ڈیرہ اسماعیل خان کی خبریں 26.08.2013
Posted on August 27, 2013 By Tahir Webmaster سٹی نیوز
ڈی آئی جی ڈیرہ اعجاز احمد نے کہاہے کہ سنٹرل جیل واقعہ کے بعد عوام کا پولیس اورقانون نافذ کرنیوالے اداروں پر اعتماد بحال کرینگے
ڈیرہ اسماعیل خان : ڈی آئی جی ڈیرہ اعجاز احمد نے کہاہے کہ سنٹرل جیل واقعہ کے بعد عوام کاپولیس اورقانون نافذ کرنیوالے اداروںپراعتمادبحال کرینگے۔ میڈیا کا معاشرے میں اہم کردار ہے۔ عوام کے مسائل کااحساس ہے۔کرفیومسائل کاحل نہیں۔ڈیرہ اسماعیل خان میں اہل تشیع اور اہلسنت مکاتب فکر میںمکمل ہم آہنگی ہے۔کوئی شہری علاقہ کاامن تباہ نہیںکرناچاہتا۔بیرونی مداخلت کو روکنے کیلئے ہرممکن اقدامات اٹھائے جارہے ہیں۔ان خیالات کا اظہار انہوںنے اپنے دفترمیںڈیرہ پریس کلب (ر)کے ایک وفدسے کیا۔ جسکی قیادت صدررمضان سیماب نے کی جبکہ دیگر ممبران میں محمد اقبال بھٹی’راجہ جہانزیب کیانی’عمران حفیظ خواجکزئی’محمدریحان اورحمیدپیرزادہ شامل تھے۔ وفد سے بات چیت کرتے ہوئے ڈی آئی جی ڈیرہ اعجاز احمد نے کہاکہ پولیس اورعوام کے رویوں میں بہتری لائی جائیگی۔ پولیس عوام کی ہرحالت میںحفاظت کریگی۔محکمہ پولیس میں شعبہ تفتیش انتہائی اہمیت کا حامل ہے۔ پولیس کاکام عوام کوریلیف دیناہے۔ حالات بہتری کی جانب گامزن ہیں۔ڈیرہ کے خارجی وداخلی راستوںپرناکہ بندیاں قائم کی جاچکی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیکورٹی خدشات کے پیش نظریونائیٹڈنیشن (UNO)کے تحت کام کرنیوالی این جی اوزنے یکم ستمبرتک اپنی تمام سرگرمیاںمعطل کردیں
ڈیرہ اسماعیل خان : سیکورٹی خدشات کے پیش نظریونائیٹڈنیشن (UNO)کے تحت کام کرنیوالی این جی اوزنے یکم ستمبرتک اپنی تمام سرگرمیاں معطل کردیں۔ تفصیلات کے مطابق سیکورٹی خدشات اوردہشتگردوں کی طرف سے ملنے والی دھمکیوں کے بعد یونائیٹڈنیشن(یواین او)کے تحت چلنے والی این جی اوزنے یکم ستمبر2013ء تک اپنی تمام سرگرمیاں بندکردی ہیں۔اس سے قبل مختلف این جی اوزمیںکام کرنیوالی خواتین کوملنے والی دھمکیوںکے بعدمقامی پولیس نے بعض این جی اوز کو ہدایات جاری کی ہیںکہ وہ اپنی سرگرمیوں کے حوالے سے متعلقہ تھانوں کو پہلے اطلاع کریں تاکہ کسی قسم کاکوئی ناخوشگوار واقعہ رونمانہ ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
علاقہ کوٹلہ حبیب کارہائشی 38 سالہ احسان اللہ گھرآتے ہوئے پراسرارطورپرلاپتہ ہوگیا
ڈیرہ اسماعیل خان : علاقہ کوٹلہ حبیب کارہائشی 38 سالہ احسان اللہ گھرآتے ہوئے پراسرارطورپرلاپتہ ہوگیا’تھانہ ڈیرہ ٹائون پولیس نے واقعہ کی تفتیش شروع کردی۔ تفصیلات کے مطابق تھانہ ڈیرہ ٹائون کوحنیف اللہ ولدحاجی غلام رسول سکنہ کوٹلہ حبیب نے اطلاع دی ہے کہ میں اور میرے بھائی حاجی عبیداللہ آفریدی کی اراضی کوکاشت کرتے ہیں۔گزشتہ روزاسکابھائی 38سالہ احسان اللہ اپنی موٹرسائیکل ہنڈاFB-9471پرکسی کام کے سلسلے میں باہر نکلا۔ بعد میں شام کے قریب اس نے موبائل کے ذریعے اطلاع دی کہ وہ گھرآرہاہے لیکن وہ رات گئے تک گھر نہیں پہنچا اورلاپتہ ہے۔اس دوران علاقہ کے لوگوںنے بتایاکہ ایک موٹرکاررنگ سلیٹی جس میںتین افرادسوارتھے نے کوٹلہ حبیب میں دیکھے گئے ہیں مجھے اندیشہ ہے کہ شایدان تین افرادنے میرے بھائی کوغائب کیاہے۔ واقعہ کی اطلاع پر تھانہ ڈیرہ ٹائون پولیس نے تفتیش شروع کردی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یبر پختونخواہ فارمیسی کونسل کے زیر اہتمام اور ڈرگ انسپکٹر ٹانک رحمت گل کے زیر نگرانی کٹیگری سی کا امتحان
ڈیرہ اسماعیل خان : خیبرپختونخواہ فارمیسی کونسل کے زیراہتمام اور ڈرگ انسپکٹر ٹانک رحمت گل کے زیر نگرانی کٹیگری سی کا امتحان ایلیمنٹری کالج اندرون فقیرنی گیٹ ڈیرہ میںانتہائی شفاف اورمنظم طریقے سے اختتام پذیرہوگیا۔امتحان میںٹانک ڈیرہ کے علاوہ جنوبی وزیرستان سے تعلق رکھنے والے پانچ سوسے زائدامیدواروں نے حصہ لیا۔امتحان کادورانیہ تین گھنٹے مقرر کیا گیا جوکہ صبح نوبجے سے دوپہربارہ بجے تک جاری رہا۔امتحان کے دوران سیکورٹی کاخاص خیال رکھا گیا۔ اور پولیس کے اہلکارتعینات رہے۔امتحان کے دوران امیدروںکی سہولت کیلئے ٹھنڈے پانی اوربجلی کاخصوصی انتظام کیاگیاتھا۔امتحان کے دوران غیرمتعلقہ افرادکے داخلے پرمکمل پابندی رہی۔امتحان کے دوران دوفارمسٹ انسپکٹرزبھی موجودرہے۔کٹیگری سی کے امتحانی عمل کیلئے ایلیمنٹری کالج اندرون ڈیرہ میںتمام ترانتظامات کاسہرا پاکستان کیمسٹ اینڈڈرگسٹس ایسوسی ایشن کے عہدیدران چیئرمین حاجی محمدرمضان’سینئروائس چیئرمین ڈاکٹرعبدالعزیزشاہد’جنرل سیکرٹری حاجی لطیف الرحمن اورسینئر وائس چیئرمین حاجی لطیف الرحمن کے سرہے۔امیدواروںکی جانب سے امتحان کے کامیاب انعقادپرانہیںخصوصی مبارکبادپیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان بارکونسل کے ممبرسردارثناء اللہ خان گنڈہ پور کے بھانجے قدرت اللہ گنڈہ پورکی ڈپٹی ایڈووکیٹ جنرل بنوں کے عہدے پرتقرری کردی گئی
ڈیرہ اسماعیل خان : پاکستان بارکونسل کے ممبرسردارثناء اللہ خان گنڈہ پور کے بھانجے قدرت اللہ گنڈہ پورکی ڈپٹی ایڈووکیٹ جنرل بنوں کے عہدے پرتقرری کردی گئی۔عوامی تجارتی حلقوںکاقدرت اللہ گنڈہ پور اورسردارثناء اللہ خان گنڈہ پورکومبارکباد۔تفصیلات کے مطابق صوبائی حکومت نے ڈیرہ اسماعیل خان کے ممتازقانون دان وصحافی قدرت اللہ گنڈہ پورایڈووکیٹ کوڈپٹی ایڈووکیٹ جنرل بنوںکے عہدے پرتعینات کرنے کے احکامات جاری کردیئے ہیں۔قدرت اللہ گنڈہ پور ایم اے پولیٹیکل سائنس، ایم اے جرنلزم، بی اے ایل ایل بی ہیں۔قدرت اللہ گنڈہ پورپاکستان بارکونسل کے ممبروسینئرقانون دان سردارثناء اللہ خان گنڈہ پورکے بھانجے ہیں۔عوامی تجارتی حلقوںنے قدرت اللہ گنڈہ پورایڈووکیٹ کی تقرری پرانکواورانکے ماموںسردارثناء اللہ خان گنڈہ پور کومبارکبادپیش کی ہے۔
