لالہ موسی کی خبریں 15.09.2013
Posted on September 16, 2013 By Geo Urdu سٹی نیوز
الحاج منظور حسین معصومی مرحوم کی اہلیہ الحاج عبدالستار زرگر المعصوم جیولرز کی والدہ ہزاروں سوگواران کی موجودگی میں سپرد خاک
لالہ موسیٰ(محمد بلال احمد بٹ) الحاج منظور حسین معصومی مرحوم کی اہلیہ الحاج عبدالستار زرگر المعصوم جیولرز کی والدہ ہزاروں سوگواران کی موجودگی میں سپرد خاک، نماز جنازہ میں عالم امڈ آیا، ضلع بھر سے ممتاز شخصیات کی شرکت، نما زجنازہ ماڈل ہائی سکول میں پڑھائی گئی، نمایاں شخصیات میں شیخ خالد محمود ایم ڈی الخلیل پیٹرولیم، معروف صحافی خالد مجید بٹ،چیف ایڈیٹر ڈیلی جلا وطن ڈاٹ کام محمد بلال احمدبٹ،جاوید بٹ سابق صدر چیمبر آف گجرات، سید ضیاء علی شاہ ترمذی، سیٹھ رفیق، عبدالپرویز صدر صرافہ ایسوسی ایشن لالہ موسیٰ، شیخ عثمان الغنی، خالد جاوید مٹھو بٹ، طارق اسلم بھٹی ایڈووکٹ، چوہدری عثمان اسلم فتہ بھنڈ، چوہدری محمد نواز نمبردارڈھینڈہ، چوہدری مہدی ناروے، مدثر صراف، شکیل صراف، اعجاز اسلم صراف لیبیا جیولرز، وحید بٹ نوری، ملک ناصر علی سابق امیدوار صوبائی اسمبلی، ارشد النور ٹینٹ، مہر طارق سعید، سیٹھ قدیر، سیٹھ طفیل، ملک عرفان، اشفاق زرگر، پولی چوڑیاں والا، صحافی حاجی عبدالغفار، صحافی اسد اللہ انصاری، لطیف نجمی، ملک محمد راشد، شفیق قریشی، اعجاز بٹ سابق کونسلر، ہارون صراف، شہزاد صراف، مولانا یوسف سیالوی، عبدالرزاق بٹ،مرزا اکرم، شیخ طارق محمود، نعیم بٹ ڈپٹی ڈائریکٹر یونیورسٹی آف گجرات، ابراہیم سیالوی، چوہدری قیصر پوپی سابق کونسلر، مرزا عبدالکریم سکھ چین ہائوس، میاں نصیر، افتخار زرگر، شاہد صراف سمیت ہزاروں افرا دکی شرکت، یاد رہے کہ مرحومہ کی روح کے ایصال ثواب کے لئے ختم قل صبح نو بجے سنیاروں والی جامع مسجد میں شروع ہو گا اور دس بجے دعا ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: جی ٹی روڈ پر طوفان بادوباراں نے تباہی مچاد ی
لالہ موسیٰ (محمد بلال احمدبٹ) جی ٹی روڈ پر طوفان بادوباراں نے تباہی مچاد ی۔ تفصیلات کے مطابق گذشتہ روز ہونے والی بارش اور طوفان کے باعث جی ٹی روڈ لالہ موسیٰ پرواقع درخت، بل بورڈ ٹوٹ گئے، 11 کے وی تاریں ٹوٹ ٹوٹنے سے جگہ جگہ سے بجلی بند، مین بازارمیں گولڈن قلفے کی دیوارگرنے سے شیخ اشرف زخمی، ٹینکی مسجد کی دیواریں گرگئیں، کریم پورہ میں تصور حسین اور مدثر کے تین بچے دیوار گرنے سے شدید زخمی ہو گئے۔ طوفانی بارش سے لالہ موسیٰ کی گلیوں سرکل روڈ میں کئی فٹ پانی جمع، بجلی نہ ہونے سے ڈسپوزل ٹربائنیں بند ہونے سے شہر ڈوب گیا، جی ٹی روڈ پر اوورہیڈ برج کی سائیڈ مکمل طور پر تباہ ہو گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: نامعلوم مسلح ڈاکوئوں نے سردار پورہ روڈ پر طارق بٹ دکاندار سے نقدی، موبائل اورگھڑی لوٹ لی
لالہ موسیٰ(محمد بلال احمدبٹ) نامعلوم مسلح ڈاکوئوں نے سردار پورہ روڈ پر طارق بٹ دکاندار سے نقدی، موبائل اور گھڑی لوٹ لی، لالہ موسیٰ کی اکثروارداتیوں کے مدعیوں نے رپورٹ بھی درج نہیں کروائے، متاثرین کا کہنا ہے نقصان پوراہونے کی بجائے پولیس اور عدالتوں کے چکر میں مزید نقصان برداشت نہیں کر سکتے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: ن لیگ بلدیاتی انتخابات میں بھی ریکارڈ کامیابی کیلئے پر عزم ہے،ڈاکٹرآصف محمود
