ضمنی انتخابات میں تحریک انصاف کی کامیابی یقینی ہے، سعدیہ سہیل رانا
Posted on August 22, 2013 By Geo Urdu لاہور
لاہور(پی پی سی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ ضمنی انتخابات میں تحریک انصاف کی کامیابی یقینی ہے ایک بیان میں انہوں نے کہا کہ تحریک انصاف کے کارکنوں نے حکومت کی طرف سے دھاندلی کے منصوبوں کو ناکام بنانے کیلئے تمام تیاریاں مکمل کر لی ہیں۔
عوام عام انتخابات میں جھوٹے وعدے کرنے والوں کو آج کے دن مسترد کر دیں گے۔ ضمنی انتخابات میں جھرلو پھیرنے کی منصوبہ بندی کامیاب نہیں ہو سکے گی، موجودہ حکومت بری طرح ناکام ہو چکی ہے۔
تھانہ کلچر کو ختم کرنے کے دعویداروں پولیس کو انتخابی مہم کے لئے استعمال کر رہے ہیں نواز شریف کے خطاب سے عوا م کو مایوسی کے سوا کچھ نہیں ملا، میاں برادران شہنشائیت برقرار رکھنا چاہتے ہیں۔
