پیرمحل کی خبریں 5.09.2013
Posted on September 6, 2013 By Geo Urdu سٹی نیوز
تھانہ پیرمحل پولیس کا ترقی پانے کا نیا فارمورلا یا کارکردگی ظاہر کرنے کی کوشش
پیرمحل ( نامہ نگار ) تھانہ پیرمحل پولیس کا ترقی پانے کا نیا فارمورلا یا کارکردگی ظاہر کرنے کی کوشش مقدمات کا ٹارگٹ پورا کرنے کے لیے پرانے شراب کے مقدمات میں ملوث افراد کے خلاف نئے مقدمات درج تفصیل کے مطابق تھانہ پیرمحل میں تعینات تھانیداروں نے رواں سال مقدمات کی کمی کو پورا کرنے سمیت ترقی کے لے اپنی کارکردگی ظاہر کرنے کے لیے پرانے شراب کے مقدمات میں ملوث افراد کو دوبارہ ڈھونڈ ڈھونڈکر مقدمات درج کرنے شروع کردیے جس سے شراب سے توبہ تائب ہونے والے افراد اپنے خلاف نئے سرے سے درج مقدمات دیکھ کر حیران رہ گئے متاثرین نے بتایاکہ ہم نے توبہ کرلی مگراس کے باوجود کارکردگی ظاہر کرنے کے لیے ہمارے خلاف پرانے مقدمات کو بنیاد بناکر نئے سرے سے کیس درج کرنا سخت زیادتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
درجنوں دیہات کی واحد گذرگاہ پیرمحل بھسی روڈ محکمہ ہائی وے کے ڈسٹرکٹ آفیسر کی نااہلی
پیرمحل ( نامہ نگا ر) درجنوں دیہات کی واحد گذرگاہ پیرمحل بھسی روڈ محکمہ ہائی وے کے ڈسٹرکٹ آفیسر کی نااہلی کی نذر روزانہ آنے جانے والے ہزاروں مکین مسائل کا شکارآئے روز حادثات کے باعث درجنوں طالب علم، بچے بوڑھے خواتین زخمی تفصیل کے مطابق پیرمحل تا بھسی روڈ جو کہ درجنوں دیہات کو آنے جانے کی گذر گاہ ہے جہاں سے روزانہ ہزاروں افراد جن میں طالب علم ،بچے بوڑھے خواتین کام کاج کے لیے پیرمحل شہر آتے جاتے ہیں عرصہ دراز سے سڑک کی تعمیر مرمت نہ ہونے اور سڑک کی دیکھ بھال کے لیے تعینات بیلدار اوورسیئر اور روڈ انسپکٹر کے گھریلو کام میں مصروف ہونے کے باعث سڑک کے دونوں اطراف چار چار فٹ گہرے گڑھے آئے روز حادثات کا باعث بن رہے ہیں ضلعی آفیسر ہائی وے کے پاس سڑک کی تعمیر مرمت کے لیے خطیر فنڈ موجود ہے مگر عرصہ دراز سے سڑک کی ٹوٹ پھوٹ پر میٹریل موجود ہونے کے باوجود کام نہ کروایا جاسکا جس کے باعث درجنوں افراد زخمی ہوکر اپاہج پن کا شکار ہوچکے ہیں باباعبدالغفور معروف سیاسی کارکن نے ڈی سی اوٹوبہ ٹیک سنگھ سے ضلعی آفیسر ہائی وے اور مجاز اتھارٹی کے خلاف کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
انتظامیہ کی عدم توجہی گرلز سکول و کالج کی چھٹی کے وقت طالبات آوار ہ اور اوباش منچلوں کے رحم وکرم
پیرمحل ( نامہ نگا ر) انتظامیہ کی عدم توجہی گرلز سکول و کالج کی چھٹی کے وقت طالبات آوارہ اور اوباش منچلوں کے رحم وکرم پر طالبات سے سر عام چھیڑ خانی سمیت فحش کلمات کے باعث طالبات کا سکول و کالج آنا جانا محال چوکی پولیس پیرمحل ملازمین تعینات کرے طالبات اور والدین تفصیل کے مطابق گورنمنٹ ہائر سیکنڈری سکول پیرمحل اور ڈگری کالج برائے خواتین میں روزانہ ہزاروں طالبات تعلیم حاصل کرنے کے لیے آتی او رجاتی ہے گرلز سکول وکالج کے اردگر دنجی بوائے کالج موجود ہے علاوہ ازیں چھٹی کے وقت درجنوں منچلے ون ویلر ایی ایک موٹرسائیکل پر چار چار سوار سکول کالج آنے جانے والی لڑکیوں کا تعاقب کرکے فحش جملوں کے ذریعے انہیں سخت پریشان کیے ہوئے ہیں تھانہ پیرمحل پولیس نے چھٹی کے وقت پولیس ملازمین کی ڈیوٹیاں لگائیں تھی مگر یہ سلسلہ ایک ماہ سے زائد نہ چل سکا جس سے آوارہ مزا ج لوگ اپنی کاروائیاں بند کرنے پر مجبور ہوگئے تھے مگر انتظامیہ کی عدم توجہی کے باعث دوبارہ منچلوںنے طالبات کی زندگی اجیرن کردی طالبات ا وروالدین نے ڈی پی اوٹوبہ ٹیک سنگھ سے مطالبہ کیا ہے کہ سکو ل کالج کے اوقات میں پولیس ملازمین کی ڈیوٹیاں لگائی جائیں۔
