ملتان : سابق وزیراعظم سید یوسف رضا گیلانی نے کہا ہے کہ 5 سال حکومت کرنا آسان بات نہیں، 5 برسوں میں ایک بھی سیاسی قیدی نہیں بنایا، پہلے کوئی نہیں مانتا تھا، آج سرکاری طور پر پنجابی طالبان کی تصدیق ہوگئی۔ ان خیالات کا اظہار انہوں نے ملتان ایئر پورٹ پر ذرائع سے گفت گو کر تے ہوئے کیا۔ ان کا کہنا تھا کہ انہوں نے تشدد کی سیاست اور انتقامی کارروائی نہیں کی، پہلے پنجابی طالبان کا نام بھی نہیں سنا گیا تھا اور نہ ہی اس کو کوئی مانتا تھا۔
آج سرکاری طور پر پنجابی طالبان کی تصدیق ہوگئی ہے۔ سید یوسف رضا گیلانی کا مزید کہنا تھا کہ جنگ مسئلے کا حل نہیں ہے، تمام ہمسایہ ممالک کے ساتھ بہتر تعلقات رکھنے چاہئیں۔ انہوں نے کہا کہ 5 سال حکومت کرنا آسان بات نہیں، 5 برسوں میں ایک بھی سیاسی قیدی نہیں بنایا۔
بدترین غیر اعلانی لوڈ شیڈنگ، بجلی بحران پھر زور پکڑ گیا
ایل او سی : بھارتی فائرنگ و گولہ باری، خاتون سمیت 2 افراد شہید، 5 زخمی
