گجرات کی خبریں 02.08.2013
Posted on August 3, 2013 By Geo Urdu گجرات
نکاسی آب کا بندوبست نہ ہونے کی وجہ سے گندے نالے اور بارش کا پانی فاران انسٹی ٹیوٹ آف ٹیکنالوجی دیونہ منڈی کی بلڈنگ میں داخل ہو گیا
گجرات(جی پی آئی)نکاسی آب کا بندوبست نہ ہونے کی وجہ سے گندے نالے اور بارش کا پانی فاران انسٹی ٹیوٹ آف ٹیکنالوجی دیونہ منڈی کی بلڈنگ میں داخل ہو گیا ، دفتر اور ارد گرد کے علاقہ میں پانی کی وجہ سے طلباء کی مشکلات میں اضافہ، ضلعی حکومت کو اطلاع ہونے کے باوجو دابھی تک کوئی اقدامات نہیں اٹھائے گئے، مقامی سیاسی راہنما کی وجہ سے ڈی سی او گجرات نے ابھی تک کوئی ایکشن نہیں لیا، منیجنگ ڈائریکٹر فاران انسٹی ٹیوٹ آف ٹیکنالوجی طارق جاوید چوہدری نے مطالبہ کیا ہے کہ فوری طور پر ایسے اقدامات کیے جائیں جن سے پانی کے نکاس کا مسئلہ حل ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیعہ علماء کونسل سرائے عالمگیر کے زیر اہتمام یوم القدس کے سلسلہ میں عظیم الشان احتجاجی مظاہرہ کیا گے
گجرات(جی پی آئی)شیعہ علماء کونسل سرائے عالمگیر کے زیر اہتمام یوم القدس کے سلسلہ میں عظیم الشان احتجاجی مظاہرہ کیا گیا، جس کی قیادت تحصیل صدر سرائے عالمگیر علامہ اشتیاق حسین کاظمی نے کی، ریلی کے شرکاء نے یوم القدس کے موقع پر اقوام متحدہ سے مطالبہ کیا کہ فوری طور پر فلسطینیوں کو ان کے حقوق دئیے جائیں اور انہیں آزادی فراہم کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوم القدس کے سلسلہ میں شیعہ علماء کونسل اور ملت یکجہتی کونسل جلالپور جٹاں کے زیر اہتمام بہت بڑا احتجاجی مظاہرہ کیا گیا
گجرات(جی پی آئی)یوم القدس کے سلسلہ میں شیعہ علماء کونسل اور ملت یکجہتی کونسل جلالپور جٹاں کے زیر اہتمام بہت بڑا احتجاجی مظاہرہ کیا گیا ، جس میں تمام مکاتب فکر سے تعلق رکھنے والے سیاسی سماجی راہنمائوں کی کثیر تعداد نے شرکت کی، اس موقع پر مقررین نے قائم مقام چیئرمین ملی یکجہتی کونسل علامہ ساجد نقوی کی کال پر لبیک کہتے ہوئے، حکمرانوں کی بے حسی پر احتجاج کیا، سید اظہر حسین شاہ، سید چن پیر و دیگر نے خطاب کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یوم القدس کے سلسلہ میں حسینیہ ٹرسٹ گجرات اور شیعہ ایکشن کمیٹی کے زیر اہتمام احتجاجی ریلی کا انعقاد کیا گیا
گجرات(جی پی آئی)یوم القدس کے سلسلہ میں حسینیہ ٹرسٹ گجرات اور شیعہ ایکشن کمیٹی کے زیر اہتمام احتجاجی ریلی کا انعقاد کیا گیا ، جس کی قیادت چوہدری منظور حسین وڑائچ، پروفیسر سرفراز حسین جعفری، سید الطاف عباس کاظمی، آغا مبارک علی موسوی، علامہ مختار نقوی نے کی ، ریلی کے شرکاء امام بارگاہ حسینیہ سے شاہدولہ چوک سے ہوتے ہوئے چوک نواب صاحب پہنچے جہاں پر بہت بڑا احتجاجی جلسہ منعقد ہوا ، جس میں مقررین نے امریکی دہشت گردی کے خلاف خطاب کرتے ہوئے کہا کہ امریکہ اور اسرائیل کی دہشت گردی پر قابو پانے کی ضرورت ہے ، اس موقع پر