اضلاع کی خبریں 21.09.2013
Posted on September 22, 2013 By Geo Urdu سٹی نیوز
پاکستان سُنی تحریک کے ضلعی صدر محمد اکرام بابر ضلعی رہنما ڈاکٹر حبیب الرحمن سٹی صدر حافظ محمد طاہر رضا قادری
گوجرانوالہ (جی پی آئی) پاکستان سُنی تحریک کے ضلعی صدر محمد اکرام بابر ضلعی رہنما ڈاکٹرحبیب الرحمن سٹی صدرحافظ محمد طاہر رضا قادری اور رابطہ سیکریٹری ملک راشد محمود عابد نے دربار غوثیہ کے سجادہ نشین بابا محمد اسحاق کی ٹارگٹ کلنگ کی شدید الفاظ میں مذمت کرتے ہوئے ا پنے مشترکہ بیان میں کہا کہ پے درپے سجادہ نشینوں کی ٹارگٹ کلنگ قانون نافذ کرنے والے اداروں کی کارکردگی پر سوالیہ نشان ہے۔ حکومت اور انتظامیہ عوام اہلسنت کو تحفظ فراہم کرنے میں مکمل طورپر ناکام ہو چکے ہیں۔ انتہاپسند دہشت گردجب اورجہاں چاہتے ہیں بے گناہ عوام کو نشانہ بنالیتے ہیں، قانون نافذکرنے والے ادارے مٹھی بھر دہشتگردوں کے آگے بے بس ہو چکے ہیں۔ انہوں نے صدر، وزیراعظم، وزیراعلیٰ پنجاب، آئی جی پنجاب اورسی پی اوٹارگٹ کلنگ کے واقعہ کا فوری نوٹس کے کر ذمہ داروں کے خلاف کاروائی کریں۔پرامن اہلسنت کو بندوق اٹھانے پر مجبور نہ کیا جائے۔ اہلسنت کیساتھ ظلم کرنیوالے اتناظلم کریں جتنا کل وہ خود برداشت کرسکیں۔ پاکستان سنی تحریک کے ضلعی صدر محمد اکرام بابر نے ڈویژنل صدر محمد زاہد حبیب قادری کو چین میں ٹیلی فون کر کے شہر کے حالات اور تنظیمی سرگرمیوں سے باخبر کیا۔ یاد رہے کہ محمد زاہد حبیب قادری 12 ستمبر سے اپنے کاروباری معاملات کے سلسلے میں سری لنکا، تھائی لینڈ اورچین کے نجی دورے پرہیں۔ اس موقع پر محمد زاہد حبیب قادری نے دربارغوثیہ کے سجادہ نشین بابا محمد اسحاق کی ٹارگٹ کلنگ کی شدید مذمت جبکہ ملک وقوم کیلئے نیک تمنائوں کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کمسن بچی سے درندگی کے واقعہ میں ملوث ملز م کی فی الفور گرفتاری کے لئے پولیس دن رات ایک کر دے، شہباز شریف
لاہور(جی پی آئی) وزیر اعلیٰ پنجاب محمد شہباز شریف نے کہاہے کہ کمسن بچی سے زیادتی کا دلخراش واقعہ انتہائی افسوسناک ہے اس انسانیت سوز واقعہ میں ملوث درندہ صفت ملزم کو فی الفور گرفتار کیا جائیدرندگی کا مظاہرہ کرنے والے کو ہر صورت کیفر کردار تک پہنچانے کے لئے پولیس دن رات ایک کر دے مظلوم خاندان کو انصاف دلانا میرا فرض اور ذمہ داری ہے۔ متاثرہ خاندان کی داد رسی اور اسے انصاف کی فراہمی تک چین سے نہیں بیٹھوں گا۔ وہ آج یہاں ایک اعلیٰ سطحی اجلاس کی صدار ت کر رہے تھے جس میں لاہور کے علاقے مغلپورہ میں کمسن بچی سے زیادتی کے واقعہ کا تفصیلی جائزہ لیا گیاـ اجلاس کے دوران کمسن بچی سے زیادتی کے واقعہ کے مختلف پہلوئوں سے آ گاہ کیا گیا۔ ممبر قومی اسمبلی حمزہ شہباز شریف، انسپکٹر جنرل پولیس، سیکرٹری داخلہ، سی سی پی اولاہور، ڈی آئی جی انویسٹی گیشن اور متعلقہ حکام نے اجلاس میں شرکت کیـوزیراعلیٰ محمد شہبازشریف نے اجلاس سے خطاب کرتے ہوئے کہاکہ معصوم بچی کو درندگی کا نشانہ بنانے والے ملزم کی گرفتاری کے لئے تمام پہلوئوں، شواہد اور سائنٹیفک تفتیش کو مد نظر رکھا جائے تا کہ ملزم قانون کے مطابق قرارواقعی سزا سے بچ نہ سکےـ ملزم کی گرفتار ی پولیس کے لئے ٹیسٹ کیس ہےـ پولیس کمسن بچی سے زیادتی کرنے والے ملزم کو جلد ا زجلد قانون کے کٹہرے میں لانے اور قرار واقعی سزا دلانے کے لئے کوئی کسر اٹھا نہ رکھےـ انہوں نے کہاکہ مستقبل میں ایسے انسانیت سوز واقعات کے سدباب کے لئے ملزم کو قانون کے مطابق جلد سے جلد قرارواقعی سزا دلانا ناگزیر ہےـ انہوں نے کہاکہ کسی بھی مہذب معاشرے میں ایسا افسوسناک واقعہ ناقابل برداشت ہےـ پولیس ملزم کی جلد ازجلد گرفتاری کو ہر صورت یقینی بنائے تاکہ ملز م کو قانون کے مطابق کیفر کردار تک پہنچایا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ تعلیم یافتہ نوجوان ہی ملک و قوم کا سرمایہ ہیں
لاہور(جی پی آئی) پاکستان تحریک انصاف کی جنرل سیکرٹری شعبہ خواتین و رکن پنجاب اسمبلی سعدیہ سہیل رانانے کہا ہے کہ تعلیم یافتہ نوجوان ہی ملک و قوم کا سرمایہ ہیں اور ملک کو بحرانوں سے نکال کر ترقی اور خوشحالی کی راہ پر گامزن کر سکتے ہیں نوجوان پاکستان تحریک انصاف کا اصل اثاثہ ہیں جس کی بدولت ہم کامیابی سے ملک کے اٹھارہ کروڑ عوام تک کامیابی سے اپنا پیغام پہنچا سکتے ہیں، ایک بیان میں انہوں نے کہا کہ تحریک انصاف نوجوانوں کے بارے میں ہمیشہ سنجیدہ رہی ہے اور رہے گی، تحریک انصاف اپنے منشور کی روشنی میں نوجوانوں سے کئے گئے وعدے بھر پور طریقے سے نبھائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ بلدیاتی انتخابات کو غیر جماعتی بنیادوں پر کروانے کا فیصلہ
لاہور(جی پی آئی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ بلدیاتی انتخابات کو غیر جماعتی بنیادوں پر کروانے کا فیصلہ جمہوریت کی روح کے منافی اور فوجی حکمرانوں کے موقف کی کھلم کھلا تائید ہے جمہوریت پرست کا تمغہ سجانے والے حکمرانوں نے شخصی آمریت کو فروغ دینے اور جمہوری روایا پر شب خون مارنے کی انتہا کر دی، انہوں نے کہا کہ زرپرستی کی روش میں ڈوبے ہوئے موجودہ حکمرانوں نے ملک کے ساتھ ساتھ بین الاقوامی سطح پر اپنی آل اولاد کو حکومتی سطح پر متعارف کرواتے ہوئے اقربا پروری کی انتہا کر دی ہے اور چند ماہ میں اس آئین اور قانوں کی دھجیاں بکھیر کر رکھ دی ہیںجس کا راگ وہ اپنے اپوزیشن کے دور میں الاپتے رہے ہیں، انہوں نے کہا کہ جمہوریت کے چیمپئن حکمرانوں نے جمہوری ایوانوں میں بیٹھ کر اپنے اور اپنے جانشینوں کے ہاتھ مضبوط کرتے کے علاوہ کوئی ایک کام نہیں کیا جس سے پاکستان اور 18 کروڑ غریب عوام کے بنیادی حقوق کو تحفظ مل سکے انہوں نے کہا کہ ماضی کی طرح مسلم لیگ ن کے قائدین اپنے اختیارات کو وسعت اور اقتدار کو مضبوط کرنے کیلئے نت نئے بہانے تلاش کر رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سربراہ ادارہ صراط مستقیم ڈاکٹر محمد اشرف آصف جلالی نے کہا کہ مزاکرات کیلئے دہشت گردوں کی رہائی قابل مذمت ہے
