گجرات کی خبریں 05.08.2013
Posted on August 6, 2013 By Geo Urdu گجرات
رائس ملز ایسوسی ایشن ضلع گجرات کا جنرل اجلاس آج 6اگست 2013ء بروز منگل بعد نماز عصر 6بجے بشیر محل میرج ہال جی ٹی روڈ گجرات میں منعقد ہو گا
گجرات (جی پی آئی)رائس ملز ایسوسی ایشن ضلع گجرات کا جنرل اجلاس آج 6اگست 2013ء بروز منگل بعد نماز عصر 6بجے بشیر محل میرج ہال جی ٹی روڈ گجرات میں منعقد ہو گا، اجلاس کی صدارت رائس ملز ایسوسی ایشن ضلع گجرات کے صدر محمد حبیب بسوی کرینگے، جنرل اجلاس میں رائس ملز ایسوسی ایشن ضلع گجرات کے عہدیداران و ممبران شرکت کرینگے اجلاس کے بعد ضلعی صدر محمد حبیب بسوی کرینگے، جنرل اجلاس میں رائس ملز ایسوسی ایشن ضلع گجرات کے عہدیداران و ممبران شرکت کرینگے اجلاس کے بعد ضلعی صدر محمد حبیب بسوی کی طرف سے افطار ڈنر بھی دیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تبلیغ دین کی عالمی تنظیم تبلیغ اسلامی کے زیر اہتمام مرکزی جامع مسجد عید گاہ جی ٹی روڈ گجرات آج 6اگست 2013ء بروز منگل بمطابق 27رمضان المبارک بعد نماز ظہر ا
گجرات (جی پی آئی)تبلیغ دین کی عالمی تنظیم تبلیغ اسلامی کے زیر اہتمام مرکزی جامع مسجد عید گاہ جی ٹی روڈ گجرات آج 6اگست 2013ء بروز منگل بمطابق 27رمضان المبارک بعد نماز ظہر امیر تبلیغ اسلامی شیخ طریقت حضرت علامہ مولانا محمد ابراہیم عاجز قادری رزاقی مدظلہ العالی اجتماعی اعتکاف کے متعکفین کو درس و بیان کے فضائل کے موضوع پر درس قرآن دینگے، فرزندانِ اسلام درس قرآن میں شرکت کر کے ثواب دارین حاصل کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مہر برادران کی طرف سے مدنی بلڈرز اینڈ پراپرٹی ڈیلرز پر آٹا تقسیم کیا گیا
گجرات (جی پی آئی)مہر برادران کی طرف سے مدنی بلڈرز اینڈ پراپرٹی ڈیلرز پر آٹا تقسیم کیا گیا، ممتاز سیاسی ، سماجی و کاروباری شخصیت مہرمشتاق احمد و حاجی مہر ممتاز احمد کی طرف سے گزشتہ روز مدنی بلڈرز اینڈ پراپرٹی ڈیلرز قمر سیالوی روڈ گجرات پر سینکڑوں غرباء و مساکین میں آٹا تقسیم کیا گیا پچھلے ایک ہفتے سے مستحق خواتین و حضرات سے شناختی کارڈز کی فوٹو کاپیاں وصول کی جا رہی تھی، اس موقع پر عامر چوہدری ، مہر احمد مشتاق اور محمد ارشد بھی موجود تھے، یاد رہے کہ مہر برادران کی طرف سے ہر سال رمضان کے آخری عشرے میں غرباء میں راشن تقسیم کیا جاتا ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تنظیم لبیک یا حسین کے ضلعی آرگنائزر سید محمد علی نقوی نے موضع کوٹ بیلہ کا دورہ کیا
گجرات (جی پی آئی)تنظیم لبیک یا حسین کے ضلعی آرگنائزر سید محمد علی نقوی نے موضع کوٹ بیلہ کا دورہ کیا اور وہاں کے نوجوانوں سے ملاقات کی ، ملاقات کے دوران نوجوانوں سے خطاب کرتے ہوئے سیٹھ محمد علی نقوی نے کہا کہ فطری طور پر انسان اجتماعی زندگی گزارتا ہے ، اور اگر ہماری زندگی میں نظم نہ ہوتو ہم جنگل کی زندگی گزارتے ہیں، اسلام میں اس بات پر زور دیا گیا ہے کہ ہمیشہ جماعت قائم کی جائے ، بلکہ حکم ہے کہ جب نماز کا وقت ہو اور تم دو افراد ہو بجائے اس کے کہ علیحدہ علیحدہ نماز پڑھو جماعت کے ساتھ نماز قائم کی جائے اس کا ثواب بھی زیادہ ہوتا ہے اور اس کے فوائد بھی زیادہ ہوتے ہیں، سید محمد علی نقوی نے تمام ممبران کی خدمات کو سراہا اور ان پر زور دیا کہ وہ تنظیم کی بہتری کیلئے کام کریں اور ملکر ایسے اقدامات کیے جائیں، جن سے عوام الناس کو فائدہ مل سکے انہوں نے تمام ممبران کو خوش آمدید کہا جو تنظیم لبیک یا حسین کے ممبران بنے اور تنظیم یاحسین کی بہتری کیلئے کام کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جامع مسجد شہنشاہ ولایت میں ختم قرآ ن پاک کے سلسلہ میں عظیم الشان محفل منعقد ہوئی
