جب سیلاب ہماری فصلوں اور املاک کو تباہ کرنا شروع کردیتا ہے توپھر ہمارے حکمران ہیلی کاپٹر میں بیٹھ کر فضائی معائینے شروع کردیتے ہیں، روحیل اکبر
Posted on August 17, 2013 By Geo Urdu سٹی نیوز
تحریک تحفظ پاکستان کے مرکزی رہنماء روحیل اکبر نے کہا ہے کہ شدید بارشوں کے دوران بھارت نے جان بوجھ کر دریائوں میں پانی چھوڑ کر پاکستان میں سیلاب کی صورتحال پیدا کردی جسکی وجہ سے اس کی آبی دہشت گردی سے لاکھوں ایکڑ پر کھڑی فصلیں تباہ ہوئی ہیں۔
اپنے ایک جاری بیان میں انہوں نے کہا کہ پاکستانی دریائوں پر غیر قانونی ڈیم تعمیر کر کے اس نے اپنی معیشت مضبوط اور پاکستان کی تباہی کے منصوبے بنائے اس کی آبی دہشت گردی سے جہاں بجلی و پانی کی کمی کے بحران پیدا ہوئے اور معیشت کو سخت نقصان پہنچا وہاں شدید بارشوں کے موسم میں انڈیا جب چاہتا ہے۔
ڈیموں میں بھرا ہوا پانی چھوڑ کر سیلاب کی صورتحال پیدا کر دیتا ہے اور ہماری حکومتوں نے آج تک اس مسئلہ کو حل کرنے کے لیے کوئی خاطر خواہ کام نہیں کیا اور جب سیلاب ہماری فصلوں اور املاک کو تباہ کرنا شروع کردیتا ہے تو پھر ہمارے حکمران ہیلی کاپٹر میں بیٹھ کر فضائی معائینے شروع کردیتے ہیں۔