بلوچستان نیشنل پارٹی کے مرکزی صدر سردار اختر مینگل کا کہنا ہے کہ حکومتیں تبدیل ہونے سے بلوچستان کے حالات ٹھیک نہیں ہو سکتے۔ کوئٹہ میں پریس کانفرنس کرتے ہوئے سردار اختر مینگل کا کہنا تھا کہ نئی حکومت کے باوجود تبدیلی نظر نہیں آرہی۔ صوبے میں حالات خراب سے خراب تر ہوتے جارہے ہیں۔ ان کا کہنا تھا کہ مینگل ہاوس پر دستی بم حملہ بزدلانہ اقدام تھا۔ جس کے خلاف صوبے بھر میں احتجاج کیا جائے گا۔
سردار اختر مینگل کا کہنا تھا کہ نئی حکومت سے بلوچ عوام کو بہت سی توقعات وابستہ تھیں۔ بلوچستان کی وسیع تر مفاد میں انتخابات میں حصہ لیا لیکن بی این پی کی جیت کو ہار میں تبدیل کردیا گیا۔ سردار اختر مینگل نے بلوچستان نیشنل پارٹی کی ازسرنو تنظیم سازی کیلئے آرگنائزنگ کمیٹی تشکیل دینے کا بھی اعلان کیا۔
ملک بھر میں لوڈ شیڈنگ کا دورانیہ کم نہ ہو سکا
فنکشنل لیگ اور تحریک انصاف کاخصوصی اجلاس میں شرکت سے انکار
