انگلینڈ (جیوڈیسک) چیسٹر لی اسٹریٹ دوسرے ٹی 20 انٹرنیشنل میں انگلینڈ نے آسٹریلیا کو 27 رنز سے شکست دے دی، 2 میچوں کی سیریز ایک ایک سے برابر ہو گئی۔ ریور سائیڈ گراونڈ چیسٹر لی میں کھیلے گئے میچ میں آسٹریلیا نے ٹاس جیت کر فیلڈنگ کا فیصلہ کیا۔ انگلینڈ نے مقررہ 20 اوورز میں 5 وکٹ پر 195 رنز بنائے، میزبان ٹیم کو مائیکل لمب اور الیکس ہیلز نے 111 رنز کا طوفانی اسٹارٹ دیا، مائیکل لمب 43 رنز بناکر آوٹ ہوئے، ہیلز نے 94 رنز کی برق رفتار اننگز کھیلی، لیوک رائٹ نے 30 اور مورگن نے 20 رنز بنائے۔
پاکستانی نژاد آسٹریلوی اسپنر فواد احمدنے 3 و کٹیں حاصل کیں۔آسٹریلوی ٹیم کو 196 رنز کے تعاقب میں شروع سے ہی مشکلات کا سامنا کرنا پڑا اور محض 15 رنز پر اس کے 2 کھلاڑی پویلین لوٹ گئے، ڈیوڈ وارنر 53 رنز بنا کر ٹاپ اسکورر رہے، ان کے آوٹ ہونے کے بعد کوئی بھی آسٹریلوی کھلاڑی جم کر نہ کھیل سکا اور مقررہ اوورز میں آسٹریلوی ٹیم 9 وکٹ پر 168 رنز بنا پائی۔ الیکس ہیلز کو شاندار بیٹنگ پر مین آف دی میچ ایوارڈ دیا گیا۔
سیریز میں کامیابی خوش آئند ہے، شاہد آفریدی
ہاکی ٹیم کی مایوس کن کارکردگی، کراچی میں شائقین کا مظاہرہ
