کراچی (جیوڈیسک) کراچی میں وکلا نے اپنے ساتھی ایڈوکیٹ کے اغوا کے خلاف ہڑتال کر دی، جس کے باعث ہزاروں مقدمات کی سماعت نہیں ہو رہی۔ سندھ بارکونسل،کراچی بار اور ملیر بار ایسو سی ایشن نے سعید محسود ایڈوکیٹ کے اغوا کے خلاف ہڑتال کی اپیل پر وکلا نے سٹی کورٹ ملیر کورٹ اور دیگر ماتحت عدالتوں میں عدالتی امور کا بائیکاٹ کر دیا۔
وکلا کی ہڑتال کے باعث سٹی کورٹ سمیت ماتحت عدالتوں میں ہزاروں مقدمات کی سماعت نہیں ہو رہی ہے۔سائلین کو شدید مشکلات کا سامنا کرنا پڑ رہا ہے۔ ججز اپنے چیمبرز میں فوری نوعیت کے مقدمات کی سماعت کر رہے ہیں۔ ملیر بار سے تعلق رکھنے والے سعید محسود ایڈوکیٹ کو 14 اگست کے روز جناح ہسپتال سے ملیر جاتے ہوئے نامعلوم افراد نے اغوا کر لیا، تاحال ان کے بارے کوئی اطلاع نہیں ہے۔
ایفی ڈرین کیس، علی موسی، شہاب الدین سمیت 10ملزمان کیخلاف حتمی چالان پیش
مون سون کا حالیہ سلسلہ 24 سے 36 گھنٹے میں کم ہو جائے گا، محکمہ موسمیات
