ڈنگہ کی خبریں 8.09.2013
Posted on September 9, 2013 By Geo Urdu سٹی نیوز
ڈنگہ : مہر محمد یونس صاحب کو پاکستان مسلم لیگ ن یوتھ ونگ یونان کا نائب صدر بننے پر مبارکباد پیش کرتے ہیں، عبدالرزاق ڈار، چوہدری عامر مہر
ڈنگہ (محمد بلال احمد بٹ) مہر محمد یونس صاحب کو پاکستان مسلم لیگ ن یوتھ ونگ یونان کا نائب صدر بننے پر مبارکباد پیش کرتے ہیں اور امید کرتے ہیں کہ وہ پاکستان مسلم لیگ ن یوتھ ونگ یونان کی پالیسی کو مد نظر رکھتے ہوئے تارکیں وطن کی خدمات سر انجام دیں گے اور ان کے مسائل کو حل کرنے کیلئے ممکنہ کوشش کریں گے ان خیالات کا اظہار عبدالرزاق ڈار سیکرٹری اطلاعات و نشریات پاکستان مسلم لیگ ن یوتھ ونگ یورپ اور چوہدری عامر مہر سیکرٹری اطلاعات و نشریات پاکستان مسلم لیگ ن یوتھ ونگ یونان نے کیا انہوں نے کہا کہ اللہ تعالیٰ سے دعا ہے کہ مسلم لیگ کے کارکنوں کے اسی طرح عوام کی خدمت کرنے کی صلاحیت بخشتی رہے آمین۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : معاشرہ میں اپنے آپ کو زندہ رکھنے کیلئے تعلیم ایک لازمی جزو ہے، چوہدری محمد اسلم وسن
ڈنگہ (محمد بلال احمد بٹ) مرکزی راہنما آل پاکستان مسلم لیگ، معروف بزنس مین چوہدری محمد اسلم وسن نے اپنے بیان میںکہا ہے کہ تعلیم کے بغیر کوئی بھی ملک ترقی نہیں کرسکتا، معاشرہ میں اپنے آپ کو زندہ رکھنے کیلئے تعلیم ایک لازمی جزو ہے۔ انہوں نے کہا کہ کوئی بھی معاشرہ اُ سوقت تک صحیح معنوں میں ترقی نہیں کرسکتا جب تک اُس کی عوام تعلیم یافتہ نہ ہو۔ دین اسلام میں بھی تعلیم پر خصوصی توجہ دئیے جانے کی سختی سے ہدایت کی گئی ہے۔ خود نبی اکرمۖ نے فرمایا کہ ”تعلیم حاصل کرو چاہے تمہیں چین ہی کیوں نہ جانا پڑے” چوہدری اسلم وسن نے محمد بلال احمد بٹ سے ٹیلیفون پر گفتگو کرتے ہوئے کہا کہ نے کہا کہ ہمیں چاہیے کہ آج کے دِن یہ عہد کریں کہ اپنے بچوں کو تعلیم دلوانے کیلئے ہر ممکن اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پاکستان سے ایک لاکھ 43 ہزار 368 عازمین حج 9 اکتوبر 2013 تک حجاز مقدس پہنچیں گے
ڈنگہ (محمد بلال احمد بٹ) پی آئی اے کا جمبو جیٹ 500 عازمین حج کو لیکر 9 ستمبر کو 9 بجے جدہ پہنچے گا۔ آئندہ حج (وقوف عرفات) 12، 13 اکتوبر کو ہوگا۔ پاکستان سے ایک لاکھ 43 ہزار 368 عازمین حج پر 9 اکتوبر 2013 تک حجاز مقدس پہنچیں گے۔ پی آئی اے کی پہلی حج پرواز کا جدہ میں استقبال سیکرٹری مذہبی امور شاہد خان سفیر پاکستان محمد نعیم خان، قونصل جنرل آفتاب احمد، ڈائریکٹر جنرل حج سید احمد ابو عاکف اور سعودی وزارت حج کے عہدیدار کریں گے۔ پاکستان سے گورنمنٹ سکیم کے تحت 85696 عازمین اور نجی ٹور آپریٹرز کے ذریعے 57 ہزار 672 عازمین حج کریں گے۔ گورنمنٹ حج سکیم کے تحت عازمین حج کو تین کیٹگریوں میں تقسیم کیا گیا۔ پہلی بلیو کیٹگری کی 2870 رہائش گاہیں حرم شریف سے صرف 900 میٹر فاصلے پر عمارتیں لی گئی ہیں۔ گرین کیٹگری کے 6858 عازمین کیلئے حرم شریف سے دو کلومیٹر کے اندر رہائش گاہیں حج ڈائریکٹریٹ نے لی ہیں جبکہ کیٹگری وائٹ کے 75968 عازمین کیلئے حرم سے 8 کلومیٹر قطر تک کے علاقے میں عمارتیں لے لی گئی ہیں۔ گرین اور وائٹ کیٹگری کے عازمین اپنی دور دراز کی عمارت سے مفت فراہم کی گئی بسوں کے ذریعے پنجگانہ نماز ادا کرنے حرم آ جا سکیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ملک بھر کے 43 کنٹونمنٹ ایریا میں بلدیاتی انتخابات اکتوبر کے آخر تک متوقع ہیں
ڈنگہ (محمد بلال احمد بٹ) ملک بھر کے 43 کنٹونمنٹ ایریا میں بلدیاتی انتخابات اکتوبر کے آخر تک متوقع ہیں۔ ان انتخابات کیلئے کاغذات نامزدگی کا مسودہ تیار ہوگیا جس کی منظوری کے بعد ان فارمز کی چھپائی کاکام شروع کیا جائیگا۔ راولپنڈی کے کنٹونمنٹ ایریا میں 15 سال کے بعد ہونیوالے انتخابات میں حصہ لینے والوں نے انتخابی اور تشہیری مہم شروع کررکھی ہے۔
