گجرات کی خبریں 04.08.2013
Posted on August 5, 2013 By Geo Urdu گجرات
مسجد الجامعتہ الامینیہ نزد نیا لاری اڈا گجرات میں عظیم الشان تقریب تکمیل قرآن حکیم 7اگست کو منعقد ہو رہی ہے
گجرات (جی پی آئی)مسجد الجامعتہ الامینیہ نزد نیا لاری اڈا گجرات میں عظیم الشان تقریب تکمیل قرآن حکیم 7اگست بروز بدھ منعقد ہو رہی ہے، جس میں خصوصی خطاب مولانا زبیر محمود اعوان کرینگے، تقریب کی صدارت مولانا عرفان ضیاء کرینگے، جبکہ تقریب کی نگرانی چوہدری سرفراز احمد کدھر المعروف بھولا پہلوان کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی اور تحصیل انتظامیہ کی عدم دلچسپی کی وجہ سے مذبحہ خانہ سمیت شہر بھر میں جگہ جگہ گندگی کے ڈھیر لگے ہوئے ہیں
گجرات (جی پی آئی)ضلعی اور تحصیل انتظامیہ کی عدم دلچسپی کی وجہ سے مذبحہ خانہ سمیت شہر بھر میں جگہ جگہ گندگی کے ڈھیر لگے ہوئے ہیں ، جبکہ بارشی پانی بھی شہر کی مختلف گلیوں، محلوں اور سڑکوں پر آج بھی کھڑا جو کہ حکومتی اداروں کی گڈ گورننس کا منہ بولتا ثبوت ہیں ، گندگی کی وجہ سے شہر بھر میں مختلف بیماریاں پھیلی ہوئی ہیں، محکمہ صحت نے بھی مکمل چشم پوشی اختیار کر رکھی ہے، مذبحہ خانہ کے باہر بڑے بڑے گندگی کے ڈھیر اس بات کا منہ بولتا ثبوت ہیں کہ عوام کو کس قدر معیار اور صاف ستھرا گوشت فراہم کیا جا رہا ہے، مذبحہ خانہ کے اندر اور باہر صفائی کا پہلے دن سے ہی اہم ایشو رہا ہے اور کسی بھی ادارے یاٹھیکیدار نے صفائی کو ترجیح نہیں دی، جس کی وجہ سے شاہجہانگیر روڈ کے علاقوں میں بھی مختلف قسم کی وبائی بیماریاں پھیلی ہوئی ہیں، جبکہ اندرون شہر مختلف سرکاری محکموں کی جانب سے گزشتہ ایک ماہ کے دوران گلیوں، سڑکوں کی توڑ پھوڑ کی وجہ سے نکاسی آب کا نظام بری طرح متاثر ہوا ہے، ریلوے روڈ، سرگودھا روڈ، پرنس چوک، فوارہ چوک، مسلم بازار، رامتلائی روڈ، شادیوال روڈ اور ان سے ملحقہ علاقہ جات میں صفائی کا نظام نہ ہونے کے برابر ہے، ٹی ایم اے سمیت ضلعی انتظامیہ کے دیگر محکمہ جات بھی لمبی تان کر سو گئے ہیں، اور انہیں اس بات سے کوئی سروکار نہیں کہ شہر میں صفائی نہ ہونے کی وجہ سے مختلف قسم کی وبائی امراض پھیل چکے ہیں، عوام مختلف بیماریوں میں مبتلا ہو چکے ہیں، اور پرائیویٹ ڈاکٹرز بیمار افراد سے لوٹ مار کر کے سرکاری اداروں کے مشکور نظر آتے ہیں، اخبارات میں خبریں بھی آنے کے باوجود بھی ڈی سی او سمیت کوئی بھی سرکاری محکمہ گجرات شہر میں ٹس سے مس نہیں ہوتا ہے، بلکہ عوام کو بیماریوں کے سپرد کر دیا گیا ہے، ٹی ایم اے اور محکمہ مال کے دفاتر میں حاضری نہ ہونے کے برابر ہے ،اور تمام ملازمین اور افسران رمضان سستے بازاروں میں کاغذی ڈیوٹیاں دے رہے ہیں، جبکہ اس کی وجہ سے عوام کی مشکلات میں اضافہ ہوا ہے، عوامی حلقوں نے گڈ گورننس کے دعوے داروں سے مطالبہ کیا ہے کہ وہ گجرات میں کسی گڈ گورننس کے دعویٰ دار افسر کو بھیج کر گجرات کی حالت زار کی رپورٹ طلب کریں تا کہ ان کو یہ پتہ چل سکے کہ عوام کو صفائی کی بدولت سرکاری محکمہ جات اپنے فرائض منصبی کس حد تک سرانجام دے رہے ہیں، بیمار ہونے والے افراد کو سرکاری ہسپتالوں میں ذلیل و خوار ہونا پڑ رہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیعہ علماء کونسل پاکستان ضلع گجرات ، جعفریہ یوتھ ، جعفریہ سٹوڈنٹس آرگنائزیشن کے زیر اہتمام یوم آزادی پاکستان کے سلسلہ میں عظیم الشان سالانہ بیداری امت کانفرنس آج بعد از نماز عشاء امام بارگاہ حسینیہ میں منعقد ہو گی
گجرات (جی پی آئی)شیعہ علماء کونسل پاکستان ضلع گجرات، جعفریہ یوتھ ، جعفریہ سٹوڈنٹس آرگنائزیشن کے زیر اہتمام یوم آزادی پاکستان کے سلسلہ میں عظیم الشان سالانہ بیداری امت کانفرنس آج بعد از نماز عشاء امام بارگاہ حسینیہ میں منعقد ہو گی، قائد ملت جعفریہ و سربراہ ملی یکجہتی کونسل پاکستان علامہ سید ساجد علی نقوی کے اعلان کے مطابق یوم پاکستان 27رمضان المبارک کو منایا جائیگا ، کیونکہ 14اگست 1947، 27رمضان المبارک کو معرض وجود میں آیا، اس موقع پر پاکستان کی تمام مذہبی جماعتوں نے فیصلہ کیا ہے کہ 27رمضان المبارک کو یوم آزادی پاکستان کے طور پر منایا جائیگا، اس سلسلہ میں بیدار امت کانفرنس اور پاکستان زندہ آباد ریلی کا انعقاد امام بارگاہ حسینیہ میں آج شب 9بجے کیا گیا، جس سے خصوصی خطاب قائد ملت اسلامیہ علامہ سید ساجد علی نقوی کرینگے ، اس پروگرام میں ملی یکجہتی کونسل کے تمام راہنما شریک ہونگے، ٹھیک رات 10بجے قائد ملت اسلامیہ علامہ سید ساجد علی نقوی میڈیا سے گفتگو کرینگے اور اہم امور پر تبادلہ خیال کرینگے، جبکہ بیداری امت کانفرنس سے علامہ سید ساجد علی نقوی کے ساتھ ساتھ علامہ مظہر عباس علوی، علامہ محمد زمان حسینی، برادر ساجد ثمر، علامہ سید مختار نقوی، علامہ سید سبطین حیدر سبزواری خطاب کرینگے، بچوں میں انعامات تقسیم کیے جائینگے، صدر شیعہ علماء کونسل سید الطاف عباس کاظمی، چوہدری منظور حسین وڑائچ صدر حسینیہ ٹرسٹ اور پروفیسر سید سرفراز حسین جعفری کی سربراہی میں تمام انتظامات مکمل کیے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیرت النبی ۖ پر تقریری مقابلہ آج ہو گا، جس میں ضلع بھر کے تعلیمی اداروں کے طلباء و طالبات حصہ لینگے
گجرات (جی پی آئی)سیرت النبی ۖ پر تقریری مقابلہ آج ہو گا، جس میں ضلع بھر کے تعلیمی اداروں کے طلباء و طالبات حصہ لینگے، تقریری مقابلہ بعد از نماز ظہر سرینہ میرج ہال علی پورہ روڈ گجرات میں آج ہو گا، تقریب کے مہمان خصوصی ڈسٹرکٹ پولیس آفیسر گجرات سید علی ناصر رضوی ہونگے، جبکہ صدارت گجرات پریس کلب کے سینئر نائب صدر مرزا منیر حسین کرینگے، تقریب میں کامیاب طلباء و طالبات میں نقد انعامات تقسیم کیے جائینگے، جبکہ تمام حاضرین کے اعزاز میں افطار ڈنر بھی دیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنظیم لبیک یا حسین کے ضلعی آرگنائزر سید محمد علی نقوی نے
