پشاور (جیوڈیسک) پشاور کے نواحی علاقہ زنگلی میں پولیس چیک پوسٹ پر حملے کے بعد سرچ آپریشن جاری، متعدد مشتبہ افراد گرفتار کرلئے گئے۔ پولیس کے مطابق تھانہ بڈھ بیر کی حدود میں زنگلی چیک پوسٹ پر رات گئے شدت پسندوں نے حملہ کیا۔ پولیس اور شرپسندوں کے درمیان فائرنگ کا تبادلہ تقریبا 30 منٹ جاری رہا، جس کے بعد شدت پسند فرار ہوگئے۔
واقعہ میں کسی جانی نقصان کی اطلاع نہیں ملی۔ حملے کے بعد سے بڈھ بیر اور ملحقہ علاقوں میں پولیس کا سرچ آپریشن جاری ہے، ذرائع کے مطابق آپریشن میں متعدد مشتبہ افراد حراست میں لئے گئے ہیں۔
کراچی: پولیس مقابلے میں گینگ وارکے 2 ملزم ہلاک، ایک زخمی،6 گرفتار
سانحہ چلاس: فورسز پر حملے اور سیاحوں کے قتل کے الزام میں مزید 3 افراد گرفتار
