تلہ گنگ کی خبریں 18.09.2013
Posted on September 18, 2013 By Geo Urdu سٹی نیوز
مسلم لیگ ن تحصیل کلر کہار شعبہ خواتین کی صدر میڈم گوشی کے علاقہ ونہار میں طوفانی دورے MYO کی تنظیم سازی مہم میں شرکت
تلہ گنگ (تحصیل رپو ر ٹر) مسلم لیگ ن تحصیل کلر کہار شعبہ خواتین کی صدر میڈم گوشی کے علاقہ ونہار میں طوفانی دورے MYO کی تنظیم سازی مہم میں شرکت تفصیل کے مطابق مسلم لیگ ن شعبہ خواتین کی صدر میڈم گوشی نے موضع بھلیال میں خواتین کے اجتماع سے خطاب کیا انہوں نے کہا کہ خواتین معاشرے مین ترقی کے لئے اہم کردار ادا کر سکتی ہیں اور کسی بھی تنظیم یا پارٹی کا پیغام عوام تک با آسانی پہنچا سکتی ہیں انہوں نے کہا کہ پاکستان کے عوام بے پناہ محبت کرنے والے اور محنتی لوگ ہیں ہمیں یو کے میں رہتے ہوئے ایک عر صہ ہو گیا ہے مگر پاکستان میں جو پیار ملا ہے اب میں نے واپسی کا ارادہ ترک کر دیا ہے انہوں نے خواتیں پر زور دیا کہ وہ مسلم لیگ ن کی مضبوطی کے لئے قدم بڑھائیں تاکہ مسلم لیگ ن کی حکومت مضبوط ہو اور عوامی مسائل حل ہو سکیں اس موقع پر MYO تحصیل کلر کہار کی جنرل سیکرٹری روبینہ شکیل ملک نے کہا کہ MYO مسلم لیگ ن کا ہراول دستہ ہے جو مسلم لیگ ن کی مضبوطی کے لئے ہر لمحہ کو شاں ہے انہوں نے کہا کہ علاقہ ونہار میں MYO کی مقبولیت میں اضافہ ہو رہا ہیجو مسلم لیگ ن کی مقبولیت کا منہ بولتا ثبوت ہے اس موقع پر ڈاکٹر عمران ملک ریاض احمد ملک ملک زمرد یو کے MYO چکوال کے ضلع جنرل سیکرٹری ملک اشتیاق حسین بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او چکوال کی خصوصی ہدایت پرتلہ گنگ تھانہ سٹی اور صدر کی پولیس نے تین اشتہاریو ں کو گرفتار کر لیا
تلہ گنگ (تحصیل رپورٹر) ڈی پی او چکوال کی خصوصی ہدایت پرتلہ گنگ تھانہ سٹی اور صدر کی پولیس نے تین اشتہاریوں کو گرفتار کر لیا۔ کمیٹی کے سربراہ ڈی ایس پی افتخار الحق نے تلہ گنگ میں اشتہاریوں ملزمان کا گھیر اتنگ کر دیا۔ تفصیلات کے مطابق تھانہ سٹی کے ایس ایچ او ملک عبدالرئوف اور تھانہ صدر کے ایس ایچ او زراعت بلوچ نے ایک کامیاب کا روائیوں کر کے تین اشتہاریوں کو گرفتار کر لیا اور مزید اشتہاریوں کی گر فتاری کے لیے جگہوں جگہوں پر چھاپے مارے جا رہے ہیں۔ ڈی ایس پی نے مزید بتایا کہ تلہ گنگ کے چار تھانوں کے ایس ایچ اوز کی رپورٹ روزانہ کی بنیاد کی چیک کی جا رہی ہے۔ ڈھلی محمد فاروق کے قاتلوں کی گرفتاری کے لیے دن رات پولیس چھاپے مار رہی ہے اور جلد ملزمان کو گرفتار کر لیا جائے گا۔ ان کا مزید کہنا تھا کہ تھانہ سٹی اور تھانہ صدر کے ایس ایچ اوز نے بھاری مقدار میں منشیات پکڑی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیصل محبوب انصاری نے اپنے ایک بیان میں وزیر اعظم پاکستان میاں محمد نواز شریف اور خادم اعلی پنجاب میاں محمد شہباز شریف سے مطالبہ کیا ہے
تلہ گنگ (تحصیل رپورٹر) پاکستان مسلم لیگ ن کے تحصیل تلہ گنگ کے نوجوان راہنماء فیصل محبوب انصاری نے اپنے ایک بیان میں وزیر اعظم پاکستان میاں محمد نواز شریف اور خادم اعلی پنجاب میاں محمد شہباز شریف سے مطالبہ کیا ہے کہ سدا بہار سابق صوبائی وزیر علاقہ کی ہر دلعزیز شخصیت اور ممتاز مسلم لیگی راہنما ملک سیلم اقبال کو وزیر اعلی پنجاب کا مشیر مقرر کیا جائے۔ انہوں نے مزید کہا کہ مسلم لیگ ن کے لیئے ملک سیلم اقبال کی خدمات کسی سے ڈھکی چھپی نہ ہیں۔ اور مو جو دہ الیکشن میں قو می اور صو با ئی اسمبلی کے امید وارن ملک سیلم اقبال کی محنت سے ہی کامیاب ہوئے ہیں ان کے مشیر بننے سے تحصیل تلہ گنگ کو ضلع بنانے میں بڑی مدد ملے گی اور لوگوں کے مسائل حل ہو نگے۔ فیصل کا مزید کہنا تھا کہ ہم ملک سیلم اقبال کی قیادت میں متحد ہیں۔ تحصیل تلہ گنگ کی غیور عوام کا میاں بر ادران سے پر زور مطالبہ ہے کہ ملک سیلم اقبال کو وزیر اعلی پنجاب کا مشیر مقرر کیا جائے تا کہ ہماری تحصیل میں ترقی کی نئی راہیں کھل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تلہ گنگ محلہ غرب ٹرانسفارمر خراب ہونے سے کئی روز سے اندھیرے میں ڈوبا ہوا تھا تلہ گنگ (تحصیل رپورٹر) تلہ گنگ محلہ غرب ٹرانسفارمر خراب ہونے سے کئی روز سے اندھیرے میں ڈوبا ہوا تھا اور روزنامہ نئی بات نے گزشتہ روز محلہ غرب نزد مسجد حبیب کے لوگوں کی اواز اعلی حکام تک پہنچی۔ نئی بات کی خبر پر اسسٹنٹ کمشنر تنویر الرحمن، ڈی ایس پی اور ٹی ایم او نے ایکشن لیتے ہوتے ایس ڈی او واپڈا کو طلب کر لیا اور اس کو حکم جاری کیا کہ محلہ کے لوگوں کی بجلی جلد از جلد بحال کی جائے۔ ایس ڈی او واپڈا نے تین گھنٹوں کے اندر اندر ٹرانسفارمر مہیا کر کے بجلی بحال کر دی۔ محلہ غرب نزد مسجد حبیب والے لوگوں نے نئی بات اور اسسٹنٹ کمشنر سمیت دیگر افسران کا شکریہ ادا کیا۔