گجرات (جی پی آئی)جامع مسجد شہنشاہ ولایت میں ختم قرآ ن پاک کے سلسلہ میں عظیم الشان محفل منعقد ہوئی ، جس کی صدارت صاحبزادہ پیر سید حسن محمود شاہ گجراتی نے کی ، جبکہ مہمان خصوصی پیر سید نور حسین شاہ تھے ، اس موقع پر پیر سید جماعت علی شاہ ، پیر سید محمد حسین شاہ ، چوہدری ریاض ، مہر عثمان عرف شاری ، خادم علی خادم ، پیر سید حسین محمود شاہ ، صاحبزادہ نثار احمد نثاری ، سیٹھ فیصل ندیم ، شیخ محمد ادریس ، ڈاکٹر رزاق احمد غفاری ، سیٹھ عبدالرشید ، حافظ محمد ایوب صراف ، شیخ ابوبکر و دیگر نے شرکت کی ، تلاوت کلام پاک کا شرف حافظ پیر سید نور حسین شاہ نے حاصل کیا ، نعت رسول مقبول ۖ عمر شہزاد ، غلام حسین لوراں ، شرجیل انجم ، عارف شاہد گوندل ، عرفان احمد چشتی نے حاصل کیا ، خصوصی خطاب علامہ محمد اشرف نقشبندی نے کیا ، نقابت کے فرائض خاور بشیر بٹ گولڑوی نے سرانجام دئیے ، اس موقع پر قاری لیاقت علی ، حافظ نذر محمد ، چوہدری عبدالوحید ، چوہدری محمد صادق ، نوفل احمد ، شاہ زیب ، حافظ امیر حمزہ اور حافظ عبدالجبار کی دستار بندی کی گئی ، اس موقع پر ممتاز شخصیات کی کثیر تعداد نے شرکت کی ، ملک کی ترقی و سلامتی کیلئے خصوصی دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خرم شہزاد اور چوہدری رزاق محمود آف مراڑیاں کی طرف سے نئے تعینات ہونے والے ڈی ایس پی سید ذوالفقار شاہ کے اعزاز میں افطار ڈنر دیا گیا
گجرات (جی پی آئی)خرم شہزاد اور چوہدری رزاق محمود آف مراڑیاں کی طرف سے نئے تعینات ہونے والے ڈی ایس پی سید ذوالفقار شاہ کے اعزاز میں افطار ڈنر دیا گیا، جس میں انسپکٹر سعید وڑائچ ایس ایچ او ککرالی، عابد شاہ، مون بیگ، ڈاکٹر رزاق احمد غفاری، صہیب سرور نے بھی شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دی ایگزا سکول میں معززین علاقہ کے اعزاز میں افطار ڈنر دیا گیا
گجرات (جی پی آئی)دی ایگزا سکول میں معززین علاقہ کے اعزاز میں افطار ڈنر دیا گیا، جس میں ہر مکتبہ فکر سے تعلق رکھنے والے افراد نے شرکت کی ، اس موقع پر بچوں نے اسلامی موضوعات پر تقریری کی، ہدیہ نعت پیش کیے گئے، اس موقع پر اورنگزیب بٹ، جاوید بٹ ، عمر گجر ، شیخ افضال ،آکاش نیازی ، عامر چوہدری ، صاحبزادہ حکیم جواد الرحمن نظامی سیفی، ڈاکٹر عالم، سمیع اللہ وڑائچ، چوہدری احسان و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فاطمہ چاندی جامع مسجد بولے میں ختم قرآن پاک بسلسلہ تراویح کا شاندار انعقاد کیا گیا
گجرات (جی پی آئی)فاطمہ چاندی جامع مسجد بولے میں ختم قرآن پاک بسلسلہ تراویح کا شاندار انعقاد کیا گیا، جس میں بانی مسجد شیخ شاہد لطیف چاندی نے 14قرآن پاک کا تحفہ پیش کیا، تلاوت کلام پاک کی سعادت قاری محسن مصطفےٰ سیفی نے شرکت کی، اس موقع پر بیان قاری اشرف نے کیا، اس موقع پر ممتاز سماجی شخصیت ڈاکٹر شیخ ثوبان شاہد چاندی، شیخ شہزاد لطیف چاندی، شیخ ہارون شاہد چاندی اور علاقہ کے معززین نے بھرپورشرکت کر کے محفل کو دوبالا کیا۔
