گجرات کی خبریں 25.08.2013
Posted on August 26, 2013 By Tahir Webmaster گجرات
گجرات چیمبر آف کامرس کے ایگزیکٹو ممبر سید آصف رضا نقوی گزشتہ روز مبارک باد
گجرات (جی پی آئی) گجرات چیمبر آف کامرس کے ایگزیکٹو ممبر سید آصف رضا نقوی گزشتہ روز مبارک باد دینے کیلئے رانا مشرف علی ناز کی رہائشگاہ پر گئے اور انہیں عمرہ کی ادائیگی پر مبارک باد دی ، اور نیک تمنائوں کا اظہار کیا ، اس موقع پر سید رضوان شاہ بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز مسلم لیگی راہنما و ممتاز صنعت عمر گھمن کے بھائی کی وفات
گجرات (جی پی آئی) ممتاز مسلم لیگی راہنما و ممتاز صنعت عمر گھمن کے بھائی کی وفات پر ممتاز شخصیات نے ان کی رہائشگاہ پر جا کر تعزیت کی اور مرحوم کے ایصال ثواب کیلئے فاتحہ خوانی کی ، تعزیت کرنے والوں میں زیب بٹ ، رانا مشرف علی ناز ، سید آصف رضا نقوی ، سید رضوان شاہ ، ڈاکٹر رزاق احمد غفاری و دیگر شامل تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں لوڈ شیڈنگ کے ساتھ ساتھ شدید گرمی میں اضافہ کے باعث عوام کی مشکلات میں اضافہ ہو گیا
گجرات (جی پی آئی) گجرات میں لوڈ شیڈنگ کے ساتھ ساتھ شدید گرمی میں اضافہ کے باعث عوام کی مشکلات میں اضافہ ہو گیا ، کاروباری زندگی بلکہ ٹھپ ہو کر رہ گیا، عوام شدید مشکلات سے دوچار ہو گئے، سکولوں کی چھٹیاں بھی ختم ہو گئی ہیں، اور سکولوں میں بچے بھی پریشان ہیں، حکومت لوڈ شیڈنگ کے خاتمہ کیلئے اقدامات کرے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں سرکل کے تھانوں کی پولیس زنگ آلود ہو چکی ہے : عبدالقیوم گوندل
گجرات(جی پی آئی )کھاریاں سرکل کے تھانوں کی پولیس زنگ آلود ہو چکی ہے تھانوں کاریکارڈ اپ ڈیٹ نہیں پروفیشنل پالیسی نظر نہیں آتی ، ٹارگٹس بھی متعین نہیںہیں ان خیالات کا اظہار نئے ڈی ایس پی کھاریاں سرکل عبدالقیوم گوندل نے اپنے آفس میں خصوصی انٹرویو دیتے ہوئے کیا اسموقع پر ڈسٹرکٹ کو آرڈی نیٹر مصالحتی کمیٹیز چوہدری عمر گجر بھی موجود تھے انہوں نے کہا کہ ایک ٹارگٹ محکمہ کا ہوتا ہے دوسرا پولیس ملازم کا ذاتی یہ افسوس ناک عمل ہے کہ کھاریا ں سرکل کے تھانو ں کی پولیس محکمہ کے ٹارگٹ کی بجائے اپنے ٹارگٹ کو زیادہ ترجیح دیتی ہے میں نے سرکل کے تھانوں کاچھاپے مار کر ریکارڈ چیک کیا ہے زیادہ تر تھانوں کا ریکارڈ مرتب نہیں ہے محرر اور نائب محرر ریکارڈ مرتب کرنے میں زیادہ دلچسپی لیتے نظر نہیںآتے مگر اب ایسا نہیںہو گا چارج سنبھالنے کے بعد میں نے تمام محرروں کو دو ہفتوں کے اند ر تھانوں کا ریکارڈ مکمل کرنے کی ہدایات جاری کر دی ہیں انشاء اللہ جلد کھاریاں سرکل کے تھانوں کا ریکارڈ مکمل کر لیا جائے گا ۔