لاموسی کی خبریں 24.o8.2013
Posted on August 25, 2013 By Geo Urdu سٹی نیوز
لاہور میں پاکستان تحریک انصاف کے پر امن احتجاج پر پولیس گردی کی شدید مذمت کرتے ہیں، نوازش علی شیخ ایڈووکیٹ
لالہ موسیٰ (محمد بلال احمد بٹ) لاہور میں پاکستان تحریک انصاف کے پر امن احتجاج پر پولیس گردی اور پاکستان تحریک انصاف پنجاب کے صدر اعجاز احمد چوہدری، اپوزیشن لیڈر پنجاب اسمبلی میاں محمود الرشید اور کارکنوں کی گرفتاری کی شدید مذمت کرتے ہیں۔ پاکستان تحریک انصاف ضلع گجرات کے سینئر راہنما ٹکٹ ہولڈر حلقہ پی پی 112 نوازش علی شیخ ایڈووکیٹ نے پاکستان تحریک انصاف کے پر امن احتجاج پر لاٹھی چارج اور گرفتاریوں کی شدید الفاظ میں مذمت کرتے ہوئے کہاکہ پر امن احتجاجی ریلی کو گھیرے میں لے کر پولیس کا لاٹھی چارج کرنا اور تحریک انصاف کے راہنمائوں اور کارکنوں کو گرفتار کرنا انتہائی افسوس ناک ہے اوریہ حکومت کا آمرانہ اقدام ہے الیکشن دھاندلی کے خلاف احتجاج پاکستان تحریک انصاف کا حق ہے۔ پنجاب اسمبلی میںتحریک انصاف کے اپوزیشن راہنما میاں محمود الرشید، پاکستان تحریک انصاف صوبہ پنجاب کے صدر اعجاز احمد چوہدری اور دیگر کارکنوں کو گرفتار کر کے حکومت نے پورے ملک پر اپنی اجارہ داری ثابت کر نیکی کوشش کی ہے مگر پاکستان تحریک انصاف حکومت کے ہر غیر آئینی اور غیر جمہوری اقدام کو منظر عام پر لائے گی۔ انہوں نے کہا کہ الیکشن دھاندلی کے خلاف ہمارا احتجاج جاری رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : ممتاز سیاسی سماجی شخصیت آصف رحمانی جوگی محلہ والے کی اہلیہ رضائے الٰہی سے وفات پا گئی
لالہ موسیٰ(محمد بلال احمد بٹ)ممتاز سیاسی سماجی شخصیت آصف رحمانی جوگی محلہ والے کی اہلیہ رضائے الٰہی سے وفات پا گئی، سینکڑوں سوگواران کی موجودگی میں سپرد خاک، نما زجنازہ پیر جازن وال قبرستان میں ادا کی گئی، نما زجنازہ میں علاقہ بھر کی ممتاز شخصیات کی شرکت، ڈاکٹر آصف محمود سابق نائب ناظم، خان عبدالمجید بٹ سابق کونسلر، عبدالپرویز بٹ صدر صرافہ ایسوسی ایشن،ثاقب جوگی محلہ،ولایت بھٹی، عنایت بھٹی، فردوس رفیق، ارشد بٹ جوگی محلہ، بابر شاہین بٹ، عبدالرزاق بٹ سابق کونسلر، یاسر مجید بٹ، راشد مجید بٹ، اسد مجید بٹ، ذیشان مجید بٹ، صحافی خالد مجید بٹ، اعجا ز بٹ سابق کونسلر، ارشد محمود بٹ، چوہدری بلال سیدا گول، محسن صدیق چھوٹا بازار، لیاقت علی شبیر بٹ، ایوب بٹ، سجاد رحمانی، عباس رحمانی، ناظم رحمانی، وسیم رحمانی، ناصر عظیم صراف، مہر ارشد، ندیم بھٹی، نادر بٹ، رمیض جاوید، سعید احمد بٹ، ثاقب گجر، مرزا تنویر، ذوالفقار رحمانی، مہر ولایت، نعمان حفیظ سمیت سینکڑوں افراد شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: آئندہ بلدیاتی الیکشن میں پاکستان مسلم لیگ پورے حلقہ میں کلین سویپ کرے گی،ڈاکٹر آصف محمود
لالہ موسیٰ (محمد بلال احمد بٹ) آئندہ بلدیاتی الیکشن میں پاکستان مسلم لیگ پورے حلقہ میں کلین سویپ کرے گی، ان خیالات کا اظہار سینئر راہنما مسلم لیگ ن ڈاکٹر آصف محمود سابق نائب ناظم 87/4 نے اپنے بیان میں کیا، انہوں نے مزید کہا کہ ضمنی انتخابات میں مسلم لیگ ن کی واضح برتری اس بات کا ثبوت ہے کہ عوام میاں نواز شریف اور میاں شہبا ز شریف کی قیادت پر اعتماد کرتی انہوں نے ایک سوال کے جواب میں کہا کہ چوہدری جعفر اقبال ایم ایس اے اور ایم پی اے چوہدری اشرف دیونہ کی قیادت میں تمام یونین کونسلوں سے ہمارے نمائندے بلدیاتی انتخابات میں بھر پور حصہ لیں گے اور کامیاب ہو کر حلقہ میں چیئر مین اور وائس چیئر بھی ہمارے منتخب ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: آئندہ بلدیاتی الیکشن میں پوری طاقت کے ساتھ حصہ لے گے، چوہدری احسان مہدی