موضع کوٹ بیلہ کا دورہ کیا اور وہاں کے نوجوانوں سے ملاقات کی
گجرات (جی پی آئی)تنظیم لبیک یا حسین کے ضلعی آرگنائزر سید محمد علی نقوی نے
موضع کوٹ بیلہ کا دورہ کیا اور وہاں کے نوجوانوں سے ملاقات کی ، ملاقات کے دوران نوجوانوں سے خطاب کرتے ہوئے سیٹھ محمد علی نقوی نے کہا کہ فطری طور پر انسان اجتماعی زندگی گزارتا ہے ، اور اگر ہماری زندگی میں نظم نہ ہوتو ہم جنگل کی زندگی گزارتے ہیں ، اسلام میں اس بات پر زور دیا گیا ہے کہ ہمیشہ جماعت قائم کی جائے ، بلکہ حکم ہے کہ جب نماز کا وقت ہو اور تم دو افراد ہو بجائے اس کے کہ علیحدہ علیحدہ نماز پڑھو جماعت کے ساتھ نماز قائم کی جائے اس کا ثواب بھی زیادہ ہوتا ہے اور اس کے فوائد بھی زیادہ ہوتے ہیں ، سید محمد علی نقوی نے تمام ممبران کی خدمات کو سراہا اور ان پر زور دیا کہ وہ تنظیم کی بہتری کیلئے کام کریں اور ملکر ایسے اقدامات کیے جائیں ، جن سے عوام الناس کو فائدہ مل سکے انہوں نے تمام ممبران کو خوش آمدید کہا جو تنظیم لبیک یا حسین کے ممبران بنے اور تنظیم یاحسین کی بہتری کیلئے کام کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامع مسجد شہنشاہ ولایت میں ختم قرآ ن پاک کے سلسلہ میں عظیم الشان محفل منعقد ہوئی ، جس کی صدارت صاحبزادہ پیر سید حسن محمود شاہ گجراتی نے کی
گجرات (جی پی آئی)جامع مسجد شہنشاہ ولایت میں ختم قرآ ن پاک کے سلسلہ میں عظیم الشان محفل منعقد ہوئی، جس کی صدارت صاحبزادہ پیر سید حسن محمود شاہ گجراتی نے کی ، جبکہ مہمان خصوصی پیر سید نور حسین شاہ تھے ، اس موقع پر پیر سید جماعت علی شاہ، پیر سید محمد حسین شاہ ، چوہدری ریاض ، مہر عثمان عرف شاری، خادم علی خادم ، پیر سید حسین محمود شاہ، صاحبزادہ نثار احمد نثاری، سیٹھ فیصل ندیم، شیخ محمد ادریس ، ڈاکٹر رزاق احمد غفاری، سیٹھ عبدالرشید ، حافظ محمد ایوب صراف ، شیخ ابوبکر و دیگر نے شرکت کی، تلاوت کلام پاک کا شرف حافظ پیر سید نور حسین شاہ نے حاصل کیا ، نعت رسول مقبول ۖ عمر شہزاد، غلام حسین لوراں، شرجیل انجم، عارف شاہد گوندل ، عرفان احمد چشتی نے حاصل کیا ، خصوصی خطاب علامہ محمد اشرف نقشبندی نے کیا، نقابت کے فرائض خاور بشیر بٹ گولڑوی نے سرانجام دئیے، اس موقع پر قاری لیاقت علی، حافظ نذر محمد ، چوہدری عبدالوحید، چوہدری محمد صادق، نوفل احمد، شاہ زیب ، حافظ امیر حمزہ اور حافظ عبدالجبار کی دستار بندی کی گئی، اس موقع پر ممتاز شخصیات کی کثیر تعداد نے شرکت کی، ملک کی ترقی و سلامتی کیلئے خصوصی دعائیں کی گئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مہر برادران کی طرف سے مدنی بلڈرز اینڈ پراپرٹی ڈیلرز پر آٹا تقسیم کیا گیا