ڈی ایس پی عبدالقیوم گوندل نے ایک سوال کے جواب میں بتایا کہ کوالٹی آف انوسٹی گیشن کو بھی بہتر بنانے کی ضرورت ہے کھاریاں سرکل کے تھانوں میں خوش اخلاقی دور تک نظر نہیں آتی اپنی ڈیوٹی احسن طریقہ سے انجام نہ دینے والے تھانیدار ، حوالدار اور اہلکاروں کی بہتات ہے ان کی لسٹیں تیار کی جارہی ہیں نمکے تھانے داروں اہلکاروں کو کھاریاں سرکل سے باہر پھینک دیاجائے گا انہوں نے کہا پولیس کی وفاداریاں محکمہ اور عوام کی طر ف موڑنے کی ضرورت ہے بے شمار اہلکاروں کی وفاداریاں کسی اور طرف ہیں ان اہلکاروں کو محکمہ کا وفا دار بنایا جائے گا تمام تھانوں میں انوسٹی گیشن کو بہتر بنایا جارہاہے پبلک ڈیلنگ اور خوش اخلاقی پر کوئی کمپرومائز نہیں کیا جائے گادانستہ اپنے اختیارات کا ناجائز استعمال کرنے والوں کو سخت سزا دی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایس ایچ اوتھانہ صدر لالہ موسیٰ انسپکٹر ساجد سوہل نے علاقہ سے منشیات فروشی کے متعدد اڈے بند کر دئیے ہیں
گجرات (جی پی آئی )ایس ایچ اوتھانہ صدر لالہ موسیٰ انسپکٹر ساجد سوہل نے علاقہ سے منشیات فروشی کے متعدد اڈے بند کر دئیے ہیں گذشتہ روز ایس ایچ او تھانہ صدر لالہ موسیٰ انسپکٹر ساجد سوہل نے معہ بھاری نفری گائوں چک سروانی اور گرد ونوا ح کے علاقوں میں چھاپے مارے اور درجن سے زائد جرائم پیشہ افراد کو حراست میں لے لیا کلو سے زائد چرس پکڑی گئی ہے ایس ایچ او انسپکٹر ساجد سوہل نے اپنے آفس میں صحافیوں کو بتایا کہ تھانہ صدر لالہ موسیٰ کو جرائم پیشہ عناصر سے پاک کر نا میرا اولین مشن ہے اس سے پہلے تھانہ اے ڈویژن تھانہ ، تھانہ ٹانڈہ،تھانہ سٹی جلالپور جٹاں میں تعیناتی کے دوران جرائم پیشہ افراد کے خلاف بڑی اننگز کھیل چکا ہوں انہوں نے بتایا کہ عوام کے ساتھ اچھا برتائواور خوش اخلاقی پر سب سے زیادہ توجہ دیتا ہوں محرروں اور کانسٹیبلان کو خصوصی ہدایت کر رکھی ہے کہ تھانہ میں آنے والے ہر سائل کو چائے ، پانی پلائیں ،اور خوش اخلاقی کے ساتھ بات سنتے ہوئے لوگوں کے مسائل حل کریںڈی پی او گجرات سید علی ناصر رضوی کی قیادت میں دن رات جرائم کے خاتمہ کیلئے کام کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات سید علی ناصر رضوی کی اشتہاریوں کیخلاف مہم قابل تحسین ہے : چوہدری عمر گجر
گجرات (جی پی آئی )ڈسٹرکٹ کو آرڈی نیٹر مصالحتی کمیٹیز چوہدری عمر گجر نے کہا ہے کہ ڈی پی او گجرات سید علی ناصر رضوی کی اشتہاریوں کیخلاف مہم قابل تحسین ہے ضلع گجرات کو جرائم پیشہ عناصر سے پاک کر کے ہی امن کاگہوارہ بنایا جا سکتا ہے انہوں نے کہا کہ ڈی پی او علی ناصر رضوی کا شمار پنجاب کے اعلیٰ ترین افسران میں ہوتا ہے جنہوں نے پولیس کلچر کی تبدیلی کیلئے عملی اقدامات کئے ہیں ڈی پی او علی ناصر رضوی کی تعیناتی سے مجموعی طور پر ضلع کے کرائم میں کمی واقع ہوئی ہے چوہدری عمر گجر نے کہا کہ مصالحتی کمیٹیوں کے کردار کو مزید بڑھانے کی ضرورت ہے ضلع بھر کی مصالحتی کمیٹیوں کو زیادہ سے زیادہ درخواستیں مارک ہونی چاہیں انشاء اللہ مصالحتی کمیٹیاں جرائم کے خاتمہ میں ڈی پی او گجرات سید علی ناصر رضوی کے شانہ بشانہ ہونگے۔