مندرجہ ذیل قرار دادیں پیش کی گئیں ، یوم القدس 23رمضان المبارک ١٤٣٤ھ بمطابق 2اگست 2013ئ، شعیان حیدر کرار کا یہ اجتماع قبلہ اول پر اسرائیل کے غاصبانہ قبضے کی پر زور مذمت کرتا ہے اور اپنے فلسطینی بھائیوں کے ساتھ مکمل اظہار یکجہتی کرتے ہوئے اپنے تعاون و حمایت کا بھرپور یقین دلاتا ہے، یہ اجتماع امریکہ اور کچھ اسلامی ملکوں کی طرف سے اسرائیل کی سرپرستی مظلوم اور نہتے فلسطینی عوام پر اسرائیلی غنڈوں کی طرف سے مظالم پر سخت احتجاج کرتا ہے، یہ اجتماع بیت المقدس میں مسلمانوں کے تاریخی قبرستان پر ناجائز قبضہ کر کے تجارتی مراکز ، ہوٹل، پارک وغیرہ تعمیر کرنے پر اسرائیل کی سخت مذمت کرتاہے، یہ اجتماع بیت المقدس میں مسلمانوں کے تاریخی قبرستان پر ناجائز قبضہ کر کے تجارتی مراکز ہوٹل، پارک وغیرہ تعمیر کرنے پر اسرائیل کی سخت مذمت کرتا ہے اور دنیا بھر کے مسلمانوں کو متحد ہو کر اسے واگزار کرانے کا لائحہ عمل تیار کرنے کی دعوت دیتا ہے، یہ اجتماع رما میں مسلمانوں کے خلاف ریاست دہشت گردی کی مذمت کرتا ہے اور پورے عالم اسلام کو انکی مدد کی دعوت دیتا ہے، یہ اجتماع کوئٹہ، کراچی پار اچنار اور ملک کے دیگر حصوں میں شعیان حیدر کرار کی نسل کشی کی مہم حکومت کی خاموشی اور بے بسی اور دہشت گردوں کو سزا نہ ملنے پر سخت غم و غصے کا اظہار کرتا ہے، یہ اجتماع ملک عزیز میں دہشت گردی، مہنگائی، لوڈ شیڈنگ، اقربا پروری، رشوت سفارش وغیرہ جیسے جرائم کی مذمت کرتا ہے، اور حکمرانوں کو اپنے فرائض منصبی کی ادائیگی کی طرف توجہ دینے کی دعوت دیتا ہے، یہ اجتماع نواسی رسول ۖ کے روضہ پاک کی بے حرمتی پر سراپا احتجاج ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیعہ علماء کونسل صوبہ پنجاب کے راہنما شیخ منظور حسین اور ان کے صاحبزادے کو رحیم یار خاں میں فائرنگ کر کے قتل کر دیا گیا
گجرات(جی پی آئی)شیعہ علماء کونسل صوبہ پنجاب کے راہنما شیخ منظور حسین اور ان کے صاحبزادے کو رحیم یار خاں میں فائرنگ کر کے قتل کر دیا گیا ، صدر شیعہ علماء کونسل گجرات سید الطاف عباس کاظمی نے اس واقعہ کی شدید مذمت کی ہے اور کہا ہے کہ یہ المناک واقعہ ہے جس کی ہم شدید مذمت کرتے ہیں ، اور یہ واقعہ انہی دہشت گردوں نے کیا ہے جو ڈیرہ اسماعیل خان جیل سے فرار ہوئے، حکومت فوری طو رپر ان دہشت گردوں کی گرفتاری کے سلسلہ میں اقدامات کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شام میں نواسی رسول حضرت سیدہ زینب رضی اللہ عنہا اور اسلام کے عظیم جرنیل حضرت خالد بن ولید سیف اللہ رضی اللہ عنہ اور دیگر مزارات پر یہود ونصاریٰ کے ایجنٹوں کے حملوں کے خلاف تنظیم اہلسنت کے زیر اہتمام ملک بھر میں یوم احتجاج منایا گیا