گجرات (جی پی آئی)مہر برادران کی طرف سے مدنی بلڈرز اینڈ پراپرٹی ڈیلرز پر آٹا تقسیم کیا گیا ، ممتاز سیاسی ، سماجی و کاروباری شخصیت مہر احمد و حاجی مہر ممتاز احمد کی طرف سے گزشتہ روز مدنی بلڈرز اینڈ پراپرٹی ڈیلرز قمر سیالوی روڈ گجرات پر سینکڑوں غرباء و مساکین میں آٹا تقسیم کیا گیا پچھلے ایک ہفتے سے مستحق خواتین و حضرات سے شناختی کارڈز کی فوٹو کاپیاں وصول کی جا رہی تھی، اس موقع پر عامر چوہدری ، مہر احمد مشتاق اور محمد ارشد بھی موجود تھے ، یاد رہے کہ مہر برادران کی طرف سے ہر سال رمضان کے آخری عشرے میں غرباء میں راشن تقسیم کیا جاتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خرم شہزاد اور چوہدری رزاق محمود آف مراڑیاں کی طرف سے نئے تعینات ہونے والے ڈی ایس پی سید ذوالفقار شاہ کے اعزاز میں افطار ڈنر دیا گیا
گجرات (جی پی آئی)خرم شہزاد اور چوہدری رزاق محمود آف مراڑیاں کی طرف سے نئے تعینات ہونے والے ڈی ایس پی سید ذوالفقار شاہ کے اعزاز میں افطار ڈنر دیا گیا ، جس میں انسپکٹر سعید وڑائچ ایس ایچ او ککرالی، عابد شاہ ، مون بیگ ، ڈاکٹر رزاق احمد غفاری، صہیب سرور نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایگزا سکول میں معززین علاقہ کے اعزاز میں افطار ڈنر دیا گیا
گجرات (جی پی آئی)دی ایگزا سکول میں معززین علاقہ کے اعزاز میں افطار ڈنر دیا گیا، جس میں ہر مکتبہ فکر سے تعلق رکھنے والے افراد نے شرکت کی، اس موقع پر بچوں نے اسلامی موضوعات پر تقریری کی، ہدیہ نعت پیش کیے گئے، اس موقع پر اورنگزیب بٹ، جاوید بٹ ، عمر گجر، شیخ افضال ،آکاش نیازی، عامر چوہدری، صاحبزادہ حکیم جواد الرحمن نظامی سیفی، ڈاکٹر عالم، سمیع اللہ وڑائچ، چوہدری احسان و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
DCAگجرات کے زیر اہتمام ریجنل انٹر ڈسٹرکٹ سینٹر 2013-14ء کیلئے ڈسٹرکٹ گجرات کی ٹیم کے ٹرائیلز ظہور الٰہی سٹیڈیم گجرات میں منعقد ہوئے
گجرات (جی پی آئی)DCAگجرات کے زیر اہتمام ریجنل انٹر ڈسٹرکٹ سینٹر 2013-14ء کیلئے ڈسٹرکٹ گجرات کی ٹیم کے ٹرائیلز ظہور الٰہی سٹیڈیم گجرات میں منعقد ہوئے ، RCAسیالکوٹ کے کوچ طاہر محمود ، DCAگجرات کے چیف سلیکٹر شاہد اقبال بٹ اور سینئر کرکٹر خالد محمود بٹ نے ڈسٹرکٹ گجرات کی ٹیم سلیکٹ کی ، ڈسٹرکٹ گجرات کی ٹیم عدنان اعجاز، محمد علی، اسرار شاہ، بشارت حسین، فیاض احمد ، حیدر علی بٹ ، وسیم بیگ، رئیس حیدر، ذیشان مشتاق ، ذیشان شیر ، عاصم علی، عمیر خالدبٹ ، ماجد الیاس بٹ، ملک مشتاق، شکور حسین، ذیشان عباس، فیصل منیر، دانش مرزا، وحید الحسن ، خاور حسین، ارشاد الحق ، بلال احمد ، یاسر نذیر، نہزلہ عثمان، پر مشتمل ہو گی، تمام کھلاڑی مورخہ 12اگست بروز سوموار 4بجے ظہور الٰہی سٹیڈیم میں مکمل کٹ کے ہمراہ کوچ کو رپورٹ کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاطمہ چاندی جامع مسجد بولے میں ختم قرآن پاک بسلسلہ تراویح کا شاندار انعقاد کیا گیا
