پیرمحل کی خبریں 24.7.2013
Posted on July 25, 2013 By Geo Urdu سٹی نیوز
دو نقاب پوش مسلح ڈا کو ؤ ں نے شہریوں کو مو ٹر سائیکلوں سے محروم کر دیا
پیرمحل: دو نقاب پوش مسلح ڈا کو ؤ ں نے شہریوں کو مو ٹر سائیکلوں سے محروم کر دیا۔ تفصیل کے مطابق محلہ غوثیہ آباد کے رہائشی محمد ماجد ولد غلام صابر سے موٹرسائیکل نمبری TSG-1329اور محلہ علامہ اقبال ٹائون کے رہائشی احسن مشتا ق ولد مشتاق سے اپلائیڈ فار موٹر سائیکل سوار وں کو علی الصبح پرانا جاوید سنیما روڈ پر دو نقاب پوش ڈا کو ؤ ں نے گن پوا ئنٹ پر روک لیا دونوں سے موٹر سائیکل چھین کرفرار ہو گئے۔ متاثرین کی تحریری درخواستوں پرپولیس نے کاروائی شروع کردی تھی۔ یادریں کہ ایک ہفتہ کے دوران پیرمحل شہر کے اندر چوتھی واردات ہے لیکن پولیس اب تک کسی بھی مجرم کو پکڑنے میں مکمل طور پر نا کام ہو چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر میںتجاوزات کی بھرمار مین بازار سمیت دیگر بازاروں میں ٹریفک جام رہنا معمول بن گیا شہریوں کو مشکلات کا سامنا
پیرمحل: شہر میں تجاوزات کی بھر مار مین بازار سمیت دیگر بازاروں میں ٹریفک جام رہنا معمول بن گیا شہریوں کو مشکلات کاسامنا مین بازار سمیت دیگراندرون شہر تجاوزات کے خاتمے اور ٹریفک کو ون وے کیا جائے شہریوںکا انتظامیہ سے مطالبہ تفصیلات کے مطابق پیرمحل شہر کے اہم بازار جن میں سبزی منڈی روڈ، رجانہ روڈ، صدربازار، مین بازار، سبزی منڈی تا لاری اڈہ روڈ پرر یڑھیوں، رکشائوں اور دوکانداروں کی دیگر تجاوزات کے باعث ان بازاروںمیں گاڑیوںاورموٹرسائیکلوں کی لمبی لائنیں لگی رہتی ہیں اور اکثر ٹریفک جام رہتا ہے جبکہ بعض اوقات ٹریفک جام ہوجانے پر موٹرسائیکل سواروںاور گاڑی مالکان کے درمیان اکثر نوک جونک ہو جاتی ہے اور نوبت مار کٹائی تک جا پہنچتی ہے ٹریفک جام سے ان بازاروںمیں سے پیدل گزرنے والے مردوخواتین کو شدید پریشانی کا سامنا کرنا پڑتا ہے شہریوں اور عوامی حلقوںنے انتظامیہ سے مطالبہ کیا ہے کہ مین بازار اور دیگر تنگ بازاروںمیں ٹریفک کا بہاؤ ون وے کیا جائے اور بازاروںکے اندر جابجا لگی ریڑھیوں اور ناجائز تجاوزات کو ہٹاکر سبزی منڈی روڈ، رجانہ روڈپرٹریفک پولیس اہلکار تعینات کیے جائیں تاکہ لوگوں کو عید کی شاپنگ کے دوران پیش آنے والے مسلہ سے نجات مل سکے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جماعت اہلسنت پیرمحل کے امیر مفتی محمد اکبر رضوی نے نواسی ٔ رسول حضرت بی بی زینب اور صحابی ٔ رسول حضرت خالد بن ولید کے مزار پر حملوںکی شدید مذمت کرتے ھیں
پیرمحل: جماعت اہلسنت پیرمحل کے امیر مفتی محمد اکبر رضوی نے نواسی ٔ رسول حضرت بی بی زینب اور صحابی ٔ رسول حضرت خالد بن ولید کے مزار پر حملوںکی شدید مذمت کرتے ہوئے کہا ہے کہ حضرت بی بی زینب اور حضرت خالد بن ولید کے مزارت ِمبارک پر حملہ اسلام اور شعائر اسلامی پر حملہ ہے۔ مساجد اور مزارات کو نشانہ بنانے والے یہود و نصاریٰ کے احکامات کی تکمیل کر رہے ہیں۔حضرت بی بی زینباورحضرت خالدبن ولید کا روضہ مبارک ہماری عقیدتوں کا محور ہے ہم اس کے تحفظ کیلئے خون کا آخری قطرہ تک نچھاور کردینگے۔ باغیوں کے لُبادے میں چھپے ہوئے یزیدی منافق بے نقاب ہوچکے ہیں اوراسلام دشمن طاقتوں سے ان کا تعلق اور دوستی ساری دنیا دیکھ رہی ہے آج مسلمانوں کی غیرت و حمیت کے امتحان کی گھڑی ہے۔ انہوں نے حکومت پاکستان سے مطالبہ کیاکہ حضرت بی بی زینب اور حضرت خالد بن ولید کے مزار مبارک پر حملے کا معاملہ اقوام متحدہ میں اٹھائیں اورفی الفور OICکا سربراہی اجلاس بلائیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ (ن) کو پاکستان کی عوام نے جو مینڈیٹ دیا ہے انشاء اللہ عوام کی توقعات پر پورا ترے گی
پیرمحل: مسلم لیگ (ن) کو پاکستان کی عوام نے جو مینڈیٹ دیا ہے انشاء اللہ عوام کی توقعات پر پورا ترے گی، میاں نوازشریف کی قیادت میں پاکستان ترقی کی انتہائی منزلوںکو چھوئے گا اور گزشتہ 15سالوں سے عوام کے اندر پایا جانے والا احساس محرومی ختم ہوگا۔ ان خیالات کا اظہاررکن قومی اسمبلی چوہدری اسد الرحمن نے افطار ڈنر کے موقع پر کارکنوں سے خطاب کرتے ہوئے کیا، انہوںنے کہاکہ مسلم لیگ (ن) نے عالمی سطح پر پاکستان کا نام روشن کیا ہے، پاکستان نے مختلف ممالک کیساتھ باہمی اشتراک کے تعاون اور معیشت کی مضبوطی کیلئے متعدد معاہدے کئے ہیں جو خوش آئندہیں اور پاکستان کی ترقی میں سنگ میل ثابت ہونگے، میاں نواز شریف نے ملک سے بد امنی، بیروز گاری، لوڈشیڈنگ اور کرپشن کے خاتمے کا تہیہ کر رکھا ہے، مسلم لیگ (ن) کے کارکنان پاکستان کی مضبوطی اور معاشی انقلاب کیلئے میاں برادران کے ہاتھ پہلے سے زیادہ مضبوط کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل: پیرمحل میں ہلکی بارش سے موسم خو ش گوار ہو گیا اور روزہ داروں کے چہر ے کھل اٹھے
پیرمحل: پیرمحل میں ہلکی بارش سے موسم خو ش گوار ہو گیا اور روزہ داروں کے چہر ے کھل اٹھے ۔گرود نواح کے علا قوں میں موسم آبر آلود ہے اور ٹھنڈ ی ہوائیں چل رہی ہیں۔ دوسری جانب ٹھنڈ ی ہواوں کے باعث گرم موسم ایک دم ٹھنڈ ک میں بدل گیا ہے اور شہر یوں کے چہر وں پر مسکر اہٹ دیکھا ئی دے رہی ہے۔
