گجرات کی خبریں 01.09.2013
Posted on September 2, 2013 By Geo Urdu گجرات
موسم گرما کی چھٹیوں اور کالجز میں داخلہ جات کے بعد تمام سرکاری وغیر سرکاری تعلیمی ادارے آج سے معمول کے مطابق کھل گئے
گجرات ( جی پی آئی) موسم گرما کی چھٹیوں اور کالجز میں داخلہ جات کے بعد تمام سرکاری وغیر سرکاری تعلیمی ادارے آج سے معمول کے مطابق کھل گئے ہیں جس کی وجہ سے تعلیمی اداروں میں انتہائی رش دیکھنے کو ملا ہے جبکہ سکولوں اور کالجز میں ایک ساتھ تعلیمی سرگرمیاں شروع ہو نے کی وجہ سے ٹریفک کا نظام بھی بری طرح متاثر ہواہے جس کی وجہ سے تعلیمی اداروں میں جانیوالے طلباء و طالبات کو شدید مشکلات کا سامنا کرنا پڑا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انٹر میڈیٹ کے امتحانی نتائج کا اعلان ناہونے کی وجہ سے بی اے اور بی ایس سی میں داخلہ جات لینے والے طلباء وطالبات کو شدید مشکلات کا سامنا
گجرات ( جی پی آئی) انٹر میڈیٹ کے امتحانی نتائج کا اعلان ناہونے کی وجہ سے بی اے اور بی ایس سی میں داخلہ جات لینے والے طلباء وطالبات کو شدید مشکلات کا سامنا کرنا پڑ رہا ہے کیونکہ ایک جانب بورڈ نے پندرہ ستمبر کے بعد انٹرمیڈیٹ کے نتائج جاری کرنے کا اعلان کیا ہے جبکہ دوسری جانب تقریباً پنجاب بھر کی تمام یونیورسٹیز میں بی اے ،بی ایس سی میں داخلہ جات معمول کے مطابق ہو رہے ہیں اور حتمی فہرستیں 10ستمبر کے بعد آویزاں کئے جانے کا امکان ہے جس کی وجہ سے طلباء وطالبات کو شدید مشکلات کا سامنا ہے اور ان کا ایک تعلیمی سال ضائع ہو سکتا ہے طلباء وطالبات نے حکومت پنجاب سے مطالبہ کیا ہے کہ ہر سال بورڈز کی جانب سے تعلیمی نتائج لیٹ کر دئیے جاتے ہیں اور ہزاروں طلباء وطالبات سرکاری اداروں میں داخلہ جات سے محروم رہ جاتے ہیں لہٰذا بورڈز اور یونیورسٹیز میں شیڈول مرتب کیاجائے اور ایسے عناصر کا سد باب کیاجائے جس کی وجہ سے امتحانی نتائج لیٹ ہوتے ہیں اور طلباء کاتعلیمی سال ضائع ہو جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پرائیویٹ تعلیمی ادارے بھاری ٹیکس ادا کرتے ہیں لہٰذا پرائیویٹ تعلیمی اداروں کو چاہئے کہ وہ اپنے ملازمین اور خصوصاً ٹیچرز کو سوشل سیکورٹی اور EOBIکے محکمہ جات سے رجسٹرڈ کروائیں
گجرات (جی پی آئی ) آل پاکستان فیڈریشن آف یونائٹیڈ ٹریڈ یونینز کے مرکزی جنرل سیکرٹری پیرزادہ امتیاز سید نے کہا ہے کہ پرائیویٹ تعلیمی ادارے بھاری ٹیکس ادا کرتے ہیں لہٰذا پرائیویٹ تعلیمی اداروں کو چاہئے کہ وہ اپنے ملازمین اور خصوصاً ٹیچرز کو سوشل سیکورٹی اور EOBIکے محکمہ جات سے رجسٹرڈ کروائیں تاکہ مستقبل میں شعبہ تعلیم میں خدمات سرانجام دینے والے افراد پنشن اور دیگر مراعات حاصل کر سکیں کیونکہ تعلیمی اداروں کی جانب سے ہر سال حکومت کو ایک خطیر رقم ٹیکس کی مد میں دیناہوتی ہے لیکن افسوس کہ اس کے ٹیکس سے انہی تعلیمی اداروں کے درجنوں ملازمین باشمول ٹیچر حضرات کسی قسم کی مراعات حاصل نہیں کر پاتے لہٰذا پرائیویٹ تعلیمی ادارے سوشل سیکورٹی اور ای او بی آئی کے ساتھ تعاون کریں اور ٹیکس کی مد میں مراعات حاصل کریں بجائے اس کے کہ ایسے محکمہ جات کے کرپٹ افسران کے ہاتھوں بلیک میل ہوں انہوں نے کہا کہ تعلیمی اداروں کا معاشرے میں اہم مقام ہے لہٰذا ہم چاہتے ہیں کہ تمام معاملات احسن طریقہ سے حل ہوں اور جلد ہی پرائیویٹ تعلیمی اداروں کے مالکان سے رابطہ کر کے ان کو اس بات پر قائل کیاجائے گا کہ وہ اپنے ملازمین کو سرکاری مراعات کے حصول کے لئے اپنا کردار ادا کریں ہم ایسے تمام تعلیمی اداروں کے ساتھ ہیں جو کہ ملازمین کے حقوق کے لئے اپنی خدمات دینے کو تیار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی سٹی سرکل سید غلام مصطفی گیلانی آج اپنے عہدے کا چارج سنبھال کر کام شروع کرینگے
