ایم کیو ایم کے رہنما ڈاکٹر فاروق ستار نے سندھ ہائی کورٹ میں تحریری طور پر شکایت کی ہے کہ ووٹرز کی غیر ضروری تلاشی لی گئی،مارا پیٹا گیا جس سے پولنگ کا عمل متاثر ہوا۔ سندھ ہائی کورٹ کے الیکشن سیل میں ڈاکٹر فاروق ستار نے تحریری طور ہر شکایت جمع کرائی، جس میں کہا گیا فوج زائد المعیاد شاختی کارڈ کے حامل ووٹرز کو پولنگ اسٹیشن میں جانے نہیں دے رہی۔
ان کا کہنا تھا ووٹروں کی غیر ضروری تلاشی لی جارہی ہے جس سے پولنگ کا عمل متاثر ہو رہا ہے، ڈاکٹر فاروق ستار نے اپنی درخواست میں کہا فوج کی جانب سے ووٹرز کو مارنے پیٹنے کے واقعات بھی پیش آئے ہیں۔
سندھ ہائی کورٹ نے فوری طور پر واقعہ کی حقیقت جانے کے لئے ڈی آراو سے رابط کیا جس پر ڈی آر او نے اپنی رپورٹ میں کہا کہ زائد المعیاد شاختی کارڈ کے حامل ووٹرز کو ووٹ ڈالنے کی اجازت دے دی گئی ہے اور فوج کی جانب سے ووٹرز کے ساتھ مار پیٹ کا کوئی واقعہ پیش نہیں آیا۔
ضمنی انتخابات کے نتائج کوتسلیم کیا جائے: الطاف حسین
پشاور: غلام احمد بلور کی برتری پر اے این پی کے کارکنوں کا جشن
