بھمبر کی خبریں 27.08.2013
Posted on August 27, 2013 By Geo Urdu سٹی نیوز
اظہر اقبال تھانہ بھمبر جبکہ چوہدری خالق حسین تھانہ برنالہ میں SHOتعینات قبل ازیں دونوں تھانوں میں ایڈیشنل SHO تھے
بھمبر( ڈسٹرکٹ رپورٹر) اظہر اقبال تھانہ بھمبر جبکہ چوہدری خالق حسین تھانہ برنالہ میں SHO تعینات قبل ازیں دونوں تھانوں میں ایڈیشنل SHO تھے تفصیلات کیمطابق ضلع بھمبر کے تھانہ بھمبر اور تھانہ برنالہ میں نئے SHO تعینات اظہر اقبال کو تھانہ سٹی بھمبر میں جبکہ خالق حسین کو تھانہ برنالہ میں SHO تعینات کیا گیا ہے نئے تعینات ہونے والے دونوں SHOنے اپنے اپنے تھانے کا چارج سنبھال کر کام شروع کردیا ہے اس سے قبل دونوں تھانوں میں ایڈیشنل SHO چوہدری محمد اکرم اور عرفان بھٹی تعینات تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ابرار اعظم کاڈپٹی کمشنر راولاکوٹ تعینات ہونا خوش آئند ہے
بھمبر ( ڈسٹرکٹ رپورٹر) چوہدری ابرار اعظم کاڈپٹی کمشنر راولاکوٹ تعینات ہونا خوش آئند ہے انکی تعیناتی سے عوام علاقہ کے مسائل حل ہونگے اور ان کو بھرپور ریلیف ملے گا ان خیالات کا اظہار بھمبرکے معروف سیاسی و سماجی راہنما انتظار سلیم گیٹو نے کیا
انہوںنے کہاکہ چوہدری ابرار اعظم انتہائی باصلاحیت انتظامی آفیسر ہیں موصوف اس سے قبل افواج پاکستان میں اپنی صلاحیتوں کا لوہا منوا چکے ہیں اللہ تعالیٰ نے ان کو بڑی صلاحیتوں سے نوازا ہے بطور انتظامی آفیسر موصوف نے اپنی خداداد صلاحیتوں کو بروئے کار لاتے ہوئے ہمیشہ حکومت، محکمہ اور علاقے کی نیک نامی میں اضافے کا باعث بنے ہیں ڈپٹی کمشنر ترقیاب ہونا اور پونچھ کے اندر تعینات ہونا خوش آئندہے انکی تعیناتی سے ضلع پونچھ کے عوام کے مسائل ہونے کیساتھ ساتھ ان کو بھرپور ریلیف بھی ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم راجہ محمد عارف کونائب تحصیلدار ترقیاب ہونے پر دلی مبارک باد پیش کرتے ہیں
بھمبر(ڈسٹرکٹ رپورٹر) ہم راجہ محمد عارف کو نائب تحصیلدار ترقیاب ہونے پر دلی مبارک باد پیش کرتے ہیں اور اس توقع کا اظہار کرتے ہیں کہ وہ اپنے فرائض منصبی احسن طریقے سے نبھاتے ہوئے علاقہ اور حکومت کی نیک نامی میں اضافہ کا باعث بنیں گے ان خیالات کااظہار راجہ اظہر رحمن کویت، صوبیدار راجہ ناصر رحمن، راجہ افراسیاب رحمان ایڈووکیٹ، راجہ مہتاب رحمن یو اے ای، راجہ عتیق الرحمن اور توقیر رحمن راجہ نے اپنے مبارک بادی پیغام میں کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لائن آف کنٹرول پر بھارت کی بلا اشتعال فائرنگ کسی بھی وقت ایٹمی جنگ کا پیش خیمہ ثابت ہو سکتی ہے
بھمبر( ڈسٹرکٹ رپورٹر) لائن آف کنٹرول پر بھارت کی بلا اشتعال فائرنگ کسی بھی وقت ایٹمی جنگ کا پیش خیمہ ثابت ہو سکتی ہے عالمی ادارے بھارتی جارحیت کا نوٹس لیں ان خیالات کا اظہار پیپلزپارٹی کے راہنما و جنرل سیکرٹری صرافہ یونین بھمبر چوہدری محمد اکرم عرف پپوجٹ نے کیا انہوں نے کہاکہ کنٹرول لائن پر بھارتی افواج کی بڑھتی ہوئی اشتعال انگیز کارروائیاں افواج پاکستان سمیت سول آبادی پر فائرنگ کے ذریعہ انسانوں کا قتل عام کیا جارہا ہے جبکہ دوسری طرف بین الاقوامی امن کے دعویداروں کی خاموشی لمحہ فکریہ ہے جو بھارتی دہشت گردی کو فروغ دینے کا سبب بن رہی ہے انہوں نے کہا کہ آئے روز بھارتی افواج کی ظالمانہ کارروائیوں اور بے گناہ انسانوں کی شہادتوں پر دکھ و افسوس کااظہار کرتے ہوئے عالمی اداروں سے اپیل کی ہے کہ وہ بھارتی جارحیت اور بلا اشتعال فائرنگ کا نوٹس لیں اور پاکستان اور ہندوستان کو ایٹمی جنگ سے بچانے کیلئے اپنا کردار ادا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کے سیاسی وسماجی راہنماؤں سید مدثر حسین بخاری، راجہ عطاء المنعم، چوہدری محمدسجاد پوٹھی
بھمبر( ڈسٹرکٹ رپورٹر) بھمبر کے سیاسی وسماجی راہنماؤں سید مدثر حسین بخاری، راجہ عطاء المنعم، چوہدری محمدسجاد پوٹھی ،چوہدری محمد نواز لکھپور، چوہدری ماجد اقبال، محمد عمران نے مشترکہ بیان میں تاجر راہنما محمد عنصر کی اچانک وفات پر گہرے دکھ و رنج کا اظہار کرتے ہوئے مرحوم کے درجات کی بلندی کیلئے دعائے مغفرت اور پسماندگان کیلئے دعا صبر وجمیل کی ہے۔