گجرات (جی پی آئی) ڈی ایس پی سٹی سرکل سید غلام مصطفی گیلانی آج اپنے عہدے کا چارج سنبھال کر کام شروع کرینگے جبکہ اس سے قبل ڈی ایس پی سٹی سرکل ذوالفقار شاہ کو گوجرانوالہ تبدیل کر دیا گیا ہے سید غلام مصطفی گیلانی اس سے قبل بطور ڈی ایس پی پھالیہ ،جہلم ،گوجرانوالہ،ننکانہ صاحب ،شیخوپورہ اور گجرات میں اپنی ذمہ داریاں ادا کر چکے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری ظہور الٰہی ہائوس کے عقب ایم پی اے حاجی عمران ظفر کی رہائشگاہ کے ساتھ کونے پر واقع ایک بلڈنگ کی چھت سے ننگی اور خطرناک تاریں گزر رہی ہیں
گجرات (جی پی آئی) چوہدری ظہور الٰہی ہائوس کے عقب ایم پی اے حاجی عمران ظفر کی رہائشگاہ کے ساتھ کونے پر واقع ایک بلڈنگ کی چھت سے ننگی اور خطرناک تاریں گزر رہی ہیں ، جس کی وجہ سے کسی وقت بھی کوئی ناخوشگوار واقعہ رونما ہو سکتا ہے، خاص طور پر بارش کے دنوں میں پوری بلڈنگ شارٹ ہو سکتی ہے، واپڈا اہلکاروں نے آنکھیں بند کر رکھی ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رانا مشرف علی ناز کی خدمات ناقابل فراموش ہیں
گجرات (جی پی آئی) رانا مشرف علی ناز کی خدمات ناقابل فراموش ہیں وہ ہمیشہ خدمت خلق کے لئے کوشاں رہتے ہیں ، ان خیالات کا اظہار پاکستان مسلم لیگ ن کے راہنما راجہ محمد نعیم نے اپنی رہائشگاہ پر رانا مشرف ناز کے اعزاز میں دئیے گئے ظہرانے کے دوران کیا انہوں نے کہا کہ رانا مشرف ناز کی خدمات کے اعتراف میں اس پروگرام کا انعقاد کیا گیا ہے، تا کہ مشرف ناز کی خدمات کو سراہا جا سکے ، عمرہ کی سعادت حاصل کرنا باعث برکت ہے، اللہ تعالیٰ ہر مسلمان کو اپنے پیارے حبیب ۖ کے روضہ کی زیارت نصیب فرمائیں اور ہمیں نیک اعمال کرنے کی توفیق عطا فرمائے، اس موقع پر ہر دلعزیز صحافی عامر چوہدری کو خراج تحسین پیش کرتا ہوں جنکی ساری عمر صحافت کے میدان میں خدمت کرتے گزری ہے ، اور وہ آئندہ بھی اسی طرح شعبہ صحافت میں اپنے حکم کے جوہر دکھاتے رہیں گے، رانا مشرف علی ناز نے کہا کہ میں راجہ محمد نعیم کی خدمات کو سراہتا ہوں کہ انہوں نے میرے اعزاز میں اس پر تکلف تقریب کا انعقاد کیا، ہم اللہ تعالیٰ کے فضل و کرم سے دوستوں کا شکر گزار ہیں، کہ ہمارے اعزاز میں اس تقریب کا انعقاد کیا ، انہوںنے کہا کہ خدمت خلق میرا مشن ہے، اور اس مشن پر میں ہمیشہ کار بند رہوں گا، سینئر صحافی عامر چوہدری نے راجہ محمد نعیم اور رانا مشرف علی ناز کے جذبہ خدمت کو سراہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کے راہنما راجہ محمد نعیم نے رانا مشرف علی ناز کے اعزاز میں پر تکلف استقبالیہ دیا
گجرات (جی پی آئی) پاکستان مسلم لیگ ن کے راہنما راجہ محمد نعیم نے رانا مشرف علی ناز کے اعزاز میں پر تکلف استقبالیہ دیا، جس میں سینئر صحافی عامر محمود چوہدری ، ڈاکٹر رزاق احمد غفاری ، رانا نذیر احمد، سیٹھ حسن، راجہ شجاع علی، راجہ اختر محمود، انجم ندیم، چوہدری پرویز و دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں 40 سالہ شخص کو نامعلوم افراد نے فائرنگ کر کے قتل کرنے کے بعد نعش کھیتوں میں پھینک دی
