کراچی (جیوڈیسک) کراچی میں رمضان المبارک میں بھی قتل غارتگری نہ رک سکی،سفاک دہشت گردوں نے آج بھی 6 افراد کی زندگی کا چراغ گل کر دیا، جبکہ پٹیل پاڑہ میں رینجرز نے ٹارگٹڈ آپریشن کے دوران 2 مبینہ ٹارگٹ کلر ز سمیت 9 افراد کو گرفتار کرکے بھاری تعداد میں اسلحہ برآمد کرلیا۔ شہر کراچی میں رمضان کے مقدس مہینے میں بھی مسلح افراد کی کاروائیاں روکی نہ جا سکیں۔
بلدیہ ٹاون کی کچرا کنڈی سے دو افراد کی بوری بند لاشیں برآمد ہوئی ہیں۔ریسکیو ذرائع کے مطابق ابولحسن اصفہانی روڈ پر مسلح افراد نے ایک شخص کو فائرنگ کر کے موت کے گھات اتار دیا ،لانڈھی مظفرآباد کالونی اور گرومندر کے علاقے میں فائرنگ کرکے دو پولیس اہلکاروں کو قتل کر دیا گیا۔
ماڑی پور دعا ہوٹل کے قریب نامعلوم ملزمان نے ایک شخص کو ہلاک کردیا۔دوسری جانب پٹیل پاڑا میں الصبح رینجرز کے 300 سو اہلکاروں جن میں خواتین اہلکار بھی شامل تھی علاقے کو گھیرے میں لے کر ٹارگٹڈ آپریشن کیا ،رینجرز ذرائع کے مطابق آپریشن جرائم پیشہ افراد اور دہشت گردوں کی موجودگی کی اطلاع پر کیا گیا ہے۔
آپریشن میں رینجرز نے مشہور ٹارگٹ کلر طارق عرف ڈان اور عاصم مرزا سمیت 9 افراد کو گرفتار کر لیا جبکہ اس دوران بھاری تعداد میں اسلحہ بھی برآمد کرلیا۔ آپریشن مکمل ہونے اور اہلکاروں کے جانے کے بعد ،مشتعل افراد نے میڈیا کے نمائندوں کو تشدد کا نشانہ بنایا۔
کوئٹہ : نجی بنک میں ڈکیتی، ڈاکو ایک کروڑ روپے لوٹ کر فرار
خیبرپختونخوا اسمبلی، جسٹس ریٹائرڈ وجیہہ الدین کی کامیابی کے قوی امکانات
