نیویارک (جیوڈیسک) اقوام متحدہ کے مطابق شام میں تمام فریقین جنگی جرائم اور انسانیت کے خلاف جرائم کے مرتکب ہیں۔ شام میں انسانی حقوق سے متعلق اقوام متحدہ کی تازہ ترین رپورٹ 15 مئی سے 15 جولائی تک کے واقعات پر مبنی ہے۔ رپورٹ کے مطابق شام کی فورسز نے باغیوں سے کئی علاقوں کا کنٹرول حاصل کرنے کے لیے ھسپتالوں پر بم برسائے۔ شہریوں کے قتل عام کے علاوہ فورسز کئی جنگی جرائم میں بھی ملوث ہیں۔
حکومتی فورسز کے علاوہ باغی گروہ اور غیرملکی جنگجو بھی قتل، اغوا، شہری علاقوں میں شیلنگ اور دوسرے کئی جنگی جرائم میں ملوث ہیں۔ رپورٹ کے مطابق تمام فریق عالمی قوانین کی خلاف ورزی کر رہے ہیں۔ رپورٹ میں کہا گیا ہے کہ شامی حکومت پر کیمیائی ہتھیاروں کے استعمال اب تک ثابت نہیں ہوا ہے۔
ٹیکساس سینڈی ڈیوس کے گورنر بننے کا منتظر ہے، مارک ویسی
شام پر حملہ، کانگریس کی رائے شماری ملتوی