لالہ موسیٰ(محمد بلال احمد بٹ) آئندہ بلدیاتی الیکشن میں پوری طاقت کے ساتھ حصہ لے گے، ان خیالات کا اظہار ممتاز کاروباری شخصیت تاجر غلہ منڈی چوہدری احسان مہدی نے کیا، انہوں نے مزید کہا کہ حلقہ کی عوام کے پر زور اصرار پر بلدیاتی الیکشن لڑوں گا، اور کامیاب ہو کر اپنے بزرگوں کی حلقہ کی عوام کی خدمت کا مشن جاری و ساری رکھوں گا، انہوں نے مزید کہا کہ انشاء اللہ کامیاب ہوکر حلقہ کی تعمیر وترقی میں اہم کردار ادا کروں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : ہر دوغلہ منڈی کا انتخاب ڈنکے کی چوٹ پر لڑوں گا،خواجہ شبیر احمد
لالہ موسیٰ(محمد بلال احمد بٹ) ہر دوغلہ منڈی کا انتخاب ڈنکے کی چوٹ پر لڑوں گا،ان خیالات کا اظہار ممتاز بزنس میں خواجہ شبیر احمد نے کیا انہوں نے مزید کہا کہ عرصہ دراز سے غلہ منڈی کے ساتھ سوتیلی مائوں جیسا سلوک کیا گیا، سابق عہدیداروں نے غلہ منڈی کے مسائل طرف توجہ نہیں دی، جس کی وجہ سے آج غلہ منڈی مسائلستان کا گڑھ بنی ہوئی ہے،انہوں نے ایک سوال کے جواب میں کہا کہ انشاء اللہ غلہ منڈی کی صدارت کا انتخاب میں کامیاب ہو کر غلہ منڈی کی تمام محرومیوں کا ازالہ کروں گا، انہوں نے مطالبہ کیا کہ جلد از جلد غلہ منڈی کے الیکشن کروائیں جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : فیشن بوتیک نلکے والی گلی کا شاندار افتتاح، صاحبزادہ خلیل احمد رزاقی نے اپنے دست مبارک سے کیا
لالہ موسیٰ(محمد بلال احمد بٹ) فیشن بوتیک نلکے والی گلی کا شاندار افتتاح، صاحبزادہ خلیل احمد رزاقی نے اپنے دست مبارک سے کیا، علاقہ بھر کی اہم ممتاز شخصیات نے شرکت کی،شرکت کرنے والوں میں ملک سراج اشرفی، عرفان احمد صفی، محمد اسلم، شیخ تقی، چاند بٹ، چوہدری طارق حکیم، چوہدری خالد مہر، مختار احمد اشرفی، شیخ فیاض، زاہد بھٹی، ملک طارق، خالد محمو د سروس شوز، طارق محمود فروٹ مرچنٹ سمیت درجنوں افراد نے شرکت کی، افتتاح کے بعد معززین علاقہ کی خاطر تواضع بھی کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ میں فوڈ ماسٹر کی ایک اور فخریہ پیش کش،لذیز کھانوں کے بعد مچھلی اور دیگی چرغے کا آغاز کر دیا گیا
لالہ موسیٰ(محمد بلال احمد بٹ)لالہ موسیٰ میں فوڈ ماسٹر کی ایک اور فخریہ پیش کش، لذیز کھانوں کے بعد مچھلی اور دیگی چرغے کا آغاز کر دیا گیا۔ تفصیلات کے مطابق گذشتہ روز ایم ڈی ملک لیاقت علی اعوان نے صحافیوں سے گفتگو کرتے ہوئے کہا کہ فوڈ ماسٹر کے کھانوں نے لالہ موسیٰ اور گردونواح کے شہریوں کے دل جیت لئے ہیں ۔ماسٹر فوڈ ہمیشہ سے اپنے معیار، بہترین انتظام، اچھی سروس کی وجہ سے اپنی پہچان رکھتے ہیں۔ انہوں نے ایک سوال کے جواب میں کہا کہ فوڈ ماسٹر کے قیام سے پہلے لالہ موسیٰ میں باہر سے آنے والوں کے لئے کوئی معیاری ریسٹورنٹ نہیں تھا جس سے وہ استفادہ کر سکتے لیکن جونہی لالہ موسیٰ میں فوڈ ماسٹر کا قیام عمل میں لائے ہیں لالہ موسیٰ کے شہریوں سمیت دوسرے شہروں سے آنے والے لوگ بھی فوڈ ماسٹر کے عمدہ اور لذیز کھانوں سے لطف اندوز ہو رہے ہیں۔
