ڈنگہ کی خبریں 20.09.2013
Posted on September 21, 2013 By Tahir Webmaster سٹی نیوز
ڈنگہ : میاں برادران کی ولولہ انگیز قیادت میں عوام کیلئے میگا پراجیکٹ کے تحفے لا رہے ہیں، چوہدری جعفر اقبال
ڈنگہ(محمد بلال احمد بٹ)مرکزی راہنما مسلم لیگ ن ایم این اے حلقہ این اے 106چوہدری جعفر اقبال نے اپنے بیان میں کہا ہے کہ میاں برادران کی ولولہ انگیز قیادت میں عوام کیلئے میگا پراجیکٹ کے تحفے لا رہے ہیںعوام تھوڑا سا انتظار کرے انشاء اللہ انکی امنگوں کے عین مطابق علاقہ میں تعمیر و ترقی کا دور دورہ ہو گااڑھائی کروڑ روپے کی لاگت سے ویٹرنری ہسپتال کی تعمیر اور نسل کشی سنٹر کو بیرون ملک شہر منتقل کر کے وہاں پر گرلز ہائی سکول کی تعمیر کیلئے کیلئے فنڈز حاصل کر لئے ہیں انشاء اللہ جلد ان منصوبوں پر کام شروع ہو گا،دانش سکول،او پی ایف سکول کالج،ڈنگہITکامیسٹ یونیورسٹی ٹھیکریاں لالہ موسیٰ سمیت رسول بیراج ہیڈ کھوکھرا شادیوال میں بجلی کی پیداوار بڑھانے کے منصوبں پر کام جاری و ساری ہے،ان منصوبوں کی تکمیل سے علاقہ کی تقدیر بدل جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ کشمیریاں ڈنگہ سے نوجوان لڑکی اغوائ
ڈنگہ ( محمد بلال احمد بٹ ) محلہ کشمیریاں ڈنگہ سے نوجوان لڑکی اغواء ، تفصیلات کے مطابق کنیز بی بی دختر محمدعارف نے تھانہ ڈنگہ میں درخواست دی ہے کہ ہم کام کے سلسلہ میں شیخوچک گئے ہوئے تھے ، ہماری عدم موجودگی کے باعث محمد لطیف وغیرہ میری بیٹی ماریہ کو اغواء کر کے منڈی بہائوالدین لے گئے ۔ تھانہ ڈنگہ نے مدعیہ کی درخواست پر ملزمان محمد لطیف وغیر ہ کے خلاف مقدمہ درج کر کے تفتیش شروع کر دی۔ یاد رہے کہ ماریہ دختر محمد عارف کو ملزمان 12جون 2013ء کو اغواء کر کے لے گئے تھے۔ جدوجہد کے بعد ان کو علم ہوا کے ہماری بیٹی کو محمد لطیف وغیرہ نے اغواء کر لیا
ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوکی ڈھل بنگش انچارج طارق مکیانہ نے دورانِ گشت ٹوپہ آدم میں چھاپہ مار کر 20کپی شراب برآمد کر لی
ڈنگہ (محمد بلال احمد بٹ ) ڈی پی او گجرات اور ایس ایچ او ڈنگہ راجہ زاہد نعیم کی زیر نگرانی چوکی ڈھل بنگش انچارج طارق مکیانہ نے دورانِ گشت ٹوپہ آدم میں چھاپہ مار کر 20کپی شراب برآمد کر کے تھانہ ڈنگہ میں ملزمان کے خلاف مقدمہ درج کر کے حوالہ حوالات کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری سلیمان الیاس آف ناروے کے دادا جان الحاج چوہدری غلام احمد مرحوم کی وفات پر دوسرے روز بھی اظہار تعزیت اور فاتحہ خوانی کا تانتا بندھا رہا
