لاہور (جیوڈیسک) پنجاب میں غیر جماعتی بلدیاتی انتحابات کو لاہور ہائیکورٹ میں چیلنج کر دیا گیا ہے۔ درخواست گزار کے وکیل اشتیاق احمد چوہدری کی جانب سے دائر کی جانیوالی درخواست میں موقف اختیار کیا گیا کہ ملک کے تین صوبوں میں بلدیاتی انتحابات سیاسی جماعتوں کی بنیاد پر ہو رہے ہیں لیکن پنجاب میں غیر جماعتی بلدیاتی انتحابات کروائے جا رہے ہیں۔
جو آئین کے آرٹیکل 140 اے کی واضح خلاف ورزی ہے جبکہ اس سے معاشرے میں کرپشن کو فروغ ملے گا اور عوام کے مسائل بھی حل ہونے کے بجائے اس میں اضافہ ہو گا۔ لہذا عدالت سے استدعا ہے کہ پنجاب میں غیر جماعتی بلدیاتی انتحابات کو کلعدم قرار دیکر جماعتی بنیادوں پر انتحابات کروانے کا حکم دیا جائے۔
ججز نظر بندی کیس، مدعی، مشرف کے وکیل عدالت میں پیش نہ ہوئے
چنیوٹ: سیلاب کے بعد سبزیاں نایاب، قیمتوں میں اضافہ
