لاہور (جیوڈیسک) سنبل زیادتی کیس میں اہم پیش رفت پولیس نے قریبی رشتہ داروں کو شامل تفتیش کرنے کا فیصلہ کر لیا۔ سی سی پی او لاہور شفیق گجر نے دنیا نیوز سے بات کرتے ہوئے کہا ہے کہ لاہور کے علاقہ مغلپورہ میں پانج سالہ بچی سے زیادتی کا واقع میں ملزمان کی گرفتاری کے لیے دو اعلی سطح ٹیمیں تشکیل دی جا چکی ہیں جو اپنا کام تیزی کے ساتھ کر رہی ہیں۔
اسی حوالے سے سنبل کے قریبی رشتے داروں کو شامل تفتیش کرنے کا فیصلہ کر لیا گیا ہے۔سی سی پی او کا کہنا تھا کہ ملزم مغل پورہ میں بچی کی رہائش کے قریب رہنے والے افراد ہیں۔واقعہ میں کسی فرد پر بھی شبہ ہو تو اسے لازم شامل تفتیش کیا جائے گا جبکہ ایس پی سی آئی اے عمر ورک کی سربراہی میں تشکیل دی گئی، ٹیم ملزمان کی تلاش میں لاہور اور اس کے مضافاتی علاقوں میں سرچ آپریشن کو جاری رکھے ہوئے ہے۔
انسداد دہشت گردی کے ججز کا اجلاس، تمام اشتہاریوں کی فوری گرفتاری کا حکم
پنجاب: مزید تین افراد میں ڈینگی کی تصدیق، تعداد 121ہو گئی
