کراچی کے مختلف علاقوں میں فائرنگ کے واقعات میں چار افراد جاں بحق اور ایک شخص زخمی ہو گیا جبکہ رینجرز نے نقلی کپتان کو حراست میں لے کر پاک فوج کا جعلی کارڈ برآمد کر لیا۔ شہر قائد میں بدامنی کا سلسلہ جاری ہے۔
آج بھی کئی گھرانوں کے چراغ گل کر دیئے گئے۔ یونیورسٹی روڈ پر موسمیات کے قریب فائرنگ سے ایک شخص جاں بحق ہو گیا، لاش کو جناح اسپتال منتقل کر دیا گیا۔ قصبہ کالونی میں کٹی پہاڑی کے قریب فائرنگ سے ایک شخص زندگی کی بازی ہار گیا جس کی شناخت نہیں ہو سکی۔
بلدیہ کے علاقے سعید آباد میں سعادت چوک کے قریب فائرنگ سے بیالس سالہ شخص جاں بحق ہو گیا۔ منگھوپیر کے علاقے ایم پی آر کالونی میں ہوٹل پر فائرنگ سے ایک شخص جاں بحق جبکہ دوسرا زخمی ہو گیا۔
دوسری جانب محمود آباد میں رینجرز نے چیکنگ کے دوران ایک شخص کو روکا جس نے کود کو کپتان ظاہر کیا۔ تلاشی کے دوران پاک فوج کا جعلی آئی ڈی کارڈ ملنے پر ملزم کو پولیس کے حوالے کر دیا گیا۔ اتحاد ٹان میں پولیس نے دو مفروروں سمیت چار ملزمان کو گرفتار کر لیا جن سے تفتیش جاری ہے۔
سونامی کی باتیں کرنے والی پارٹی بائیس اگست کو بہہ گئی: الطاف حسین
بھکر تصادم، مجلس وحدت مسلمین کا 3 روزہ سوگ کا اعلان
