اسلام آباد (جیوڈیسک) انسداد دہشت گردی کی عدالت نے اسلام آباد واقعے کی ملزم کنول کی درخواست ضمانت پر فیصلہ محفوظ کر لیا۔ اسلام آباد میں انسداد دہشت گردی کی عدالت کے جج عتیق الرحمان نے درخواست ضمانت کی سماعت کی۔پولیس نے واقعے کی ویڈیو رپورٹ عدالت میں پیش کی۔
ویڈیو یو ایس بی کے ذریعے عدالت میں دکھائی گئی۔پبلک پراسیکیوٹر نے استدعا کی کہ ملزمہ کی درخواست ضمانت منظور نہ کی جائے جبکہ کنول کی وکیل کلثوم خالق نے عدالت میں دلائل دیتے ہوئے کہا کہ ملزمہ بے گناہ ہے اس نے کبھی اسلحہ نہیں اٹھایا۔ بعدازاں عدالت نے درخواست ضمانت پر فیصلہ محفوظ کرلیا جو دوپہرایک بجے سنائے جانے کا امکان ہے۔
بنوں : بم نصب کرنیوالوں پر عوام کی فائرنگ، ایک ہلاک، دوسرا گرفتار
لاہور اور نوابشاہ میں بس حادثات، بچی جاں بحق، 25 افراد زخمی