لالہ موسیٰ(محمد بلا ل احمد بٹ) رئیس لالہ موسیٰ سابق نائب ناظم 87/4، سینئر راہنما مسلم لیگ ن ڈاکٹر آصف محمود نے صحافیوں سے گفتگو کرتے ہوئے کہا کہ ن لیگ بلدیاتی انتخابات میں بھی ریکارڈ کامیابی کیلئے پر عزم ہے، اور عظیم لیڈر میاں نوازشریف کی قیادت میں ملک ترقی کی منازل طے کرے گا، انہوں نے کہا کہ عوام کو بنیادی سہولیات فراہم کرنے کیلئے عملی اقدامات کئے جارہے ہیں، اور شہر بھر میں ترقیاتی کاموں کے جال بچھائے جائیں گئے، انہوں نے کہا کہ ملک سے کرپشن کے خاتمہ کیلئے مسلم لیگ ن کی حکومت پر عزم ہے، اور بلدیاتی انتخابات میں مسلم لیگ ن عام انتخابات کی طرح عوامی مینڈیٹ حاصل کرنے میں کامیاب ہوگی، اور تمام سابقہ ریکارڈ توڑے گئی۔ انہوں نے ایک سوال کے جواب میں کہا کہ انشاء اللہ پورے ضلع میں بلدیاتی انتخابات میں مسلم لیگ ن کے نمائندے کامیاب ہوں گے اس حوالے سے ایم این اے چوہدری جعفر اقبال اور چوہدری اشرف دیونہ کی خدمات ناقابل فراموش ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسی ٰ: لاہور میں معصوم بچی کیساتھ درندگی کا واقعہ انتہائی قابل مذمت ہے، شیخ خالد محمود
لالہ موسیٰ(محمد بلال احمد بٹ) لاہور میں معصوم بچی کیساتھ درندگی کا واقعہ انتہائی قابل مذمت ہے، پنجاب حکومت ابتدائی تین ماہ میں فیل ہوتی نظر آرہی ہے ان خیالات کا اظہار رئیس ضلع گجرات ممتاز بزنس مین ایم ڈی الخلیل پیٹرولیم شیخ خالد محمود نے اپنے ایک مذمتی بیان میں کیا۔ انہوں نے صحافیوں سے گفتگو کرتے ہوئے کہا کہ معاشرے میں بڑھتی ہوئی بے روی، فحاشی کے باعث اِس قسم کے واقعات رونما ہورہے ہیں۔ اِس کیلئے حکومت کو چاہیے کہ سخت ترین حکمت عملی اپنائی جائے تاکہ آئندہ کوئی بھی درندہ ایسی مذموم حرکت نہ کرسکے۔ انہوں نے بچی کے لواحقین سے اظہارِ ہمدردی کرتے ہوئے کہا کہ وزیراعلی پنجاب میاں شہباز شریف معاملے کا فوری نوٹ سلیں اور ملزمان گرفتارکئے جائیں۔ تمام پاکستانی عوام سنبل کے والدین کے دُکھ میں برابر کے شریک ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محترمہ رخسانہ سہیل بٹ مرحومہ نے پاکستان میں تبدیلی کیلئے خود کو وقف کر دیا تھا، نوازش علی شیخ ایڈووکیٹ
لالہ موسیٰ(محمد بلال احمد بٹ) محترمہ رخسانہ سہیل بٹ مرحومہ نے پاکستان میں تبدیلی کیلئے خود کو وقف کر دیا تھا۔انہوں نے ضلع گجرات میں تحریک انصاف کے وومن ونگ کو مضبوط کرنے کا بیڑا اٹھایا اور اپنی صحت کی پرواہ کئے بغیر دن رات تحریک انصاف کی کامیابی کیلئے کو شاں رہیں۔ ان خیالات کا اظہار پاکستان تحریک انصاف کے سینئر راہنما ٹکٹ ہولڈر حلقہ پی پی 112 نوازش علی شیخ ایڈووکیٹ نے کیا انہوں نے کہا کہ افسوس آج باجی رخسانہ ہم میں موجود نہیں ہیںلیکن پاکستان میں تبدیلی کے مشن کو پایہ تکمیل تک پہنچانے کیلئے انہوں نے جو خدمات انجام دیں وہ مثالی ہیں اور ہم سب کیلئے مشعل راہ ہیں۔ تحریک انصاف کیلئے انکی خدمات کو کبھی بھی فراموش نہیں کیا جا سکتا۔