گجرات (جی پی آئی)شام میں نواسی رسول حضرت سیدہ زینب رضی اللہ عنہا اور اسلام کے عظیم جرنیل حضرت خالد بن ولید سیف اللہ رضی اللہ عنہ اور دیگر مزارات پر یہود ونصاریٰ کے ایجنٹوں کے حملوں کے خلاف تنظیم اہلسنت کے زیر اہتمام ملک بھر میں یوم احتجاج منایا گیا اور کئی شہروں میں زبردست احتجاجی مظاہرے کیے گئے ۔اس سلسلہ میں عید گاہ مرکز ِ اہلسنت نیک آباد مراڑیاں شریف گجرات سے پیشوائے اہلسنت حضرت پیر محمد افضل قادری کی قیادت میں گاڑیوں اور موٹر سائیکلوںپر ایک بہت بڑی احتجاجی ریلی نکالی گئی جو جی ٹی روڈ،شاہین چوک،سرگودھا روڈسے گزرتے ہوئے محمدی بیکرزسرگودھا روڈپر ایک بڑے احتجاجی جلسہ کی شکل اختیار کر گئی جس سے خطاب کرتے ہوئے تنظیم اہلسنت کے مرکزی امیر پیر محمد افضل قادری نے کہا: امت مسلمہ نے 1300سال کی زائدمدت سے آثارِ نبوی اور مزارات وآثار صحابہ واہل بیت کو محفوظ رکھا ہے اگر مزارات اور قبروں کو برابر کرنا امر شرعی ہوتا تو صحابہ کبار کبھی روضہ رسول تعمیر نہ کرتے اور آج کسی بھی قبر کا نشان نہ ملتا ۔مزارات پر حملے کر کے شریعت انگریزی پر عمل کیا جارہا ہے جس کے انسداد کے لئے امت مسلمہ کو سخت ترین راست اقدام اٹھانا ہو گاانہوں نے مطالبہ کیا کہ حرمین شریفین جہاں سے اتحاد ِ امت کا پیغام ملنا چاہیے کچھ فرقہ پرست لوگ انتہائی فرقہ وارانہ تبلیغ کرتے ہیں اور انتہائی دلآزار لٹریچر تقسیم کیا جاتا ہے۔ سعودی حکومت کو اس کا نوٹس لینا چاہیے ۔جامعہ قادریہ عالمیہ کے فاضل اور برطانیہ کے مبلغ اعظم صاحبزادہ علامہ محمد دلشاد حسین قادری نے کہا: تمام اقوام عالم اپنے تاریخی آثاثوں کا بے پناہ تحفظ کرتی ہیں لیکن بڑے دُکھ کی بات ہے کہ کچھ عرصہ سے کچھ لوگوں نے سلف صالحین کے عقیدہ سے ہٹ کر آثار ِ نبوی اور آثارِ آل واصحاب کو مٹانے کا فتویٰ دے کر امت مسلمہ میں شدید فساد پیدا کیا ہوا ہے مسلم حکومتوں کی ذمہ داری ہے کہ اس بہت بڑے فتنہ وفساد کی روک تھام کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹی ایم اے گجرات کی ناقص کارکردگی کی وجہ سے ادھووال کلاں کے رہائشیوں کا شہر آنا مشکل ہو گیا
گجرات(جی پی آئی)ٹی ایم اے گجرات کی ناقص کارکردگی کی وجہ سے ادھووال کلاں کے رہائشیوں کا شہر آنا مشکل ہو گیا، سویڈش کالج گجرات کے ساتھ واقعہ گلی میں کئی کئی فٹ پانی کھڑا ہونے کی وجہ سے علاقہ کے معززین کی مشکلات میں شدید اضافہ ہو گیا، اور کاروبار زندگی ٹھپ ہو کر رہ گیا ، اور لوگ گھروں میں مقید ہو گئے، نالے کی صفائی نہ ہونے کی وجہ سے ادھووال کے رہائشیوں کو ان مشکلات کا سامنا کرنا پڑ رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاران انسٹی ٹیوٹ آف ٹیکنالوجی بلا شبہ گجرات کے باسیوں کیلئے باعث فخر ادارہ ہے
