نیویارک (جیوڈیسک) ٹاپ سیڈ نوواک جوکووچ یو ایس اوپن ٹینس ٹورنامنٹ کے سیمی فائنل میں پہنچ گئے۔ دفاعی چمپئن اینڈی مرے اپ سیٹ شکست کے بعد ایونٹ سے باہر ہوگئے۔
نیویارک میں جاری ایونٹ کے کوارٹر فائنل میں برطانوی ٹینس اسٹار اینڈی مرے سوئٹزرلینڈ کے اسٹینیس لیس واورینکا کا سامنا کر رہے تھے، سوئس کھلاڑی کے اسٹروکس کے سامنے دفاعی چمپئن بے بس نظر آئے، ہالی ووڈ اداکار شون کونری کی موجودگی بھی انہیں متحرک نہ کرسکی، واورینکا نے یہ میچ چھ چار، چھ تین اور چھ دو سے جیت کر سیمی فائنل میں جگہ بنالی۔
دوسرے کوارٹر فائنل میں سابق چمپئن نواک جوکووچ نے روس کے میخائل یوزنی کو سخت مقابلے کے بعد چار سیٹس میں شکست دے کر کامیابی حاصل کی، ان کی جیت کا اسکور چھ تین، چھ دو، تین چھ اور چھ صفر رہا۔
انٹرنیشنل اولمپک کمیٹی : بھارت کی رکنیت کی معطلی کا فیصلہ برقرار
عمر اکمل مکمل صحت یاب ہیں، کسی مرض میں مبتلا نہیں، پی سی بی
