سندھ (جیوڈیسک) وزیراعلی سندھ سید قائم علی شاہ کی سربراہی میں کراچی آپریشن سے متعلق بنائے جانیوالی کمیٹی کا اجلاس کل ہو رہا ہے جس میں کراچی آپریشن میں ہونیوالی پیش رفت اور آئندہ کی حکمت عملی پر غور کیا جائے گا۔
وزیراعلی سندھ کی صدارت میں ہونے والے اجلاس میں کمیٹی کے ارکان چیف سیکریٹری سندھ، ایڈیشنل چیف سیکریٹری سندھ، آئی جی، ڈی جی رینجرز اور دیگر شریک ہوں گے۔ وزیر اعلی سندھ سید قائم علی شاہ جو کہ کمیٹی کے سربراہ ہوں گے اجلاس کی صدارت کریں گے اور امکان ہے کہ اجلاس کراچی آپریشن کو مزید وسیع کرنے کی منظوری دیں۔
وزیراعلی سندھ کو اب تک آپریشن میں ہونے والی پیش رفت سے بھی آگاہ کیا جائے گا ،کتنی گرفتاریاں رینجرز اور پولیس نے کی ہے اور ان سے کتنے لوگ جرائم پیشہ ہیں۔
کراچی : پولیس کا چھاپہ، فروخت کیلئے لائے گئے 4 راکٹ لانچر برآمد
راجن پور: بااثر افراد کا محنت کش کے گھر پر دھاوا، خاتون پر تشدد
