گجرات کی خبریں 20.09.2013
Posted on September 20, 2013 By Tahir Webmaster گجرات
مسلم لیگ ن ضلع گجرات کے مرکزی رہنما و سابق ایم این اے چوہدری مبشر حسین نے کہا ہے کہ سیالکوٹ ائیر پورٹ واقع کو سیاسی رنگ نہیں دینا چاہتا
گجرات (جمیل احمدطاہر) مسلم لیگ ن ضلع گجرات کے مرکزی رہنما و سابق ایم این اے چوہدری مبشر حسین نے کہا ہے کہ سیالکوٹ ائیر پورٹ واقع کو سیاسی رنگ نہیں دینا چاہتا واقع اتفاقیہ طور پر ہوا کسٹم حکام نے مطمئن ہو کر مجھے ریلیز کیا کسٹم حکام نے نہ تو مجھے گرفتار کیا اور نہ ہی مجھ پر مقدمہ درج کیا ان خیالات کا اظہار انہوں نے گذشتہ روز گجرات میں پریس کانفرنس کرتے ہوئے کیا انہوں نے کہا کہ 71 ہزار درہم کی رقم میرے پاس موجود تھی لیکن مجھے اس بات کا علم نہیں تھا کہ یہ رقم زیادہ ہے انہوں نے کہا کہ میرا دبئی میں کاروبار ہے اور لاکھوں کا ٹیکس پاکستان میں بھی ادا کرتا ہوں تو 70 ہزار درہم جیسی معمولی رقم کو کیسے سمگل کر سکتا ہوں اتفاقی طور پر ایسا ہوا ہے انہوں نے کہا کہ کاروباری لوگوں کو چھوٹی چھوٹی باتوں پر تنگ نہیں کرنا چاہیے ادارے عوام کی سہولت کیلئے ہوتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
یگزیکٹو ڈسٹرکٹ آفیسر ورکس محمد نواز غازی نے بلڈنگ ڈیپارٹمنٹ کے جاری منصوبوں پر فزیکل اور فنانشنل پراگرس پر عدم اطمینان کا اظہار کیا ہے
گجرات (جمیل احمدطاہر) ایگزیکٹو ڈسٹرکٹ آفیسر ورکس محمد نواز غازی نے بلڈنگ ڈیپارٹمنٹ کے جاری منصوبوں پر فزیکل اور فنانشنل پراگرس پر عدم اطمینان کا اظہار کیا ہے اور متعلقہ افسران کو ہدایت کی ہے کہ تمام پراجیکٹس کو تین ماہ میں مکمل کیا جائے ۔ ان خیالات کا اظہار انہوں نے بلڈنگز ڈیپارٹمنٹ کے جاری منصوبوں کا جائزہ لینے کے لئے اجلاس سے خطاب کرتے ہوئے کیا۔ اجلاس میں ایکسئین بلڈنگز، ایس ڈی اوز اور دیگر افسران نے شرکت کی۔ای ڈی او ورکس محمد نواز غازی نے افسران کو ہدایت کی کہ
تمام منصوبوں پر کام کی رفتار تیز کی جائے اور ہر پندرہ دن بعد ان پراجیکٹس پر ہونے والی پیشرفت بارے انہیں رپورٹ پیش کی جائے۔ ای ڈی او نے سپر وائزی سٹاف اور کنٹریکٹرز کی کارکردگی پر برہمی کا اظہار کیا اور افسران سے کہا کہ وہ ناقص کارکردگی کے حامل اہلکاران اور ٹھیکیداروں کے خلاف سخت کاروائی عمل میں لائیں۔ ای ڈی او محمد نواز غازی نے واضع کیا کہ ترقیاتی منصوبوں کی بروقت تکمیل پنجاب حکومت اور ضلعی انتظامیہ کی اولین ترجیح ہے اور اس ضمن میں کوتاہی کے مرتکب عناصر سے ہر گز کوئی رعایت نہیں ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آصف بلال لودھی نے بجلی اور گیس چوروں کے خلاف کریک ڈائون مزید تیز کرنے کی ہدایت کی ہے
