جہلم (جیوڈیسک) جہلم میں بس اور ٹرک میں تصادم کے نتیجے میں تین خواتین سمیت آٹھ افراد جاں بحق اور دس زخمی ہوگئے۔ ریسکیو ذرائع کے مطابق جی ٹی روڈ لاہور سے راول پنڈی جانیوالی بس ڈومیلی کے مقام پر ٹرک سے ٹکرا گئی۔ حادثے میں تین خواتین سمیت آٹھ افراد موقع پر ہی جاں بحق جبکہ دس زخمی ہوگئے۔
لاشوں اور زخمیوں کو بس کاٹ کر نکالا گیا۔مسافروں کا کہنا ہے کہ حادثہ ڈرائیور کی غفلت کی وجہ سے پیش آیا۔ واقعے میں زخمی ہونیوالے افرادکو تحصیل اسپتال دینہ اور سوہاوا جبکہ بعض کو تشویش ناک حالت میں ڈسٹرکٹ ہیڈ کوارٹر اسپتال منتقل کر دیا گیا ہے۔
چنیوٹ: وین اور ٹرک میں ٹکر، گیس سلنڈر پھٹنے سے 12 افراد جاں بحق
کراچی : ایک ہی خاندان کے پانچ افراد کو قتل کرنے والے کو سزائے موت
