لاہور کی خبریں 21.08.2013
Posted on August 21, 2013 By Tahir Webmaster لاہور
غیر جماعتی بنیادوں پر قائم ہونے والا بلدیاتی نظام ظلم پر مبنی ہے، قاضی احمد سعید
لاہور (پی پی سی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہپنجاب حکومت کا غیر جماعتی بنیادوں پر انتخابات کرانے کیلئے بل کا مسودہ اسمبلی میں پیش کرنے کا دن پنجاب کی تاریخ کا سیاہ ترین دن تھا، جمہوریت کو نچلی سطح تک لانے کی دعویدار جماعت اب آمریت سے بھی بدتر نظام لانا چاہتی ہے۔ انہوں نے کہا کہ اسمبلی سے بل پاس کرانے پر اسمبلی کے باہر اور اندر احتجاج کیا جائے گا۔ غیر جماعتی بنیادوں پر قائم ہونے والا بلدیاتی نظام ظلم پر مبنی ہے اور یہ نظام میثاق جمہوریت کے بھی خلاف ہے۔ پیپلز پارٹی کسی بھی صورت پنجاب حکومت کے بلدیاتی نظام کو سپورٹ نہیں کرے گی، حکومت ہماری تجاویز کو بلدیاتی نظام کا حصہ بنانے کی یقین دہانیاں کراتی رہی لیکن پھر اچانک نوازشریف کی منظوری سے پنجاب میں بلدیاتی نظام کا فیصلہ کر دیا گیا جو پیپلز پارٹی کے لئے قابل قبول نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضمنی انتخاب میں من پسند نتائج لانے کیلئے حکومتی مشینری استعمال ہو رہی ہے، سعدیہ سہیل رانا
لاہور(پی پی سی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ ضمنی انتخاب میں من پسند نتائج لانے کیلئے حکومتی مشینری استعمال ہو رہی ہے، ضمنی انتخابات میں دھاندلی ہوئی تو تحریک انصاف کے کارکن سیسہ پلائی دیوار بن جائے گا، ایک بیان میں انہوں نے کہا کہ تحریک انصاف ضمنی انتخابات میں بھرپور تیاری کیساتھ اور دھاندلی روکنے کیلئے میدان میں اتریں گے، عوام 22اگست کو باہر نکلیں او رنظریے کو ووٹ دیکر مفاد پرستوںکو مسترد کردیں۔ انہوںنے کہا کہ موجودہ حکومت بری طرح ناکام ہو چکی ہے تھانہ کلچر کو ختم کرنے کے دعویداروں پولیس کو انتخابی مہم کے لئے استعمال کر رہے ہیں نواز شریف کے خطاب سے عوا م کو مایوسی کے سوا کچھ نہیں ملا، میاں برادران شہنشائیت برقرار رکھنا چاہتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور،گلبرگ میں محکمہ سوئی گیس کے ملازم پرچار مسلح افرادکا تشدد
لاہور(پی پی سی) گلبرگ میں محکمہ سوئی گیس کے ملازم پرچار مسلح افراد کاتشدد ،شہریوں کا موقع پر جمع ہونے پرملزم فرار ہونے میں کامیاب ہو گئے ،پولیس نے مقدمہ درج کرلیا ۔تفصیل کے مطابق واقعہ صوبہ پنجاب کے شہر لاہور کے علاقہ تھانہ گلبرگ کی حدود میں پیش آیا جہاں محکمہ سوئی گیس کے ملازم انجم سہیل نامی شخص کودوموٹرسایئکلوں پرسوارچار مسلح افراد نے گھیرے میں لے کر اس کے بھائی جاویداختر کے بارے میں پوچھ گچھ کرنا شروع کر دی جاویداختر کے بارے میں معلومات نہ دینے پرمسلح افراد نے تشدد کرناشروع کردیا۔جس پرشہریوں کی بڑی تعداد موقع پر جمع ہوتے ہی ملزم سنگین نتائج کی دھکمیاں دیتے ہو ئے فرارہونے میں کامیاب ہو گئے ۔ پولیس نے مقدمہ درج کر کے ملزموں کی تلاش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہور،معززین شہریوں کاحلقہ پی پی 145کی یوسی40کا ایک اجلاس
لاہور(پی پی سی)معززین شہریوں کاحلقہ پی پی 145کی یوسی40کا ایک اجلاس زیر صدارت زاہد خان کاکڑ ہواجس میں علاقے کی اہم شخصیات نے شر کت کی جن میں زوہیب خان ،شاہد مہر ،فاروق گجر ،شہبازکھوکھر ودیگرمعززین شامل تھے۔اجلاس میں مقررین نے خطاب کرتے ہوئے وحیدگل ایم پی اے سے مطالبہ کیا کہ نئی آبادی مومن پورہ میں میں پانی کی کمی کی وجہ سے لوگ پریشان ہیں لہذایہاں ٹیوب ویل لگایا جاے انہوںنے مطالبہ کیا کہ گلی نمبر2اور اتفاق پارک میں بجلی کے کمبے نہیں ہیں ان کا فوری انتظام کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لاہورشملہ پہاڑی پریس کلب کے قریب سڑکوں پر تجاوزات حکومتی دعوے بہالے گئی
لاہور(پی پی سی)لاہورشملہ پہاڑی پریس کلب کے قریب سڑکوں پر تجاوزات حکومتی دعوے بہالے گئی ،ذرائع کے مطابق لاہورمیں تجاوزات کے خاتمے کیلئے کئی آپریشن کیے گئے ،جن پر لاکھوں روپے خرچ ہوئے لیکن پھربھی شہرکے مختلف علاقے کی طرح لاہورشملہ پہاڑی پریس کلب کے قریب سڑکوں پر تجاوزات کی بھرمارہے ،ضلعی انتظامیہ سمیت اعلیٰ افسروں پر سرپرستی کا الزام ہے کہ انہوں نے کروڑوں روپے رشوت لے کر تجاوزات کی اجازت دے رکھی ہے،جس سے تجاوزات کے خاتمے کیلئے کئے گئے اقدامات صرف کاغذائی کارووائی تک محدوررہے گئے ہیں۔
لاہور : نوجوان نے فائرنگ کرکے ماں اور بہن کو قتل کر دیا
پنجاب گروپ آف کالجز نے میدان مار لیا، بی ایس سی میں ٹاپ 3 پوزیشن
