڈاکٹر سید اظہر حسین خصوصی شرکت کریں گے افطار ڈنر میں چرچ آف پاکستان کے سربراہ بشپ عزرایا اسلامی نظریاتی کونسل کے ممبر سید پیر سید احمد شاہ گجراتی مسلم کرسچن فیڈریشن کے چیئرمین قاضی عبدالقدیر خاموش تحریک انصاف کے رہنما چوہدری بشیر احمد جمعیت اہل حدیث ضلع گجرات کے صدر حافظ طارق محمود یزدانی ممتاز مذہبی سکالر سید الطاف الرحمن و دیگر ہوں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
روحانی پیشواء حکیم پیرزادہ جاگیردار گل نواز جٹ رندھاوا ہوتی لاہوتی علمدار المعروف مخدوم باوا سائیں اللہ ہو سرکار نے سانحہ دمشق پر شدید غم و غصہ و دکھ افسوس کا اظہار کرتے ہوئے کہا ہے کہ امت مسلمہ غیروں کی لوریوں کے تلے سو رہی ہے
گجرات (جی پی آئی) روحانی پیشواء حکیم پیرزادہ جاگیردار گل نواز جٹ رندھاوا ہوتی لاہوتی علمدار المعروف مخدوم باوا سائیں اللہ ہو سرکار نے سانحہ دمشق پر شدید غم و غصہ و دکھ افسوس کا اظہار کرتے ہوئے کہا ہے کہ امت مسلمہ غیروں کی لوریوں کے تلے سو رہی ہے ، اور یہود و ہنود، نصاریٰ ،ان کے خواب غفلت سے فائدہ اٹھاتے ہوئے ان کے مقامات مقدسہ کی بے حرمتی کر رہا ہے ، اس کے پیچھے پورا عالم کفر کام کر رہا ہے، اب یہود و نصاریٰ کو چھوڑ کر گنبدیٰ حضریٰ کے والیٰ کا در تھامنا ہو گا ، انہوں نے کہا کہ اہلیان گجرات سے میری اپیل ہے کہ وہ ہر قسم کے مذہبی سیاسی دھڑے بندی سے ہٹ کر اسلام کی خاطر ایک دن منائیں جس میں یہود و ہنود کے خلاف آواز بلند ہو ، کاروبار زندگی بند کر کے مکمل طور پر احتجاج کرنا ہو گا ، اور تمام مکاتب فکر کو ایک پلیٹ فارم پر جمع ہو کر عزت نبی ۖ کی حفاظت کیلئے آواز اٹھانا ہو گی ، ہم حکومت پاکستان سے اپیل کرتے ہیں کہ وہ سفارتی سطح پر کام شروع کریں اور شام کو بتا دیں کہ پاکستانی اہلبیت کے ماننے والے اور تمام مسلمان اسلام کے تحفظ کیلئے قربانیاں دینگے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارویں شریف پیر طریقت صاحبزادہ پیر سید محمود الحسن شاہ بخاری قادری الحسنی والحسینی سجادہ نشین آستانہ عالیہ غوثیہ فضلیہ کھیپڑانوالہ شریف کی زیر صدارت ھو گی
گجرات (جی پی آئی) آستانہ عالیہ غوثیہ فضلیہ کھیپڑانوالہ شریف میں ماہانہ محفل گیارویں شریف پیر طریقت صاحبزادہ پیر سید محمود الحسن شاہ بخاری قادری الحسنی والحسینی سجادہ نشین آستانہ عالیہ غوثیہ فضلیہ کھیپڑانوالہ شریف کی زیر صدارت منعقد ہوئی ، تلاوت قرآن پاک کا شرف پرنسپل دارالعلوم جامعہ غوثیہ فضلیہ کھیپڑانوالہ شریف قاری شفقت اللہ قادری نے حاصل کیا ، نعت رسول مقبول ۖڈاکٹر محمد ایوب قادری ، مظہر عزیز قادری ، صوفی محمد اقبال ، مظہر اقبال ، محمد احسان قادری اور ارمغان خالد نے پیش کی ، جبکہ حضرت صاحبزادہ پیر سید فیضان الحسن شاہ بخاری قادری اور حضرت علامہ محمد مظہر نقشبندی نے خصوصی خطاب فرمایا بعد ازاں ختم شریف اور درود و سلام پڑھا گیا ، جس کے بعد صاحبزادہ پیر سید محمود الحسن شاہ بخاری قادری الحسنی والحسینی نے خصوصی دعا فرمائی ، دعا کے بعد محفل پاک میں شرکت کرنے والے سینکڑوں پیر بھائیوں مریدوں اور عقیدت مندوں کا روزہ افطار کروایا گیا اور باجماعت نماز مغرب ادا کی گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نواحی گائوں گلاں والا کے قریب نالہ ہیلسی میں 30فٹ سے زائد چوڑا شگاف پڑ گیا تھا:عمر فاروق وڑائچ
گجرات (جی پی آئی) ضلع انتظامیہ اور محکمہ انہار کی ٹیموں نے بھر پور محنت کر کے گلاں والا کے قریب ہیلسی نالہ میں پڑنے والا شگاف پر کر دیا ہے۔ ڈی سی او آصف بلال لودھی ،ڈسٹرکٹ فلڈ ریلیف آفیسر عمر فاروق وڑائچ نے بتایا کہ نواحی گائوں گلاں والا کے قریب نالہ ہیلسی میں 30فٹ سے زائد چوڑا شگاف پڑ گیا تھا جس کی وجہ سے قریبی دیہات کی کچھ زرعی اراضی بھی زیر آب گئی تھی گذشتہ دنوں بارش کے بعد نالہ سے طغیانی کے بعد نالہ میں شگاف پڑگیا تھا۔ اطلاع ملتے ہی ضلعی انتظامیہ اور مھکمہ انہار کے افسران اور عملہ بھاری مشینری کے ہمراہموقع پر پہنچ گئے اور شگاف پر کرنے کے لئے ہنگامی بنیادوں پر کام شروع کر دیا گیا بھر پور محنت سے گذشتہ رات ہی پانی کے شگاف سے کھیتوں کی جانب نکاس کو روک دیا گیا تھا ۔تاہم اگلے دن بند کو مزید مضبوط بنا دیا گیا ہے ۔ ڈی سی او آصف بلال لودھی نے بتایا کہ نالے میں شگاف سے زرعی اراضی زیر آب تاہم رہائشی علاقوں اور مکانات کو کوئی نقصان نہیں ہوا۔ انہوں نے بتایا کہ انتظامیہ پوری طرح الرٹ ہے اور سیلاب کی صورت حال پر کڑی نظر رکھے ہوئے ہے۔