گجرات (جی پی آئی ) ڈنگہ میں 40 سالہ شخص کو نامعلوم افراد نے فائرنگ کر کے قتل کرنے کے بعد نعش کھیتوں میں پھینک دی تھانہ ڈنگہ کے گائوں چھاکورہ کے رہائشی 40 سالہ شخص محمد افضل کو نامعلوم افراد نے فائرنگ کر کے قتل کرنے کے بعد نعش کھیتوں میں پھینک کر فرار ہو گئے پولیس نے تحصیل ہیڈ کوارٹر کھاریاں ہسپتال سے نعش کا پوسٹمارٹم کرانے کے بعد ورثاء کے حوالے کر دی اور نامعلوم افراد کے خلاف مقدمہ درج کر لیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات میں بجلی کی غیر اعلانیہ بندش کا سلسلہ جاری ہے
گجرات (جی پی آئی ) گجرات میں بجلی کی غیر اعلانیہ بندش کا سلسلہ جاری ہے شدید گرمی اور حبس کے باعث بجلی کی طویل ترین غیر اعلانیہ لوڈشیڈنگ کا سلسلہ جاری ہے جس سے شہریوں کو شدید مشکلات کا سامنا ہے طویل لوڈشیڈنگ سے لوگوں کے کاروبار متاثر ہونے سے بیروزگاری میں بھی اضافہ ہو چکا ہے فیکٹریوں اور کارخانوں کی بندش سے سینکڑوں مزدور بیروزگار ہو چکے ہیں اور بیروزگار ہونے کی وجہ سے مزدوروں کے گھروں کے چولہے بھی ٹھنڈے پڑ چکے ہیں شہریوں نے وفاقی حکومت سے انتخابی وعدوں کے مطابق بجلی کی لوڈشیڈنگ ختم کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کرامت اللہ نے ہمیشہ مثبت صحافت کیلئے اپنی خدمات سرانجام دیں
گجرات (جی پی آئی ) نوجوان صحافی اور معروف کالم نگار شاہ رخ ملک نے سینئر صحافی کرامت اللہ کی اچانک وفات پر گہرے دکھ اور افسوس کا اظہار کرتے ہوئے کہا ہے کہ کرامت اللہ نے ہمیشہ مثبت صحافت کیلئے اپنی خدمات سرانجام دیں اور زرد صحافت کے خاتمہ کیلئے ہمیشہ لڑتے رہے ان کی وفات سے گجرات کے صحافی ایک مخلص اور اچھے صحافی سے محروم ہو گئے ہیں دعا ہے کہ اللہ تعالیٰ انہیں جنت الفردوس میں جگہ اور لواحقین کو صبر جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایس ایچ او تھانہ لاری اڈہ راجہ فخر بشیر کا پکار ٹی وی آفس کا دورہ چیف ایڈیٹر اور مینجنگ ایڈیٹر سے ملاقات
گجرات(جی پی آئی) ایس ایچ او تھانہ لاری اڈہ راجہ فخر بشیر کا پکار ٹی وی آفس کا دورہ چیف ایڈیٹر اور مینجنگ ایڈیٹر سے ملاقات گذشتہ روز ایس ایچ او تھانہ لاری اڈا گجرات راجہ فخر بشیر نے پکار ٹی وی کے مرکزی آفس (چاہ ترہنگ)آفس کا دورہ کیا اس موقع پر چیف ایڈیٹر پکار ٹی وی آکاش نیازی اور مینجنگ ایڈیٹر چوہدری عمر گجر موجود تھے ایس ایچ او تھانہ لاری اڈا راجہ فخر بشیر نے پکار ٹی وی ٹیم سے خصوصی طور پر گفتگو کرتے ہوئے بتایا کہ ان کی بہترین کارکردگی پر عنقریب انہیں ڈی ایس پی کے عہدہ پر ترقی دی جارہی ہے وہ 1998میں محکمہ پولیس میں ڈائریکٹ مقابلہ کا امتحان پاس کر کے بھرتی ہوئے اور پنجاب کے کئی اضلاع میں ایس ایچ او تعینات رہ چکے ہیں کئی ڈی پی اوز کے ساتھ انہوں نے بطور پرسنل سٹاف آفیسر (PSO)کا م کیا ہے انسپکٹر راجہ فخر بشیر نے بتایا کہ تھانہ لاری اڈا میں تعیناتی کے بعد بھتہ خوروں کیخلاف گرینڈ آپریشن کیا گیا ہے لاری اڈا سمیت کئی علاقوں کو جگا وصول کرنے والوں کو گرفتار کیا گیا ہے انہوں نے کہا کہ ڈی پی او گجرات سید علی ناصر رضوی کی قیادت میں دن رات جرائم کے خاتمہ کیلئے کام کر رہے ہیں ڈی ایس پی سٹی سید مصطفی گیلانی کی سربراہی میں سٹی گجرات کو کرائم فری اسٹیٹ بنا دینگے۔
