کوٹلی (جیوڈیسک) کوٹلی آزاد کشمیر میں کوٹلی کے مقام پر بھارت کی جانب سے بلا اشتعال فائرنگ کا سلسلہ جاری ہے۔ بھارتی فوج کی شیلنگ سے ایک پاکستانی خاتون زخمی ہو گئی۔ ضلع کوٹلی میں نکیال سیکٹر کے علاقوں دھروتی ترکنڈی، موہڑہ، پیر کلنجر، لنجوٹ کے مقامات سب سے زیادہ متاثر ہوئے ہیں۔ فائرنگ کا سلسلہ رات گئے شروع ہوا جو اب بھی جاری ہے۔
متاثرہ علاقوں میں ہر طرح کی ٹریفک بند ہے۔ علاقہ دور دراز ہونے کے باعث ٹیلی فون کی سہولت بھی میسر نہیں جس کی وجہ سے ہونے والے نقصانات کا اندازہ نہیں لگایا جا سکا۔ پاک فوج بھی بھرپور جوابی کارروائی کر رہی ہے تاہم فائرنگ کا سلسلہ نہیں رک سکا۔ متاثرہ علاقوں میں شہید اور زخمی ہونے کی غیر مصدقہ اطلاعات ہیں۔ تاہم تازہ ترین اطلاعات کے مطابق بھارتی فوج کی شیلنگ سے ایک پاکستانی خاتون زخمی ہو گئی ہے۔
انتخابی دھاندلی کی تحقیقات کیلئے تعاون کریں گے: چوہدری نثار
بہارہ کہو خود کش حملے کے ملزمان کا ریمانڈ
