لالہ موسی کی خبریں 12.09.2013
Posted on September 13, 2013 By Geo Urdu سٹی نیوز
لالہ موسیٰ : لالہ مشتاق احمد بھٹہ کی بھتیجی کا ختم دسواں کل ہو گا
لالہ موسیٰ (محمد بلال احمد بٹ) لالہ مشتاق احمد بھٹہ کی بھتیجی کا ختم دسواں کل ہو گا۔ پاکستان تحریک انصاف لالہ موسیٰ کے راہنما غلام عباس بھٹہ کی تایا زاد بہن، محمد رمضان مرحوم کی بیٹی اور مشتاق احمد بھٹہ کی بھتیجی جو کہ گزشتہ ہفتے رضائے الٰہی سے وفات پاگئیں تھیں انکے ایصال ثواب کیلئے قرآن خانی اور ختم دسواںکل مورخہ 14 ستمبر بروز ہفتہ دن 11 بجے لالہ مشتاق احمد بھٹہ کی رہائش گاہ محلہ قصبہ گلی صدیق ٹوپہ والی میں ہو گا۔ تمام دوست احباب سے ختم دسواں میں شرکت کی اپیل ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: گورنمنٹ کالج فار ایلیمنٹری ٹیچرز خواتین لالہ موسیٰ، مردانہ کالج میں منتقل کرنے کا فیصلہ وزیراعلیٰ پنجاب کا غلط فیصلہ ہے، ملک ناصر علی سابق امیدوار صوبائی اسمبلی حلقہ پی پی 112
لالہ موسیٰ(محمد بلال احمد بٹ) صدر عوامی شہری اتحاد لالہ موسیٰ کے صدر ملک ناصر علی سابق امیدوار صوبائی اسمبلی حلقہ پی پی 112 نے اپنے بیان میں کہا ہے گورنمنٹ کالج فار ایلیمنٹری ٹیچرز خواتین لالہ موسیٰ،مردانہ کالج میں منتقل کرنے کا فیصلہ وزیراعلیٰ پنجاب کا غلط فیصلہ ہے، اس فیصلے کی پر زور مذمت کرتے ہیں اور وزیراعلیٰ پنجاب میاں شہباز شریف فوری طور پر ضم کرنے کے فیصلے کو واپس لیں، ایسے اقدامات علم دوستی نہیں علم دشنی پر مبنی ہیں کیونکہ اس سے وہاں کا ماحول خراب ہو گا، اس سے بے حیائی اور برائیاں جنم لیں گی اگر اس فیصلے کو واپس نہ لیا گیا تو عوامی شہری اتحاد لالہ موسیٰ بھر پور احتجاج کرے گی، اس قدیم درسگاہ کے ساتھ ایسا سلوک ہر گزبرداشت نہیں کریں گے ہم لالہ موسیٰ کے پر امن باکردار شہری ہیں اس اقدام سے پردہ کا تقدس پامال ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : چیئر مین سہراب آف باغانوالہ کی ہمشیرہ کی وفات پر ممتاز شخصیات کا دلی اظہار افسوس
لالہ موسی ٰ(محمد بلال احمد بٹ) چیئر مین سہراب آف باغانوالہ کی ہمشیرہ کی وفات پر ممتاز شخصیات کا دلی اظہار افسوس، اظہار افسوس کرنے والوں میں سینئر صحافی خالد مجید بٹ، چیف ایڈیٹر ڈیلی جلا وطن ڈاٹ کام محمد بلال احمد بٹ، سابق امیدوار صوبائی اسمبلی ملک ناصر علی،چوہدری ارشد شاہ جہانیاں، ملک علی، ملک سراج اشرفی، شیخ محمد اسلم،ملک شوکت علی، شیخ تقی و دیگر نے اس موقع پر اپنے مشترکہ جاری تعزیتی بیان میں کہا کہ غم اور رنج کی ان گھڑیوں میں ہم چوہدری سہراب کے دکھ میں برابر کے شریک ہیں اور دعا کی ہے کہ اللہ تعالیٰ مرحومہ کو جنت الفردوس میں جگہ عطا فرمائیں اور لواحقین کو صبروجمیل عطا فرمائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: محکمہ صحت کی غفلت سے شہر میںآوارہ اور خارش زدہ کتوں کی بھر مار
