ماہ رمضان میں آٹے کی قیمت کراچی میں چوالیس روپے اوراندورن سندھ چھیالیس روپے تک پہنچانے کے بعد آٹا مافیا نے قیمت میں دو روپے کی معمولی کمی کردی۔ سندھ حکومت کی نااہلی کے باعث رمضان کے مقدس مہینے میں عوام کو عام دنوں سے مہنگا آٹا خریدنا پڑرہا ہے تاہم اب اس میں دو روپے فی کلو کی معمولی کمی کی گئی ہے۔۔یہ کمی بھی روس سے گندم کی وافر مقدار پاکستان آنے کی خبروں پرآئی ہے۔جبکہ محکمہ خوراک سندھ کا اس میں کوئی کردار نہیں ہے۔
اس بار رمضان میں سندھ حکومت نے ہفتہ بازاروں میں سستے آٹے کے اسٹالز لگانے کی زحمت بھی گوارا نہیں کی ہے۔۔۔ڈیلرز کے مطابق مارکیٹ میں گندم کی 100 کلو بوری کی قیمت 3650 روپے سے کم ہوکر 3550 روپے ہوگئی ہے۔گندم کی قیمتوں کو دیکھتے ہوئے چکی کا آٹا 44 روپے سے کم کرکے 42 روپے فی کلو کردیا گیا ہے۔اس طرح 10 کلو چکی کے آٹے کا تھیلا 20 روپے کمی کے بعد 420 روپے کا ہوگیا ہے۔
کاروباری ہفتے کے آخری روز کے ایس ای میں مندی
ایشیائی ترقیاتی بینک نے پاکستان کو 50 کروڑ ڈالرز کی پیشکش کردی