لاہور( جی پی آئی) سربراہ ادارہ صراط مستقیم ڈاکٹر محمد اشرف آصف جلالی نے کہا کہ مزاکرات کیلئے دہشت گردوں کی رہائی قابل مذمت ہے ایسے اقدامات سے دہشت گردوں کے خاتمے کی بجائے دہشت گردی کو تقویت دے رہی ہے دہشت گردوں سے نرمی ہر گز ملک مفاد میں نہیں ہے۔ان خیالات کا اظہار انہوں نے طالبان راہنما ملّا عبد الغنی بردار کی رہائی کی شدید مذمت کرتے ہوئے کیا۔انہوں نے کہا کہ بے گناہ مسلمانوں کا خون بہانے والوں کیلئے لچک سے ملکی سالمیت کو شدید خطرات لاحق ہو چکے ہیں۔ دہشت گردی کے خلاف جنگ میں پاک فوج اور سیکیورٹی فورسز کے نو جوانو ںنے جواپناخون پیش کیا آج اس کا سودا کیا جارہا ہے۔ حکومت نے ملکی آئین کو پس پشت ڈالتے ہوئے جسکی لاٹھی اسکی بھینس کے قانون پر عمل پیرا ہیں۔لہٰذ حکومت مزاکرات سے پہلے ملک کے تمام طبقات کو اعتماد میں لے ۔مبینہ دہشت گرد اگرفی الفور رہا کیے جاسکتے ہیں تو احمد شیر خاں نیازی اور ممتاز حسین قادری جیسے غازیوں کو رہاکیوں نہیں کیا جاسکتا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق صوبائی وزیر پلاننگ اینڈ ڈویلپمنٹ چوہدری عبد الغفور خاں نے کہا ہے کہ وزیر اعظم پاکستان میاں نواز شریف کی سیاست کا محور ارض پاک کی پریشان حال عوام کو درپیش
لاہور( جی پی آئی) سابق صوبائی وزیر پلاننگ اینڈ ڈویلپمنٹ چوہدری عبد الغفور خاں نے کہا ہے کہ وزیر اعظم پاکستان میاں نواز شریف کی سیاست کا محور ارض پاک کی پریشان حال عوام کو درپیش بحرونوں سے نجات دلانا اور وطن عزیز میں غریب کا معیار زندگی بلند کرنے کے ساتھ ساتھ پاکستان کو ترقی یافتہ ممالک کی صف میں کھڑا کرنا ہے ایک بیان میں انہوں نے کہا کہ میاں نواز شریف عوامی لیڈر ہیں کیونکہ ان کے سابقہ دور کی جتنی خدمات ہیں وہ صرف عوام کے مسائل کے حل اور انہیں ممکنہ حد تک ریلیف فراہم کرنے پر مبنی ہے یہ ہی وجہ ہے کہ حالیہ انتخابات میں پاکستانی عوام نے اپنے اس عوامی لیڈر کے ساتھ حق وفا ادا کرتے ہوئے انہیں چروں صوبوں میں بھاری اکثریت سے کامیاب کروایا کیونکہ وہ جانتے ہیں ان کے مسائل کا مداوا صرف میاں نواز شریف ہی کی ذات کر سکتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلز پارٹی لاہور کی صدر ثمینہ خالد گھرکی اور لاہور کے سیکرٹری اطلاعات عابد حسین صدیقی نے کہا ہے کہ ملک سے شدت پسندی کے خاتمے اور امن کی بحالی اس وقت ممکن ہو سکتی ہے
