کراچی (جیوڈیسک) شہر میں پیر کو بھی مختلف علاقوں میں فائرنگ کر کے سب انسپکٹر سمیت 5 افراد کو قتل کر دیا گیا۔ بلدیہ ٹاون 4 نمبر میں فائرنگ کر کے ایک شخص کو قتل کر دیا گیا۔ بنارس پل کے قریب نامعلوم افراد نے فائرنگ کر کے پیر آباد تھانے کے سب انسپکٹر کو قتل کردیا۔
پولیس کے مطابق سب انسپکٹر سادہ لباس میں تھا اور ڈیوٹی ختم کر کے گھر جارہا تھا۔ اورنگی ٹاون سیکٹر 11 میں اہلسنت و الجماعت کے ہمدرد کو گھر کے باہر فائرنگ کر کے قتل کردیا گیا جب کہ اسی علاقے میں ایک اور واقعے میں بھی ایک شخص ہلاک ہوا۔ منگھو پیر میں گرم چشمہ کے قریب بھی فائرنگ کرکے ایک شخص کو قتل کردیا گیا۔
متحدہ کا کراچی میں فوج بلانے کا مطالبہ درست نہیں، یوسف تالپور
کراچی میں 8 ماہ میں 2084 افراد قتل: 4 سو سے زائد ٹارگٹ کلنگ کا شکار