ڈنگہ (محمد بلال احمد بٹ ) وڑائچانوالہ کے ممتاز زمیندار سابق صدر بار کھاریاں چوہدری راشد ایڈووکیٹ ، چوہدری ماجد محمود کے والد گرامی سابق کونسلر ڈنگہ چوہدری آفتاب احمد ، چوہدری محمد سلیم ڈنگہ ، چوہدری محمد زمان ڈنگہ کے چچا چوہدری سلیمان الیاس آف ناروے کے دادا جان الحاج چوہدری غلام احمد مرحوم کی وفات پر دوسرے روز بھی اظہار تعزیت اور فاتحہ خوانی کا تانتا بندھا رہا ۔ جس میں نمایاں اہم شخصیات میں چوہدری نصر اقبا ل سکھ چیناں، چوہدری خالد مہدی کسانہ دھکڑانوالی ، میاں اصغر حیات کولیا ں شاہ حسین ، چوہدری غلام سرور خونی چک ، چوہدری زبیر انور ایڈووکیٹ ، مرز ا حق نواز ایڈووکیٹ ، چوہدری بشیر احمد ڈنگہ ، چوہدری محمد اکرم جانی چک ، چوہدری نذیر احمد جانی چک ، چوہدری لال خاں خونن ، چوہدری محمد غوث نونانوالی ، چوہدری محمد زمان منگوال ، چوہدری اختر خوجہ ، چوہدری ایاز احمد ، اشفاق احمد ، ارشد گجر ڈنگہ ، چوہدری فلک شیر خوجہ ، چوہدری امیر خسرو وڑائچانوالہ ، چوہدری افضال محمود چھماں ، چوہدری ریاض شیخوچک ، چوہدری زراعت شیخوچک ، چوہدری ذوالفقار وڑائچانوالہ ، چوہدری جمشید اعظم چیلیانوالہ ، چوہدری شیراز چیلیانوالہ ، چوہدری شہباز اصغر چیلیانوالہ ، چوہدری نوید موجیانوالہ ، میاں خادم حسین سابق کونسلر ڈنگہ ، میاں ادریس احمد نمبردار بیکنانوالہ ، چوہدری فیاض احمد ڈنگہ ، چوہدری بشیر احمد ڈنگہ سمیت کثیر تعداد نے چوہدری راشد ایڈووکیٹ ، چوہدری ماجد محمود ،چوہدری آفتاب احمد ، چوہدری محمد سلیم سے الحاج چوہدری غلام احمد کی وفات پر گہرے دکھ کا اظہار کیا اور دعا کی کہ اللہ تعالیٰ مرحوم کو جنت الفردوس میں اعلیٰ مقام عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چوہدری برادران کی مشاور ت سے رنیاں برادران بلدیاتی الیکشن میں اپنے پینل سے واضع امیدوار کھڑے کریں گے،چوہدری اعجاز رنیاں
ڈنگہ ( محمد بلال احمد بٹ ) پاکستان مسلم لیگ ق سابق امیدوار صوبائی اسمبلی حلقہ پی پی 113 چوہدری اعجاز احمد رنیاں نے ڈیرہ ڈنگہ ہائوس میں علاقہ بھر سے آئے ہوئے وفد سے بلدیاتی الیکشن کے سلسلہ میں اہم امور پر تبادلہ خیال کیا ۔جس میں چوہدری صغیر عنصر دالی بانٹھ ، چوہدری اشفاق برنالی آف ڈنمارک ، چوہدری الیاس ڈمیان شریف ، چوہدری اسحاق کسانہ دھکڑانوالی ، چوہدری مزمل چیلیانوالہ ، چوہدری بوٹے خاں چوہان نگر ، چوہدری شریف باغانوالہ سمیت سینکڑوں افراد موجود تھے ۔ اس موقع پر چوہدری اعجاز احمد رنیاں نے کہا کہ چوہدری برادران کی مشاور ت سے رنیاں برادران بلدیاتی الیکشن میں اپنے پینل سے واضع امیدوار کھڑے کریں گے ۔ الیکشن لڑنے کے خواہش مند امیدواروں سے رابطے مسلسل جاری ہیں ۔ رنیاں برادران نے مشکل ترین حالات میں بھی آج تک کسی کے آگے سر نہیں جھکایا ۔ یہ سر پروردگار کی چوکھٹ پر ہی جھکتا ہے اور صرف پروردگار کی چوکھٹ پر ہی جھکے گا ۔ عزت اور ذلت اللہ تعالیٰ کے ہاتھ میں ہے ہم خلوص نیت سے ہرشخص اور حلقہ کی عوام کے ساتھ مخلص ہیں ۔ انشاء اللہ تعالیٰ بلدیاتی الیکشن میں اپنے امیدواروں کو بھرپور سپورٹ کریں گے اور ہر ممکن اور ہر لمحہ ان کے ساتھ ہیں ۔ ہم نے سیاست میں بہت کچھ سیکھا۔ حالات کے ساتھ
اپنے بیگانے اور بیگانے اپنے ہو جاتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بوہڑ چوک ، سبزی منڈی ، تھانہ روڈ ، راوی روڈ ، کولیاں روڈ سمیت ناجائز تجاوزات کی بھرمار
ڈنگہ (محمدبلال احمد بٹ ) بوہڑ چوک ، سبزی منڈی ، تھانہ روڈ ، راوی روڈ ، کولیاں روڈ سمیت ناجائز تجاوزات کی بھرمار ۔ آمدورفت میں شدید دشواری کا سامنا ہے حتی کہ پیدل چلنا بھی مشکل ہے ۔ یہاں سینکڑوں ریڑھیوں اور پھٹہ والوں کا قبضہ ہے جنہیں با اثر کی افراد کی مکمل آشیر باد حاصل ہے ۔ پورے شہر میں دو دو تاجر تنطیمیں بن چکی ہیں جن کے اپنے اپنے مفادات ہیں ۔ ریڑھیوں کی وجہ سے ان تمام جگہوں میں ہر وقت ٹریفک جام رہتی ہے ۔۔ ناجائز تجاوزات سے عوام پریشان اور ذمہ داران بے بس لگتے ہیں ۔ دوران سکول چھٹی طلبہ و طالبات کو وہاں سے گزرتے سخت پریشانی کا سامنا کرتا پڑتا ہے ۔ اور خریداری کے لیے خواتین کا گزرنا محال ہے ۔ٹریفک جام اور ناجائز تجاوزات کی وجہ سے ڈنگہ میں خریداروں نے دوسرے شہروں کا رُخ کر لیا ہے ۔ عوامی سماجی حلقوں نے اعلیٰ حکام اور اربابِ اختیار سے مطالبہ کیا ہے کہ مستقل طور پر ناجائز تجاوزات کا مکمل خاتمہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر اور گردنواح میں ہوائی فائرنگ کا سلسلہ جاری ہے
ڈنگہ ( محمد بلال احمد بٹ ) ڈنگہ شہر اور گردنواح میں ہوائی فائرنگ کا سلسلہ جاری ہے بااثر افراد کے نوجوان ایک دوسرے کو نیچا دکھانے کی خاطر کھلے عام ہوائی فائرنگ کرتے ہیں جس سے عوام اور مریضوں کو سخت پریشانی کا سامنا ہے ۔ جبکہ ڈنگہ انتظامیہ کو بروقت اطلاع دینے پر بھی لا پرواہی کا مظاہرہ کی جاتا ہے ۔ اگر کوئی شخص فون پر اطلاع کرتا ہے تو اسی کو بُرا بھلا کہہ کر کہا جاتا ہے کہ تم جھوٹ بول رہے ہو ۔ عوامی حلقوں نے RPOگوجرانوالہ ، ڈی پی او گجرات سے فی الفور مطالبہ کیا ہے کہ دن اور رات کو ہوائی فائرنگ کرنے والوں کے خلاف سخت سے سخت کاروائی کی جائے اور ان پر مقدمات درج کیے جائیں۔ جبکہ کثیر تعداد نے اپنے موٹر سائیکلوں پر گولی کی آواز نکالنے والے سلنسر لگا رکھے ہیں۔ جن سے گولی جیسی تیز آواز نکلتی ہے ۔ وہاں سے گزرنے والے بچے ، بوڑھے اور خواتین خوفزدہ ہو جاتے ہیں ۔ اعلیٰ حکام ایسے کام کرنے والوں کے خلاف جلد از جلد کاروائی کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں واٹر سپلائی کا گندہ پانی عام ہو گیا