گجرات (جی پی آئی)فاطمہ چاندی جامع مسجد بولے میں ختم قرآن پاک بسلسلہ تراویح کا شاندار انعقاد کیا گیا ، جس میں بانی مسجد شیخ شاہد لطیف چاندی نے 14قرآن پاک کا تحفہ پیش کیا ، تلاوت کلام پاک کی سعادت قاری محسن مصطفےٰ سیفی نے شرکت کی ، اس موقع پر بیان قاری اشرف نے کیا ، اس موقع پر ممتاز سماجی شخصیت ڈاکٹر شیخ ثوبان شاہد چاندی ، شیخ شہزاد لطیف چاندی ، شیخ ہارون شاہد چاندی اور علاقہ کے معززین نے بھرپورشرکت کر کے محفل کو دوبالا کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ماہ ذیشان رمضان المبارک ویسے تو سارا ہی برکات اور رحمت و مغفرت کا مہینہ ہے:مہر تنویر احمد مکھن
گجرات(جی پی آئی) ماہ ذیشان رمضان المبارک ویسے تو سارا ہی برکات اور رحمت و مغفرت کا مہینہ ہے۔ جیسے جیسے یہ برکت و رحمت والے شب و روز گزرتے جاتے ہیں ،رحمت الہٰی کی بارشیں فزوں سے فزوں تر ہونے لگتی ہیں ۔یہاں تک کہ تیسرا عشرہ مغفرتوں کی خوشخبریاں سناتا سایۂ فگن ہوتا ہے ۔ ان خیالات کا اظہارممتاز سماجی شخصیت مہر تنویر احمد مکھن سرپرست اعلیٰ آرائیں موومنٹ سٹی گجرات نے اپنے ایک بیان میں کیا انھوں نے مزید کہا مسلمان مردو زن بتوفیق الہٰی عالم آخرت کی لذتوں اور نعمتوں سے لطف اندوز ہونے کی صلاحیت اور استعداد اپنے اندر پیدا کرنے کے لئے عنایت الہٰی کے مزید انعام و اکرام کا مستحق بننے کے لئے دنیاوی آلائشوں سے لاتعلق ہو کر اعتکاف کرتے ہیں ۔اعتکاف پر شب و روز کے ذکرالہٰی اور فکر ایمانی سے اپنی روح پر صیقل کرتے اور ملکوتی صفات کو بیدار کرتے ہیں۔رحمت الہٰی کی جلوہ فرمائیاں مشاہدہ کیجیئے کہ عین اسی عالم میں کہ بندہ مومن اخلاص وللہیت کی مشقوں ،پر خلوص عبادتوں اور ریاضتوں میں اپنی توانائیاںصرف کر رہا ہوتا ہے کہ عنایت الہٰی سے لیلة القدر جلوہ فرما ہوتی ہے ۔یہ ایسی رات ہے جو اپنی لطافت و پاکیزگی اور نورانیت و جلوہ فرمائی میں اپنی مثال آپ ہے ۔جس کی تابشوں کے سامنے آفتاب شرمندہ۔بلکہ یہ وہی مبارک ومعظم رات ہے جس کی برکتوں اور عظمتوں پر قرآن حکیم شاہد ہے ۔انہوں نے کہا اس رات کو عبادت و ریاضت اور توبہ و استغفار میں بسر کر کے بندۂ مومن اپنے خالق و مالک کی حقیقی رضا حاصل کر سکتا ہے ۔ لیلة القدر کو تلاش کرنے کے لئے رمضان المبارک کے آخری عشرہ کی طاق راتوں کی طرف اشارہ فرمایا گیا ہے مگر اکثر صوفیا ء کرام نے ماہِ رمضان المبارک کی ستائسویں شب کو ہی شبِ قدر قرار دیا ہے ۔اسی تاریخ کو پاکستان معرضِ وجود میں آیا ۔رمضان ،قرآن اور پاکستان کا آپس میں گہرا تعلق ہے ۔ حکمران پاکستان میں ماہِ رمضان کی بابرکت ساعتوں میں نظام قرآن و سنت کے نفاذ کا اعلان کریں۔ انھوں نے کہا بندۂ مومن اگر بخشش کی تلاش میں نکلے تو اللہ تعالیٰ نے لیلة القدر جیسے کئی مواقع فراہم کئے ہیں۔