گجرات(جی پی آئی)فاران انسٹی ٹیوٹ آف ٹیکنالوجی بلا شبہ گجرات کے باسیوں کیلئے باعث فخر ادارہ ہے، جس میں نوجوان نسل کو جدید علوم سے روشناس کروایا جا رہا ہے ، اور ٹیکنالوجی کی مد میں طلباء کو سہولت مل رہی ہے، ان خیالات کا اظہار ممتاز صحافی رانا عبدالسلام عارف نے فاران انسٹی ٹیوٹ آف ٹیکنالوجی کے دورہ کے موقع پر کیا انہوں نے کہا کہ ہمیں خوشی ہوئی ہے کہ گجرات میں ایک ایسا ادارہ موجود ہے ، جس میں طلباء و طالبات کی بہترین تعلیم و تربیت کا خیال رکھا جاتا ہے اور ایسی سہولیات فراہم کی گئیں ہیں جن سے طلباء کی تعلیمی صلاحیتیں بیدار ہوتی ہیں ، طارق جاوید چوہدری اور ان کے رفقاء کار کی خدمات قابل تحسین ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تما م بازاروں سے تجاوزات کا خاتمہ یقینی بنایا جائے :ڈی سی او
گجرات(جی پی آئی)ڈی سی او آصف بلا ل لودھی نے ایڈمنسٹریٹر اور ٹی ایم او گجرات کو ہدایت کی ہے کہ عید کی خریداری کے لئے آنے والوں کو سہولیات فراہم کرنے کے لئے تما م بازاروں سے تجاوزات کا خاتمہ یقینی بنایا جائے جبکہ اس مقصد کے لئے بلا امتیازکاروائی عمل میں لائی جائے۔ ایک اجلاس کے دوران عوامی حلقوں کی طرف سے نشاندہی پر ڈی سی او نے فوری طور پر ایڈمنسٹریٹر سمیر احمد سید اور ٹی ایم او محمود اقبال گوندل کو اس ضمن میں ہدایات جاری کرتے ہوئے کہا کہ وہ فوری طور پر تاجر نمائندوں سے میٹنگ کریں اور انکی وساطت سے تاجروں کو نوٹس دیں جبکہ رضاکارانہ طور پر تجاوزات ختم نہ کرنے والوں کے خلاف بلا امیتاز کاروائی عمل میں لائی جائے۔ ڈی سی او آصف بلال لودھی نے کہا کہ وہ خود بھی عید سے پہلے شہر کے مختلف بازاروں کا دورہ کر کے حالات کا جائزہ لیں گے۔ ایڈمنسٹریٹر سمیر احمد سید اور ٹی ایم او محمود اقبال گوندل نے یقین دلایا کہ گجرات کے کاروباری مراکز کو تجاوزات سے پاک کرنے کے لئے ڈی سی او کی ہدایا ت کے مطابق فوری ایکشن لیا جائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تبلیغ دین کی عالمی تنظیم تبلیغ اسلامی کے زیر اہتمام سینکڑوں فرزندانِ اسلام اجتماعی اعتکاف کی سعادت حاصل کررہے ہیں
گجرات (جی پی آئی) تبلیغ دین کی عالمی تنظیم تبلیغ اسلامی کے زیر اہتمام مرکزی جامع مسجد عیدگاہ جی ٹی روڈ گجرات میں سینکڑوں فرزندانِ اسلام اجتماعی اعتکاف کی سعادت حاصل کررہے ہیں۔ 25 رمضان المبارک بمطابق 4 اگست 2013ء بروز اتوار درس قرآن کی تین نشستیں ہوں گی۔ بعداز نماز ظہر ”مقصدِ اعتکاف” بعد نماز عصر ”شوقِ عبادات” اور بعد نماز تراویح ”پناہ عالمۖ” کے موضوع پر درس قرآن ہونگے۔ درس قرآن کے لیے امیر تبلیغ اسلامی شیخ طریقت حضرت علامہ مولانا محمد ابراہیم عاجز قادری رزاقی مدظلہ العالی لاہور سے خصوصی طور پر گجرات آئیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محمد اخلاص وحید نے میٹرک کے امتحان میں 979 نمبر حاصل کر کے نمایاں پوزیشن حاصل کرلی
گجرات (جی پی آئی) ممتاز ماہر تعلیم وحید احمد وحید کے صاحبزادے محمد اخلاص وحید نے میٹرک کے امتحان میں 1050 میں سے 979 نمبر حاصل کرکے شوکت ماڈل ہائی سکول گجرات کی تمام برانچوں میں ٹاپ پوزیشن حاصل کرلی ہے۔ یاد رہے کہ محمد اخلاص وحید نے نہم کلاس میں بھی ٹاپ کیا تھا۔ ٹیچر یونینز گجرات کے عہدیداران نے وحید احمد وحید کو اس کے صاحبزادے کی شاندار کامیابی پر دلی مبارکباد دی ہے۔
