بھارتی کرکٹ بورڈ نے ممبئی ہائی کورٹ کے فیصلے کو سپریم کورٹ میں چیلنج کر دیا۔ بی سی سی آئی نے ممبئی ہائی کورٹ کے آئی پی ایل میچ فکسنگ انکوائری ٹربیونل کو غیر قانونی دینے کے فیصلے کو چیلنج کیا ہے۔ بھارتی ذرائع کے مطابق بی سی سی آئی کا کہنا ہے کہ انکوائری ٹریبونل قانونی اور آئینی ہے۔
بورڈ کا مزید کہنا ہے کہ وہ سپریم کورٹ میں ٹربیونل کی تحقیقات کی حمایت کریں گے۔ اس سے پہلے انکوائری ٹریبونل نے اپنی تحقیقات میں صدر بی سی سی آئی کے داماد گروناتھ اور راجھستان رائلز ٹیم کے مالک راج کندرا کو فکسنگ الزامات سے کلئیر قرار دیا تھا۔