لالہ موسی ٰ(محمد بلال احمد بٹ) محکمہ صحت کی غفلت سے شہر میں آوارہ اور خارش زدہ کتوں کی بھر مار، مین بازار، حاجی اصغر پارک، حاجی اصغر اسٹیڈیم، بلدیہ دفتر، چلڈرن پارک، بہاری کالونی سمیت مختلف مقامات پر ایسے کتے پھرتے دکھائی دیتے ہیں جن کے زخموں پو کیڑے پڑے ہوتے ہیں ایسے کتوں کو جو بائولے ہوں انہیں تلف کرنا محکمہ صحت کی ذمہ داری ہے مگر عرصہ دراز سے اس جانب کوئی توجہ نہیں دی گئی، دوسری جانب اکثر ہسپتالوں میں کتے کے کاٹنے کی ویکسئین بھی موجود نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ : اسٹیٹ لائف انشورنش کارپوریشن آف پاکستان ایریا 2359 کی ماہانہ میٹنگ زیر صدارت ایریا مینجر الیاس مرزا منعقد ہوئی
لالہ موسیٰ(محمد بلال احمد بٹ) اسٹیٹ لائف انشورنش کارپوریشن آف پاکستان ایریا 2359 کی ماہانہ میٹنگ زیر صدارت ایریا مینجر الیاس مرزا منعقد ہوئی جس کے مہمان خصوصی نئے سیکٹر ہیڈ حبیب الرحمن تھے جبکہ مہمانان اعزاز میں مینجر محمد ایوب بٹ،آصف ندیم و دیگر شامل تھے، ماہ اگست میں نمایاں کارکردگی کا مظاہرہ کرنے والے سیلز آفیسران اور سیلز نمائندگان میں شیلڈ ز تقسیم کی گئیں جن میں شفیق احمد کو بہترین بزنس پر یادگاری تلوار پیش کی گئی، جبکہ ماہ اگست کا بہترین بزنس کرنے پر سیلز مینجر آصف ندیم اور سیلز آفیسر عاصم ندیم اور سیلز نمائندہ لیاقت کو اسٹیج کی زینت بنایا گیا، اس موقع پر ماہ ستمبر کیلئے ٹارگٹ مقرر کئے گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کھاریاں بار ایسوسی ایشن نے انٹی کرپشن کمیٹی تشکیل دے دی
لالہ موسی ٰ(محمد بلال احمد بٹ) کھاریاں بار ایسوسی ایشن نے انٹی کرپشن کمیٹی تشکیل دے دی،دو ممبران کی رکنیت بھی معطل، کھاریاں بار نے انٹی کرپشن کمیتی دی ہے جسکے چیئر مین راجہ ندیم اسلم ایڈووکیٹ جبکہ ممبران میں اظہر منظور ایڈووکیٹ، اشتیاق اوپل ایڈووکیٹ، وسیم بسوی ایڈووکیٹ، چوہدری خالد شیخو چک ایڈووکیٹ، عبدالستار قریشی ایڈووکیٹ، راجہ فاروق مسرت ایڈووکیٹ، چوہدری عبدالستار ایڈووکیٹ اور مرزا غضنفر علی شمس ایڈووکیٹ شامل ہیں باووثوق ذرائع کے مطابق نوید اختر قریشی اور ظفر اقبال ایڈووکیٹ کی رکنیت معطل کر دی گئی ہے،ان دونوں پر ذرائع کے مطابق الزام ہے کہ دونوں نے بار کے تقدس کو پامال کیا ہے اور بار کے ضابطہ پر عمل درآمد نہیں کرتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ:موٹروے کی ڈھیل، ٹرانسپورٹروں نے من مانے اسٹینڈ بنا لئے
لالہ موسیٰ (محمد بلال احمد بٹ) موٹروے کی ڈھیل، ٹرانسپورٹروں نے من مانے اسٹینڈ بنا لئے،مین بازار کے داخلی راستہ کے عین سامنے ویگن کھڑی کر کے سواریاں بٹھائی جاتی ہیں، جبکہ بس بے کے عقب میں بھی ویگن اسٹینڈ باقاعدہ قائم ہے مگر ویگن مالکان مین بازار سے لے کر فروٹ منڈی تک جہاں چاہے ویگن کھڑی کر لیتے ہیں اس طرح تھانہ سٹی لالہ موسیٰ سے لے کر فروٹ منڈی تک سروس روڈ ویگن