ڈنگہ ( محمد بلال احمد بٹ ) ڈنگہ میں واٹر سپلائی کا گندہ پانی عام ہو گیا ۔ تفصیلات کے مطابق ڈنگہ میں سیوریج کا درست انتظام نہ ہونے اور واٹر سپلائی کے پائپ کے خستہ ہوجانے کے باعث نالیوں کا گندا پانی پینے کے پانی میں شامل ہو رہا ہے جس سے یہاں کے مکینوں کو سخت تکلیف کا سامنا ہے ۔ اکثر لوگ بیماریوں کا شکار ہو رہے ہیں ۔ غریب لوگ متعلقہ دفتروں میں جا کر فریاد کرتے ہیں مگر وہاں جا کر محسوس ہوتا ہے کہ کسی کو اپنے فرائض کا احساس تک نہیں ، ان کا مقصد صرف حاضری لگوانا اور تنخواہ اینٹھنا ہے ۔ اگر ان محکموں نے اپنے فرائض ہی ادا نہیں کرنے اور عوام کی شکایات کو سننا ہی نہیں تو ان کا فائدہ کیا ہے ؟ کیوں سرکاران پر پیسے ضائع کر رہی ہے ؟ عرصہ دراز سے واٹر سپلائی کے پائپ جگہ جگہ سے لیکج ہونے کی وجہ سے سیوریج کا گندہ پانی اس میں مکس ہو کر صارفین کو مہیا کیا جار ہا ہے ۔ پانی سے سیوریج کی بدبو آتی ہے۔ گھریلو خواتین اور نمازیوں کو کئی مشکلات کا سامنا ہے ۔ گندے پانی سے شہری کئی مختلف بیماریوں میں مبتلا ہو چکے ہیں جبکہ ڈنگہ کے سیاستدان آئے روز کہتے ہیں کہ فنڈ مہیا ہوتے ہی واٹر سپلائی پائپ تبدیل کر دیے جائیں گے۔ عرصہ دراز سے صارفین یہ باتیں سن سن کر اکتا چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چھ ماہ میں ہر چیز کی قیمت دوگنا ہو گئی ہے جو حکومتی نا اہلی ہے،چوہدری
اجمل ٹوپہ
ڈنگہ (محمد بلال احمد بٹ ) سابق وائس چیئرمین بلدیہ ڈنگہ چوہدری اجمل ٹوپہ نے اپنے ایک بیان میں کہا ہے کہ مہنگائی ایک عفریت کی طرح شہروں شہروں منیں پھینکا رہی ہے اور غریب لوگ بھوکو ں مرنے پر مجبور ہو رہے ہیں ۔ صرف چھ ماہ میں ہر چیز کی قیمت دوگنا ہو گئی ہے ۔ دال سبزی اور عام سے پھل یعنی کیلا ، امرود اور کنوں تو سب کی دسترس میں تھا ، آج غریب کیا متوسط طبقہ بھی ان سے محروم ہو چکا ہے ۔ ساٹھ اور ستر کی دہائی میں پیاز، ٹماٹر اور دھنیا سبزی کے ساتھ مفت ملا کرتا تھا۔ اب یہ بھی تعیشات میں شمار ہوتے ہیں اور تو اور غریب آدمی اچار یا گڑ کے ساتھ روتی کھانے کا بھی تصور نہیں کر سکتا۔ مہنگائی اسی رفتار سے بڑھتی رہی تو غریب ختم ہو جائیں گے۔ بھوک پیاس سے مر جائیں گے اور ہم فخر کے ساتھ دعویٰ کر سکیں گے کہ ہم نے غربت کا خاتمہ کر دیا۔
