گجرات کی خبریں 8.09.2013
Posted on September 9, 2013 By Geo Urdu گجرات
پاکستان مسلم لیگ کے راہنما چوہدری شافع حسین نے موضع جسوکی میں سید فضیلت شاہ عرف پھول و دیگر 6 افراد کی ہلاکت پر اظہار
گجرات (جی پی آئی) پاکستان مسلم لیگ کے راہنما چوہدری شافع حسین نے موضع جسوکی میں سید فضیلت شاہ عرف پھول و دیگر 6افراد کی ہلاکت پر اظہار افسوس کرتے ہوئے کہا کہ مقتولیت خاندانوں کے غم میں برابر کے شریک ہیں اور دعا کرتے ہیں کہ اللہ تعالیٰ مرحومین کو جوارِ رحمت عطا فرمائے اور پسماندگان کو صبر جمیل عطا فرمائے ، چوہدری شافع حسین نے کہا کہ قانون نافذ کرنے والے ادارے مقتول خاندانوں کو انصاف فراہم کرنے کے تمام تقاضے پورے کرے اور قاتلوں کو جلد از جلد گرفتار کیا جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ ضلع گجرات کے وفد نے صدر علی ابرار جوڑا کی قیادت میں پیس میں یوم دفاع کے سلسلہ میں منعقد ہونے والے پروگرام میں شرکت کی۔
گجرات (جی پی آئی) سٹیزن فرنٹ ضلع گجرات کے وفد نے صدر علی ابرار جوڑا کی قیادت میں پیس میں یوم دفاع کے سلسلہ میں منعقد ہونے والے پروگرام میں شرکت کی، و فد میں شیخ عرفان پرویز، خاور بشیر بٹ، ایم وائی ناصر، ڈاکٹر رزاق احمد غفاری، چوہدری شاہد، شیخ ریحان عرفان و دیگر شامل تھے، انہوں نے اس شاندار پروگرام میں ملک کی معروف گلوکارہ ترنم ناز کی طرف سے ملی نغمات اور گجرات کے مقامی فنکاروں کی پرفارمنس کو بے حد سراہا، اس موقع پر ممتاز شخصیات کی کثیر تعداد موجود تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خاور بشیر بٹ گولڑوی نے یوم دفاع پاکستان کے موقع پر پیس میں ہونے والے پراگرام میں شرکت کی
گجرات (جی پی آئی) خاور بشیر بٹ گولڑوی نے یوم دفاع پاکستان کے موقع پر پیس میں ہونے والے پراگرام میں شرکت کی، اور کہا کہ زندہ قومیں اپنے اسلاف کی قربانیوں کو فراموش نہیں کرتیں، اور آج جس طرح فراز ملک اور پیس انتظامیہ نے اس شاندار تقریب کا انعقاد کیا ہے، اس کی مثال نہیں ملتی اور گجراتیوں نے اس پروگرام میں شرکت کر کے وطن سے محبت کا ثبوت دیا ہے، ہم فراز ملک اور ان کی پوری ٹیم کو خراج تحسین پیش کرتے ہیں، اور ہم انہیں بھرپور تعاون کی یقین دہانی کرواتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گلوبل پریس انٹرنیشنل (GPI)کے مرکزی آفس میں ماہانہ محفل گیارہویں شریف کا انعقاد کیا گیا
گجرات (جی پی آئی) گلوبل پریس انٹرنیشنل (GPI)کے مرکزی آفس میں ماہانہ محفل گیارہویں شریف کا انعقاد کیا گیا، نقابت کے فرائض عالمی نقیب محفل خاور بشیر بٹ گولڑوی نے سرانجام دئیے، تلاوت کلام پاک کا شرف مہر مشتاق احمد نے حاصل کیا، جبکہ ممتاز ثناء خوانِ رسول ۖمظہر عزیز قادری نے ہدیہ نعت پیش کیا، تلاوت، نعت و ختم شریف کے بعد صاحبزادہ پیر سید جماعت علی شاہ نے خصوصی دعا کروائی، اس موقع پر پنجاب نعت کونسل کے صدر شیخ عرفان پرویز، جنرل سیکرٹری عامر چوہدری، وحدت اسلامیہ کے آرگنائزر محمد عمران شاہد القادری، سٹوڈنٹ لیڈر سہیل مظہر بٹ، مہر نوید اختر، سمیع اللہ غفاری، میاں مخدوم، غلام مرتضیٰ غفاری، شہباز غفاری، سادات غفاری، محمد آفتاب غفاری، محمد اعجاز غفاری و دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحریک انصاف کے راہنما مہر شہباز فاضل نے کہا ہے کہ پاکستان کو صرف عمران خان ہی بچا سکتا ہے
گجرات (جی پی آئی) تحریک انصاف کے راہنما مہر شہباز فاضل نے کہا ہے کہ پاکستان کو صرف عمران خان ہی بچا سکتا ہے کیونکہ وہ عوام کے دکھ درد سے واقف ہے اور ان کے مفادات کا تحفظ کر سکتے ہیں، عمران خان واحد لیڈر ہیں جو ملک و قوم سے مخلص ہیں، اور غریب عوام کے بارے میں سوچتے ہیں، انہوںنے کہا کہ موجودہ حکمرانوں کی طرف سے روز بروز پٹرولیم مصنوعات، بجلی، گیس کی قیمتوں میں اضافہ کر کے ثابت کر دیا ہے کہ وہ مکمل طو رپر ناکام ہو چکے ہیں، ملک میں بیروزگاری سے تنگ آکر غریب عوام خود کشیاں کرنے پر مجبور ہو چکے ہیں۔
سٹیزن فرنٹ ضلع گجرات کا وفد میجر عزیز شھید کی رھاہشگاہ پر کھڑا ھے
گجرات : دی فرینڈ لائن کلب کے ممبران میجر عزیز بھٹی شھید کے مزار پر پھول رکھا رھے ھیں
