فیڈریشن آف پاکستان چیمبر آف کامرس کے صدر زبیر ملک نے کہا ہے کہ اگر حکومت نے بجٹ کے حوالے سے ایف پی سی سی آئی کی تجاویز پر 30 ستمبر تک عمل درآمد نہ کیا تو تاجر برداری ملک بھر میں ایک روزہ یا غیر معینہ مدت تک کی ہڑتال کا فیصلہ کرسکتی ہے۔ انہوں نے کہا کہ حکومت نے ملک کو آئی ایم ایف کے سامنے گروی رکھ دیا ہے۔
ایف پی سی سی آئی کے صدر زبیر ملک نے کہا کہ حکومت کی معاشی پالیسی ہمیں تباہی کے طرف لے کر جا رہی ہے۔ انہوں نیکہا کہ اب تک اسحاق ڈار اور ان کی ٹیم سے پانچ بار ملاقات ہوچکی ہے اور اب تک ہمارے تحفظات دور نہیں کئے گئے۔
انہوں نے کہا کہ یہ بجٹ پیسہ کماو۔ بجٹ ہے۔ انہوں نے کہا کہ ملک میں جو چند صنعتیں رہ گئی ہیں وہ بھی اس بجٹ کے باعث ختم ہوجائیں گی۔ ایف پی سی سی آئی کے سابق صدر طارق سعید نے کہا کہ حکومت ٹیکس نیٹ میں اضافہ کرے۔
کراچی کی صورت حال پر تاجر برداری کا کہنا تھا کہ وفاقی حکومت کے اقدمات کے بعد شہر کی صورت حال میں کچھ بہتری آئی ہے اور تاجر برداری شہر کی صورت حال بہتر کرنے کے لئے حکومت کا ساتھ دے گی۔
پنجاب، خیبرپختونخوا، اسلام آباد کے سی این جی اسٹیشنوں کو 3 ماہ گیس نہ دینے کی تجویز
ڈالر اوپن مارکیٹ میں 107 روپے کی سطح عبور کر گیا