لاہور( جی پی آئی) پیپلز پارٹی لاہور کی صدر ثمینہ خالد گھرکی اور لاہور کے سیکرٹری اطلاعات عابد حسین صدیقی نے کہا ہے کہ ملک سے شدت پسندی کے خاتمے اور امن کی بحالی اس وقت ممکن ہو سکتی ہے، جب محترمہ بینظیر بھٹو شہید کے فلسفہ اور جناب آصف علی زرداری کے وژن پر عمل کیا جائے گا، ایک بیان میں انہوں نے کہا کہ پیپلز پارٹی کی جمہوری حکومت نے صدر آصف علی زرداری کے قیادت میں اداروں کی ساکھ بحال کی اور مالا کنڈ اور سوات میں دوبارہ ملک کا پرچم سر بلند کیا۔ انہوں نے کہا کہ پاک افواج پر حملہ کرنے اور قومی پرچم کی توہین کرنے والے ملک کے وفادار نہیں ہو سکتے، اس لئے اپنوں اور غیروں کا تعین ہونا انتہائی ضروری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ ن کی رکن پنجاب اسمبلی کنول نعمان نے کہا ہے کہ تین ماہ میں ملک کی تعمیر و ترقی اور توانائی کے بحران کے حل کیلئے ہونے والے تمام معاہدے وزیر اعلیٰ میاں شہباز شریف کی قائدانہ صلاحیتوں کا منہ بولتا ثبوت ہیں
لاہور( جی پی آئی) پاکستان مسلم لیگ ن کی رکن پنجاب اسمبلی کنول نعمان نے کہا ہے کہ تین ماہ میں ملک کی تعمیر و ترقی اور توانائی کے بحران کے حل کیلئے ہونے والے تمام معاہدے وزیر اعلیٰ میاں شہباز شریف کی قائدانہ صلاحیتوں کا منہ بولتا ثبوت ہیں اور آنے والے چند مہینوں میں چائنہ اور ترکی کے ساتھ کئے گئے ان معاہدوں کے ثمرات نظر آنا شروع ہو جائیںگے، ایک بیان میں انہوں نے کہا کہ پنجاب کے 37 اضلاع میں بے گھر عوام کو رہائشی سہولیات کی فراہمی کے لئے سستے اور معیاری گھروں کی تعمیر کے پروگرام سے غریب اور متوسط طبقے کو ارزاں قیمت پر اپنی چھت میسر آ سکے گی انہوں نے کہا کہ 2010 سے لے کر 2013 تک وہ تمام اضلاع جہاں سیلاب نے لوگوں کو بے گھر کر دیا ہے ان کا سروے جاری ہے اور ان تمام سیلاب متاثرین کو حکومت مالی امداد کے ساتھ ساتھ ذاتی گھر بھی تعمیر کر کے دے گی اور آئندہ کے لئے ایسی حکمت عملی تیار کی جارہی ہے جس سے سیلاب سے کم سے کم نقصانات کو ممکن بنیا جا سکے، انہوں نے کہا کہ وزیر اعلیٰ پنجاب تمام محکموں میں کرپشن کے خاتمے اور ترقیاتی کاموں میں شفاف انداز میں ہونے والے اخراجات کے لئے انتہائی سنجیدہ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلزپارٹی کی سابق رکن پنجاب اسمبلی نرگس فیض ملک نے بلاول بھٹو زرداری کی 25 سالگرہ کے موقع پر پور ی کو مبارک باد
لاہور( جی پی آئی) پاکستان پیپلزپارٹی کی سابق رکن پنجاب اسمبلی نرگس فیض ملک نے بلاول بھٹو زرداری کی 25 سالگرہ کے موقع پر پور ی کو مبارک باد دیتے ہوئے کہا ہے کہ پیپلز پارٹی بلاول بھٹو زرداری کی قیادت میں اپنی ساخت بحال کرے گی اور محترمہ بے نظیر کے ادھورے مشن کو جاری و ساری رکھتے ہوئے غریب عوام کے مسائل حل کرے گی، انہوں نے کہا کہ پیپلز عوام کی فلاح و بہبود کو اپنا ایمان سمجھتی ہے اور عوام کے فلاحی کاموں میں کسی قربانی سے دریغ نہیں کرے گی۔ پیپلز پارٹی نے جمہوری اداروں کو مضبوط کرنے میں جانوں کا نذرانہ دیا ہے اور آئندہ بھی پیپلز پارٹی کے جیالے کسی قربانی سے دریغ نہیں کریں گے۔