مافیا کے قبضہ میں ہے موٹروے حکام نے پراسرار خاموشی اختیار کر رکھی ہے، دوسری جانب جی ٹی روڈ کے ساتھ نئے زیر تعمیر پلازہ کے سامنے بھی خود ساختہ ویگن اسٹینڈ قائم ہو رہا ہے، جہاں ویگن ڈرائیور مبینہ طور پر قمار بازی میں بھی مصروف رہتے ہیں،اگر اس صورتحال کا نوٹس نہ لیا گیا تو ویگن والے شتر بے مہار کی طرح دندناتے پھریں گے اور حادثات میں بھی اضافے کا خدشہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پان کھائیں فضول گوئی سے بچیں، پان کھانے کے شوقین حضرات کم بولتے ہیں ،تحقیق
لالہ موسی ٰ(محمد بلال احمد بٹ) پان کھائیں فضول گوئی سے بچیں،تحقیق سے یہ بات سامنے آئی ہے کہ پان کھانے کے شوقین حضرات کم بولتے ہیں جس کی وجہ سے وہ نہ صرف فضول باتوں سے بچے رہتے ہیں بلکہ گالی گلوچ نہ کرنے کی وجہ سے لڑائی جھگڑے کے امکانات بھی کم ہوتے ہیں، آج کل کے دور میں جہاں چار افراد جمع ہوں کسی غیر حاضر کی غیبت شروع ہو جاتی ہے جو گناہ ہے اس طرح پان کھانے والا شخص منہ بند رکھنے کی وجہ سے غیبت سے بھی بچا رہتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: فرینڈز گروپ لالہ موسیٰ کے جنرل سیکرٹری شہزاد اقبال انصاری نے اپنے گروپ کی اجازت سے بلدیاتی الیکشن میں حصہ لینے کا اعلان کر دیا
لالہ موسیٰ(محمد بلال احمد بٹ) فرینڈز گروپ لالہ موسیٰ کے جنرل سیکرٹری شہزاد اقبال انصاری نے اپنے گروپ کی اجازت سے بلدیاتی الیکشن میں حصہ لینے کا اعلان کر دیا، فرینڈز گروپ لالہ موسیٰ کی مرکزی تنظیم کا اجلاس زیر صارت ملک محمد عرفان منعقد ہوا جس میں فیصلہ کیا گیا کہ فرینڈز گروپ کے ممبران مختلف حلقوں سے بلدیاتی الیکشن میں حصہ لیںٰ گے، فرینڈز گروپ لالہ موسیٰ کے صدر ملک محمد عرفان نے کہا کہ تمام گروپ ممبران عہدیداران اور ورکر الیکشن بلدیات میں بڑھ چڑھ کر حصہ لین کا فیصلہ کیا، نائب صدر فرینڈز گروپ حاجی محمد شمیم قریشی نے اعلان کیا ہے کہ یو سی 86/3 سے کونسلر کا الیکشن شہزاد اقبال انصاری لڑیں گے تمام دوست ان کی الیکشن کمپین آج سے شروع کر دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: مسلم لیگ ن لالہ موسیٰ کے راہنما سیٹھ محمد طفیل کا کوارڈی نیٹر بنتے ہی لالہ موسیٰ کے صفائی اور تجاوزات اور سٹریٹ لائٹ مسائل حل ہونا شروع ہو گئے، معظم بٹ
لالہ موسیٰ(محمد بلال احمد بٹ) مسلم لیگ ن لالہ موسیٰ کے راہنما سیٹھ محمد طفیل کا کوارڈی نیٹر بنتے ہی لالہ موسیٰ کے صفائی اور تجاوزات اور سٹریٹ لائٹ مسائل حل ہونا شروع ہو گئے، ان باتوں کا اظہا رمسلم لیگ ن کے راہنما معظم بٹ نے کیا، لالہ موسیٰ کے شہریوں کو جو بھی مسائل کمیٹی دفتر لالہ موسیٰ کے متعلقہ ہوں وہ بھلا جھجک کوآرڈی نیٹر سیٹھ محمد طفیل سے رابطہ کریں انشاء اللہ سیٹھ محمد طفیل ایم این اے چوہدری جعفر اقبال اور ایم پی اے چوہدری اشرف دیونہ کی قیادت میں لالہ موسیٰ کے تمام مسائل حل کروائیں گے۔