گجرات (جمیل احمدطاہر) ڈی سی او آصف بلال لودھی نے بجلی اور گیس چوروں کے خلاف کریک ڈائون مزید تیز کرنے کی ہدایت کی ہے اور واضع کیا ہے کہ قومی خزانے کو نقصان پہنچانے والے عناصر سے کوئی رعایت نہیں کی جائے گی۔ ڈی سی او آفس میں اجلاس سے خطاب کرتے ہوئے انہوں نے کہا کہ افسران نہایت سرگرم انداز میں بجلی اور گیس چوروں کے خلاف مہم کو جاری رکھیں روزانہ کی بنیاد پر کمرشل اور انڈسٹریل گیس و بجلی صارفین کی چیکنگ کی جائے رپورٹ پیش کی جائے۔ ڈی سی او نے بجلی اور گیس چوروں کے خلاف موثر کاروائی پر اے سی سرائے عالمگیر ماریہ طارق کی کارکردگی کو زبردست سراہا ۔ ڈی سی او آصف بلا ل لودھی نے افسران کو ہدایت کی کہ بجلی اور گیس چوروں کے خلاف کاروائی کی صورت میں جائے وقوعہ کی مکمل ویڈیو فلم بنائیں تاکہ بوقت ضرورت عدالت میں بطور شہادت پیش کیا جا سکے۔ ڈسٹرکٹ پبلک پراسیکیوٹر محمد نعیم نے اس موقع پر اجلاس کو بتایا کہ بجلی اور گیس چوروں کے خلاف درج مقدمات کی موثر انداز میں پیروی کی جارہی ہے اور ان پر ہونے والی پیشرفت سے روزانہ کی بنیاد پر حکومت کو آگاہ کیا جارہا ہے۔اجلاس میں ڈسٹرکٹ پبلک پراسیکیوٹر محمد نعیم،اے سی سرائے عالمگیر ماریہ طارق، اے سی سیٹلمنٹ وقار
خان اور دیگر افسران نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی سرکل سرائے عالمگیرکے دفتر کے سامنے دیرینہ دشمنی پر 2 افراد قتل
گجرات(جمیل احمدطاہر)ڈی ایس پی سرکل سرائے عالمگیرکے دفتر کے سامنے دیرینہ دشمنی پر 2افرادقتل،سرائے عالمگیر کی ممتازسیاسی ،سماجی شخصیت چوہدری خالدحسین لڑ کے بھائی چوہدری وریام اوراسکے ساتھی عنصرسکنہ چکھڑال کونامعلوم مسلح موٹرسائیکل سواروں نے اندھا دھندفائرنگ کرکے قتل کردیا ۔ڈی ایس پی سرکل سرائے عالمگیر ،موٹروے پولیس کادفتر چندگزکے فاصلے پرہونے کے باوجود پولیس آدھے گھنٹے بعد موقعہ پر پہنچی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بی اے کی طالبہ ٹریفک حادثہ میں جاں بحق
گجرات(جمیل احمدطاہر)بی اے کی طالبہ ٹریفک حادثہ میں جاں بحق،تفصیل کے مطابق گورنمنٹ ڈگری کالج برائے خواتین کنجاہ کی بی اے کی طالبہ اریبہ مشتاق اپنے
بھائی کے ہمراہ موٹرسائیکل پرسوار ہوکرگھرواپس جارہی تھی کہ یوٹرن پر مڑتے ہوئے انکے موٹرسائیکل کو پیچھے سے آنے والے موٹرسائیکل نے ٹکرماردی،جس کے نتیجہ میں طالبہ کے سر میں گہری چوٹیں آئی ،شدیدزخمی حالت میں اسے ہسپتال لے جایا گیا جہاں وہ زخموں کی تاب نہ لاتے ہوئے دم توڑ گئی۔طالبہ کی میت گھرپہنچنے پرکہرام مچ گیا۔
